پنڈی پولیس کی خاتون انسپکٹر کی بھارتی حریف کو شکست، عالمی اعزاز جیت لیا
اشاعت کی تاریخ: 5th, December 2025 GMT
انسپکٹر ارم خانم نے پاور لفٹنگ میں اوّل پوزیشن حاصل کر کے گولڈ میڈل حاصل کیا
سی پی او آفس آمد پر پرتپاک استقبال،سی پی اوخالد ہمدانی کی حوصلہ افزائی اور شاباش
راولپنڈی پولیس کی انسپکٹر ارم خانم نے بھارتی حریف کو شکست دے کر بین الاقوامی اعزاز اپنے نام کر لیا۔تفصیلات کے مطابق ارم خانم نے سری لنکا میں ہونے والی ورلڈ پاور لفٹنگ چمپئن شپ 2025 میں 2 گولڈ میڈلز حاصل کیے۔انسپکٹر ارم خانم نے پاور لفٹنگ میں اوّل پوزیشن حاصل کر کے گولڈ میڈل حاصل کیا۔ اس کے علاوہ ڈیڈ لفٹ کے مقابلوں میں بھی اوّل پوزیشن حاصل کر کے گولڈ میڈل حاصل کیا۔انسپکٹر ارم خانم کی سی پی او آفس آمد پر راولپنڈی پولیس کی طرف سے پرتپاک استقبال کیا گیا۔سی پی او سید خالد ہمدانی نے انسپکٹر ارم خانم کی حوصلہ افزائی کی اور شاباش دیتے ہوئے کہا کہ انسپکٹر ارم پنجاب پولیس کا ایک درخشاں ستارہ ہیں۔سید خالد ہمدانی نے کہا کہ انسپکٹر ارم خانم کی نمایاں کامیابی نہ صرف محکمہ پولیس بلکہ پوری قوم کے لیے باعثِ فخر ہے۔
ذریعہ: Juraat
کلیدی لفظ: انسپکٹر ارم خانم سی پی او
پڑھیں:
کراچی: کمسن ابراہیم کی لاش تلاش کرنے والے تنویر کو پولیس کا اعزاز، ریسکیو دعوؤں پر سوالات اٹھ گئے
3 سالہ ابراہیم کی لاش تلاش کرنے والے نوعمر لڑکے تنویر کو سوشل میڈیا پر بھرپور خراجِ تحسین پیش کیے جانے کے بعد کراچی پولیس نے باقاعدہ طور پر اس کی بہادری کا اعتراف کیا، جبکہ اس واقعے نے شہری انتظامیہ اور ریسکیو اداروں کے 15 گھنٹے طویل آپریشن کے دعوؤں پر سوالات کھڑے کر دیے ہیں۔
ایس ایس پی ایسٹ ڈاکٹر فخر رضا ملک نے تنویر اور اس کے ایک رشتہ دار کو بلا کر اسے پھولوں کا گلدستہ پیش کیا۔ انہوں نے کہا کہ میں نے اس لڑکے سے ملاقات کی جس نے لاش ڈھونڈی۔ تنویر بہادر اور خوش اخلاق لڑکا ہے۔
مزید پڑھیں:بھٹو نیپا چورنگی میں کیوں زندہ نہیں؟
یہ ملاقات اس پس منظر میں ہوئی جب سوشل میڈیا پر پولیس اہلکاروں کی جانب سے تنویر کے ساتھ مبینہ بدسلوکی پر تنقید کی گئی اور شہری اداروں پر بھی یہ اعتراض اٹھا کہ انہوں نے لڑکے کے کردار کو تسلیم کرنے کے بجائے تمام کریڈٹ اپنے کھاتے میں ڈال لیا۔
دوسری جانب ریسکیو 1122 کے ترجمان حسان الحق حسیب خان نے بتایا کہ تنویر نالے کے قریب موجود تھا۔ جبکہ 2 ملازمین پہلے سے اس مقام پر موجود تھے اور اسے ان ممکنہ مقامات میں سے ایک قرار دیا تھا جہاں بچے کی لاش مل سکتی تھی۔
انہوں نے دعویٰ کیا کہ عملے نے لاش ایک نالے میں دیکھی اور ریسکیو ٹیم کو اطلاع دی، جبکہ عارضی طور پر انہوں نے تنویر کو اندر جا کر تصدیق کرنے کو کہا۔ نوعمر لڑکے نے اندر جا کر لاش نکالی، جسے بعد ازاں ریسکیو ٹیم کی گاڑی میں منتقل کیا گیا۔
مزید پڑھیں: داؤد ابراہیم کے بھانجے کی پارٹی میں شرکت کا معاملہ، اداکارہ نورا فتیحی نے خاموشی توڑ دی
اس واقعے نے نہ صرف نوعمر تنویر کی بہادری کو نمایاں کیا ہے بلکہ شہری اداروں اور ریسکیو محکموں کے طرزِ عمل اور ان کے دعوؤں پر بھی بحث چھیڑ دی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایس ایس پی ایسٹ ڈاکٹر فخر رضا ملک ریسکیو سوشل میڈیا کراچی کمسن ابراہیم
غزہ معاہدے کی مکمل پاسداری کی، اسلحہ حوالے کرنا قومی مذاکرات سے مشروط ہوگا: حماس