بھارت میں انتہاپسندوں کے ہاتھوں بابری مسجد کی شہادت کو 33 سال بیت گئے
اشاعت کی تاریخ: 6th, December 2025 GMT
بھارت میں ہندو انتہا پسندوں کے ہاتھوں بابری مسجد کی شہادت کو 33 سال بیت گئے۔
6دسمبر 1992 کو اتر پردیش کے شہر ایودھیا میں انتہا پسند ہندوؤں نے بابری مسجد کو شہید کر دیا تھا۔ حملہ کرنے والوں کا تعلق بھارتیہ جنتا پارٹی، راشٹریہ سوائم سیوک سنگھ، وشوا ہندو پریشد اور بجرنگ دل سے تھا۔ انتہا پسندوں نے کلہاڑیوں، ہتھوڑوں اور دیگر اوزاروں سے بابری مسجد کو نشانہ بنایا۔
بابری مسجد کی شہادت کے دوران مسلمانوں کی طرف سے شدید احتجاج اور مزاحمت بھی کی گئی یہاں تک کہ فسادات کے نتیجے میں 2 ہزار سے زائد مسلمان شہید جب کہ ہزاروں زخمی ہوگئے تھے
بی جے پی رہنما ایل کے ایڈوانی اور منوہر جوشی نے انتہا پسند ہندوؤں کو بابری مسجد شہید کرنے کے لئے اشتعال دلایا تھا۔ بعد ازاں 2009 میں جسٹس منموہن سنگھ کی تحقیقاتی رپورٹ میں بی جے پی رہنماؤں سمیت 68 لوگوں کو موردالزام ٹھہرایا گیا۔
سربراہ بھارتی انٹیلی جنس بیورو ملوئے کرشنا کے مطابق بابری مسجد کی شہادت کا منصوبہ بی جے پی، راشٹریہ سوائم سیوک سنگھ اور وشوا ہندو پریشد نے 10 ماہ پہلے بنایا تھا۔ 9 نومبر 2019 کو بھارتی سپریم کورٹ نے بابری مسجد کی شہادت میں ملوث تمام ملزمان کو بری کر دیا۔
اہم بات یہ ہے کہ بابری مسجد کی شہادت کے بعد بی جے پی کی لوک سبھا میں سیٹیں 121 سے بڑھ کر 188 ہوگئی تھیں۔
ہیومن رائٹس واچ کے مطابق ایودھیا میں بابری مسجد کی بے حرمتی بین الاقوامی اصولوں کے منافی اور اقلیتوں کے مذہبی حقوق کی سنگین خلاف ورزی تھی۔ رپورٹ میں انکشاف کیا گیا ہے کہ 1992 سے اب تک صرف بھارتی ریاست گجرات میں 500 مساجد شہید اور ان گنت مزارات ڈھائے جا چکے ہیں۔
.ذریعہ: Express News
کلیدی لفظ: بابری مسجد کی شہادت بی جے پی
پڑھیں:
شہید میجر شبیر شریف نشان حیدر کا 54واں یوم شہادت، پاک فوج کی جانب سے خراج عقیدت
دفاع وطن کی خاطر جان نچھاور کرکے اعلیٰ ترین فوجی اعزاز پانے والے میجر شبیر شریف (نشان حیدر) کا 54واں یوم شہادت آج منایا جا رہا ہے اور اس موقع پر پاک فوج نے شہید کے لیے خراج عقیدت پیش کیا ہے۔
چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر، چیف آف نیول اسٹاف ایڈمرل نوید اشرف اور چیف آف ائیر اسٹاف ائیر چیف مارشل ظہیر احمد بابر سدھو نے مسلح افواج کی جانب سے میجر شبیر شریف شہید نشانِ حیدر کے 54ویں یومِ شہادت پر گہرے احترام اور عقیدت کا اظہار کیا۔
یہ بھی پڑھیے: آزاد کشمیر رجمنٹ کے بہادر سپوت نائیک سیف علی جنجوعہ شہید، ہلالِ کشمیر کا 77واں یومِ شہادت
میجر شبیر شریف شہید، جنہوں نے جنگِ 1965 میں غیر معمولی بہادری پر ستارۂ جرات حاصل کیا، 1971 کی جنگ میں بھی ایک فیصلہ کن اور انتہائی اہم ذمہ داری سلیمانکی ہیڈ ورکس کے قریب اسٹریٹجک مقام کا دفاع نبھانے پر مامور کیے گئے۔
5ور 6 دسمبر کی درمیانی شب انہوں نے اپنی قیادت میں دشمن پر بہادری سے حملہ کیا، قریب سے لڑتے ہوئے 4 جات رجمنٹ کے کمانڈر میجر نارائن سنگھ کو ہلاک کیا اور پورا علاقہ اپنی گرفت میں لے لیا۔
6 سمبر کے روز بھی وہ دشمن کے مسلسل جوابی حملوں کے سامنے ڈٹ کر کھڑے رہے اور ریکوئلس رائفل سے دشمن کے بڑھتے ہوئے ٹینکوں کو تباہ کرتے رہے۔ اپنے مورچے کا دفاع کرتے ہوئے وہ بھارتی ٹینک کا گولہ لگنے سے جامِ شہادت نوش کر گئے۔
یہ بھی پڑھیے: وزیرِ اعظم کا پائلٹ آفیسر راشد منہاس نشانِ حیدر کی 54ویں برسی پر خراجِ عقیدت
آئی ایس پی آر کے مطابق، میجر شبیر شریف شہید کی بے مثال قیادت، ثابت قدمی اور وطن کے لیے اُن کی عظیم قربانی پاک فوج کی اعلیٰ روایات کی روشن علامت ہے۔ ان کا جذبہ آج بھی پاکستان کے ہر سپاہی کے لیے مشعلِ راہ ہے۔
مسلح افواج پاکستان کی سالمیت اور سیکیورٹی کے لیے جانوں کا نذرانہ پیش کرنے والے تمام شہدا کو خراجِ عقیدت پیش کرتی ہیں۔ شہدا کا یہ عظیم سرمایہ قوم کی اجتماعی یادداشت میں ہمیشہ امر رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
1971 کی جنگ آئی ایس پی آر پاک فوج شبیر شریف
پاکستان اپنی عظمت دوبارہ حاصل کررہا ہے: وزیر اعلیٰ پنجاب مریم نواز