قومی اسمبلی 6، صوبائی کے 7 حلقوں میں انتخابی دنگل آج: سخت سکیورٹی انتظامات
اشاعت کی تاریخ: 23rd, November 2025 GMT
لاہور‘ اسلام آباد (نمائندہ خصوصی + نامہ نگار + نوائے وقت رپورٹ + آئی این پی) قومی اسمبلی کے6 اور صوبائی اسمبلی کے7 حلقوں پر ضمنی انتخابات کا دنگل آج سجے گا۔ امیدواروں کے درمیان کانٹے دار مقابلہ متوقع ہے۔ اس موقع پر سکیورٹی کے سخت ترین انتظامات کئے گئے ہیں۔ سول آرمڈ فورسز اور پاک فوج بھی تعینات ہو گی۔ الیکشن کمشن کے مطابق قومی اسمبلی کی6 اور پنجاب اسمبلی کی7 نشستوں پر آج ووٹ ڈالے جائیں گے۔ اس ضمن میں تمام تر انتظامات مکمل کرلئے گئے ہیں۔ قومی اسمبلی کے حلقوں این اے18 ہری پور، این اے 96 فیصل آباد، این اے104 فیصل آباد، این اے129 لاہور، این اے143 ساہیوال اور این اے185 ڈی جی خان میں ضمنی الیکشن ہوگا۔ پنجاب اسمبلی کی پی پی98 بھکر، پی پی115 اور 116 فیصل آباد، پی پی73 سرگودھا، پی پی87 میانوالی، پی پی203 ساہیوال اور پی پی269 مظفرگڑھ پر بھی آج ووٹنگ ہوگی۔ الیکشن کمشن نے بھی پاکستان آرمی، سول آرمڈ فورسز اور مقامی پولیس کی تعیناتی کا نوٹیفکیشن جاری کیا ہے اور نامزد عسکری و سول افسروں کو مجسٹریٹ درجہ اول کے اختیارات بھی تفویض کیے ہیں۔ انتخابی حلقوں میں فوجی دستے22 سے24 نومبر تک موجود رہیں گے۔ ضمنی انتخابات میں این اے129 میں ن لیگ کے حافظ نعمان اور آزاد امیدوار ارسلان احمد میں کڑا مقابلہ متوقع ہے۔ این اے18 ہری پور میں عمر ایوب کی اہلیہ اور مسلم ن لیگ کے بابر نواز میں کانٹے کے مقابلے کا امکان ہے۔ انسپکٹر جنرل پولیس پنجاب ڈاکٹر عثمان انور کی ہدایت پر پنجاب میں قومی و صوبائی حلقوں میں ہونے والے ضمنی انتخابات کے لیے سکیورٹی انتظامات مکمل کر لیے گئے ہیں۔ ترجمان پنجاب پولیس نے بتایا کہ ضمنی انتخابات کی سکیورٹی کے فرائض کی انجام دہی کے لیے 20 ہزار سے زائد پولیس افسر و اہلکار تعینات کئے گئے ہیں۔ آئی جی پنجاب ڈاکٹر عثمان انور نے کہا کہ پنجاب پولیس ووٹرز کو پرامن اور محفوظ ماحول فراہم کرے گی تاکہ عوام بلا خوف و خطر اپنا حق رائے دہی استعمال کر سکیں۔ الیکشن کمشن کے ضابطہ اخلاق، دفعہ 144 اور اسلحہ پابندی کی خلاف ورزی پر زیرو ٹالرنس پالیسی اپنائی جائے گی۔ صوبے بھر کے 939 مردانہ، 889 زنانہ اور 964 جوائنٹ پولنگ سٹیشنز پر پولیس فورس تعینات ہے، جبکہ مجموعی طور پر 2792 پولنگ سٹیشنز میں سے 408 کو انتہائی حساس اور 1032 کو حساس قرار دیا گیا ہے۔ دریں اثناء لاہور کے حلقہ این اے 129 میں ضمنی الیکشن کے موقع پر سکیورٹی انتظامات مکمل کر لئے گئے ہیں۔ ٹاؤن شپ آر او آفس سے انتخابی عملے نے پولیس کی نگرانی میں سامان وصول کرکے متعلقہ مقامات پر پہنچا دیا ہے۔ذرائع کے مطابق حلقے میں 558,364 رجسٹرڈ ووٹرز ہیں۔جن میں 289,339 مرد جبکہ 269025 خواتین ہیں۔132 بلڈنگ میں 334 پولنگ سٹیشن قائم کئے گئے ہیں۔کیٹٹیگری اے کی 26 بلڈنگ کے 110 پولنگ سٹیشن سکیورٹی اعتبار سے حساس ہیں۔ جبکہ سکیورٹی ڈیوٹیوں پر مجموعی طور پر 5,152 اہلکار،402 لیڈیز پولیس اہلکار تعینات کی گئی ہیں۔ جبکہ پاکستان پیپلز پارٹی کے چیئرمین بلاول بھٹو زرداری نے ضمنی انتخابات کے حوالے سے اپنے ایک پیغام میں کہا کہ وہ مظفرگڑھ اور ڈی جی خان کے عوام سے اپیل کرتے ہیں کہ باہر نکل کر اپنا ووٹ کاسٹ کریں۔ پی پی 269 مظفرگڑھ اور این اے 185 ڈی جی خان میں ضمنی الیکشن ہو رہا ہے۔ صوبائی اسمبلی کے حلقے میں میاں علمدار قریشی جبکہ قومی اسمبلی کے حلقہ میں دوست محمد خان کھوسہ پارٹی کے امیدوار ہیں انہیں ووٹ دیں۔
.ذریعہ: Nawaiwaqt
کلیدی لفظ: ضمنی انتخابات قومی اسمبلی اسمبلی کے گئے ہیں
پڑھیں:
قومی اسمبلی کے 6 اور صوبائی اسمبلی کے 7 حلقوں میں ضمنی انتخابات کل ہوں گے
فوٹو: فائلقومی اسمبلی کے 6 اور صوبائی اسمبلی کے 7 حلقوں میں ضمنی انتخابات کے لیے تیاریاں مکمل کرلی گئی۔
لاہور، فیصل آباد، ساہیوال، سرگودھا، میانوالی، مظفرگڑھ اور ہری پور میں کل صبح 8 بجے سے شام 5 بجے تک بلاتعطل پولنگ ہوگی، الیکشن کمیشن نے عوام سے بلا خوف و خطر حقِ رائے دہی استعمال کرنے کی اپیل کی ہے۔
این اے 18 ہری پور میں ضمنی انتخاب میں9 امیدوار میدان میں ہیں۔ پی ٹی آئی کی حمایت یافتہ آزاد امیدوار شہرناز، ن لیگ کے بابر نواز خان اور پیپلز پارٹی کی ارم فاطمہ کے درمیان سخت مقابلے کا امکان ہے۔
یہ نشست پی ٹی آئی کے عمر ایوب کی 9 مئی کیس میں سزا اور نااہلی کے بعد خالی ہوئی تھی۔
فیصل آباد کے حلقہ این اے 96 میں 16 امیدوار حصہ لے رہے ہیں۔ ن لیگ کے طلال بدر چوہدری کا 15 آزاد امیدواروں سے مقابلہ ہوگا۔ یہ نشست پی ٹی آئی کے رائے حیدر علی کھرل کی نااہلی پر خالی ہوئی تھی۔
کل بروز 22 نومبر کو ہونے والے قومی و صوبائی حلقوں میں ضمنی الیکشن کے پیشِ نظر پنجاب پولیس نے سیکیورٹی انتظامات مکمل کر لیے ہیں۔
فیصل آباد کے حلقہ این اے 104 میں ن لیگ کے راجہ دانیال اور 4 آزاد امیدواروں میں مقابلہ ہوگا۔یہ نشست سنی اتحاد کونسل کے چیئرمین حامد رضا کی 9 مئی کیس میں سزا کے سبب خالی ہوئی تھی۔
فیصل آباد پی پی 116 میں ن لیگ کے رانا شہریار احمد اور 5 آزاد امیدوار مدمقابل ہیں۔ یہ نشست پی ٹی آئی کے محمد اسماعیل سیلا کی نااہلی کے باعث خالی ہوئی تھی۔
پی پی 98 چک جھمرہ میں 10 امیدوار حصہ لے رہے ہیں۔ ن لیگ کے آزاد علی تبسم اور آزاد امیدوار محمد اجمل چیمہ کےدرمیان سخت مقابلہ متوقع ہے۔ یہ نشست پی ٹی آئی کے جنید افضل ساہی کی نااہلی کے باعث خالی ہوئی تھی۔
پنجاب اور کے پی میں ضمنی انتخابات میں فوج اور سول آرمڈ فورسز کے آفیسر انچارج کو فرسٹ کلاس مجسٹریٹ کے اختیارات تفویض کیے گئے ہیں۔
فیصل آباد پی پی 115 میں 5 امیدوار انتخابی دوڑ میں شامل ہیں۔ن لیگ کے طاہر جمیل اور 4 آزاد امیدوار میدان میں ہیں۔یہ نشست پی ٹی آئی کے شیخ شاہد جاوید کی نااہلی سے خالی ہوئی تھی۔
پی پی 269 مظفرگڑھ، کےضمنی انتخاب میں 17 امیدوار حصہ لے رہے ہیں۔ پیپلز پارٹی کے علمدار عباس قریشی، آزاد امیدوار اقبال خان اور عبدالحئی دستی کے درمیان کانٹے کا مقابلہ متوقع ہے۔ یہ نشست ووٹوں کی دوبارہ گنتی سے قبل پی پی امیدوار کے استعفے کے باعث خالی ہوئی تھی۔
سرگودھا پی پی 73 کوٹ مومن میں 5 امیدوار حصہ لے رہے ہیں۔ ن لیگ کے میاں سلطان علی رانجھا کا 4 آزاد امیدواروں سے مقابلہ ہوگا۔یہ نشست پی ٹی آئی کے انصر اقبال ہرل کی 10 سال قید سزا اور نااہلی پر خالی ہوئی تھی۔
این اے 185 ڈیرہ غازی خان میں 8 امیدوار میدان میں ہیں۔ن لیگ کے محمود قادر لغاری اور پیپلز پارٹی کے سردار دوست محمد کھوسہ میں کڑا مقابلہ متوقع ہے۔ یہ نشست پی ٹی آئی کی زرتاج گل وزیر کی 9 مئی کیس میں سزا اور نااہلی کے باعث خالی ہوئی تھی۔
کراچی میں آج موسم خشک اور رات خنک رہنے کا امکان