پنجاب حکومتی اقدامات سے لاہور کے فضائی آلودگی انڈیکس میں بہتری کے آثار نمایاں
اشاعت کی تاریخ: 8th, December 2025 GMT
لاہور میں حکومتی اقدامات کے باعث AQI میں بتدریج بہتری کے آثار سامنے آرہے ہیں۔
تفصیلات کے مطابق رات و صبح کمزور ہوائیں، آلودگی بڑھنے پر اداروں نے کارروائیاں مزید تیز کر دی ہیں۔ غیر مطابقت رکھنے والی تمام تعمیراتی سائٹس ریڈ لسٹ میں شامل کردی گئی ہیں۔
پنجاب حکومت نے زیر تعمیر سائٹس کو ملبہ فوری ہٹانے کا حکم دیا ہے ورنہ ورنہ بھاری جرمانے سے خبردار کردیا ہے۔ ای پی اے ہیڈکوارٹر کی تعمیراتی سائٹ کو بھی خلاف ورزی پر وارننگ جاری کی گئی۔
ای پی اے نے ہائی اے کیو آئی زونز میں بڑا کریک ڈاؤن بھی شروع کردیا ہے جبکہ شہر بھر میں 18 کارروائیاں کی گئیں اور یو ای ٹی ہاٹسپاٹ میں دھول کم کرنے کیلئے واٹر اسپرنکلنگ آپریشن بھی کیا گیا۔
16 تعمیراتی سائٹس ایس او پیز کی خلاف ورزی پر سیل کردی گئیں۔ یونین ٹاؤن عبد الستار ایدھی روڈ پر سائٹ سیل اور ایک لاکھ روپے جرمانہ عائد کیا گیا۔
سینٸرصوباٸی وزیرمریم اورنگزیب کا کہنا تھا کہ روزانہ فیلڈ رپورٹ کوڈیش بورڈ سے وزیراعلیٰ پنجاب چیک کرتی ہیں۔
عوام سے اپیل ہے کہ ماسک کا استعمال کریں اور حساس و بیمار افراداپنا خیال رکھیں،شہریوں کاتعاون ہرصورت ناگزیر ہے۔
.ذریعہ: Express News
پڑھیں:
نواز شریف آئی ٹی سٹی کے تعمیراتی کام میں ماحولیاتی قوانین کی خلاف ورزی
لاہور میں نواز شریف آئی ٹی سٹی پروجیکٹ کے تعمیراتی کام کے دوران ماحولیاتی قوانین کی خلاف ورزی سامنے آگئی ہے۔ محکمہ ماحولیات نے پروجیکٹ پر جرمانے عائد کر دیے ہیں اور سنٹرل بزنس ڈسٹرکٹ کے سی ای او کو مراسلہ ارسال کر دیا ہے۔
یہ بھی پڑھیں: مریم نواز کا ویژن، پنجاب جدید ٹیکنالوجی کے استعمال میں تمام صوبوں پر بازی لے گیا
مراسلے میں بتایا گیا ہے کہ نواز شریف آئی ٹی سٹی کی تعمیر کے دوران شدید دھول اڑتی پائی گئی اور پروجیکٹ کے قریب ائیر کوالٹی مانیٹرز پر انڈیکس 500 سے زائد ریکارڈ کیا جارہا ہے۔
محکمہ ماحولیات نے 3 تعمیراتی کمپنیوں پر 15 لاکھ روپے کا جرمانہ عائد کیا ہے اور 3 روز کے اندر یہ رقم ادا کرنے کا حکم دیا ہے۔
یہ بھی پڑھیں: اسلام آباد آئی ٹی پارک جلد تعمیر کیا جائے، وزیر اعظم کی ہدایت
محکمہ ماحولیات نے ہدایت کی ہے کہ روزانہ کی بنیاد پر پانی کے چھڑکاو کو یقینی بنایا جائے اور تعمیراتی میٹریل کو ایس او پیز کے مطابق ڈھانپ کر رکھا جائے۔ مزید ہدایت کی گئی ہے کہ ڈسٹ اسکریننگ بیرئیرز اور نیٹس کو تعمیراتی مقام پر لگایا جائے۔
محکمہ ماحولیات کی جانب سے کہا گیا ہے کہ اگر احکامات پر عمل درآمد نہ کیا گیا تو نواز شریف آئی ٹی سٹی پروجیکٹ کو سیل بھی کیا جا سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news جرمانہ محکمہ ماحولیات نواز شریف آئی ٹی پارک
پاکستان آرمی اور پیپلز لبریشن آرمی کی مشترکہ فوجی مشق واریئر IX کا آغاز