نواز شریف آئی ٹی سٹی کے تعمیراتی کام میں ماحولیاتی قوانین کی خلاف ورزی
اشاعت کی تاریخ: 6th, December 2025 GMT
لاہور میں نواز شریف آئی ٹی سٹی پروجیکٹ کے تعمیراتی کام کے دوران ماحولیاتی قوانین کی خلاف ورزی سامنے آگئی ہے۔ محکمہ ماحولیات نے پروجیکٹ پر جرمانے عائد کر دیے ہیں اور سنٹرل بزنس ڈسٹرکٹ کے سی ای او کو مراسلہ ارسال کر دیا ہے۔
یہ بھی پڑھیں: مریم نواز کا ویژن، پنجاب جدید ٹیکنالوجی کے استعمال میں تمام صوبوں پر بازی لے گیا
مراسلے میں بتایا گیا ہے کہ نواز شریف آئی ٹی سٹی کی تعمیر کے دوران شدید دھول اڑتی پائی گئی اور پروجیکٹ کے قریب ائیر کوالٹی مانیٹرز پر انڈیکس 500 سے زائد ریکارڈ کیا جارہا ہے۔
محکمہ ماحولیات نے 3 تعمیراتی کمپنیوں پر 15 لاکھ روپے کا جرمانہ عائد کیا ہے اور 3 روز کے اندر یہ رقم ادا کرنے کا حکم دیا ہے۔
یہ بھی پڑھیں: اسلام آباد آئی ٹی پارک جلد تعمیر کیا جائے، وزیر اعظم کی ہدایت
محکمہ ماحولیات نے ہدایت کی ہے کہ روزانہ کی بنیاد پر پانی کے چھڑکاو کو یقینی بنایا جائے اور تعمیراتی میٹریل کو ایس او پیز کے مطابق ڈھانپ کر رکھا جائے۔ مزید ہدایت کی گئی ہے کہ ڈسٹ اسکریننگ بیرئیرز اور نیٹس کو تعمیراتی مقام پر لگایا جائے۔
محکمہ ماحولیات کی جانب سے کہا گیا ہے کہ اگر احکامات پر عمل درآمد نہ کیا گیا تو نواز شریف آئی ٹی سٹی پروجیکٹ کو سیل بھی کیا جا سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news جرمانہ محکمہ ماحولیات نواز شریف آئی ٹی پارک.ذریعہ: WE News
کلیدی لفظ: محکمہ ماحولیات نواز شریف ا ئی ٹی پارک نواز شریف آئی ٹی سٹی محکمہ ماحولیات
پڑھیں:
پنجاب میں ون ڈش پر عملدرآمد اور غیر قانونی لاؤڈ اسپیکر کیخلاف کریک ڈاؤن کا فیصلہ
پنجاب حکومت نے صوبے بھر میں ون ڈش کی خلاف ورزی اور لاؤڈ اسپیکر کے غیر ضروری استعمال کے خلاف بڑے پیمانے پر کریک ڈاؤن کا فیصلہ کیا ہے۔
وزیراعلیٰ پنجاب مریم نواز شریف نے تمام کمشنرز اور ڈپٹی کمشنرز کو ہدایت جاری کی ہے کہ شادیوں سمیت تمام تقریبات میں ون ڈش کی پابندی کو ہر صورت یقینی بنایا جائے اور اس سلسلے میں کسی قسم کی غفلت یا نرمی برداشت نہیں کی جائے گی۔
وزیراعلیٰ نے اپنی ہدایات میں واضح کیا کہ شادی بیاہ کی تقریبات میں بلند آہنگ میوزک سماجی مسائل کے ساتھ ساتھ قانون کی خلاف ورزی ہے، جس پر سخت کارروائی عمل میں لائی جائے۔
یہ بھی پڑھیں:
انہوں نے متعلقہ اداروں کو قوالی نائٹ، محفلِ موسیقی اور دیگر تقریبات میں لاؤڈ اسپیکر کے غیر قانونی استعمال پر قانونی ایکشن لینے کا حکم دیا ہے تاکہ شہریوں کو بلاوجہ شور اور بد نظمی کا سامنا نہ کرنا پڑے۔
مریم نواز شریف نے اس امر پر بھی زور دیا کہ صرف شادی ہال ہی نہیں بلکہ فارم ہاؤسز اور مختلف گراؤنڈز میں منعقد ہونے والی تقریبات میں بھی لاؤڈ اسپیکر کے غیر مجاز استعمال کو روکنے کے لیے فوری اقدامات کیے جائیں۔
انہوں نے واضح کیا کہ یہ مقامات اکثر قانون سے بالاتر سمجھ کر استعمال کیے جاتے ہیں، جس کی وجہ سے قواعد و ضوابط کی خلاف ورزی بڑھ رہی ہے۔
مزید پڑھیں:
اجلاس میں اس بات کا اصولی فیصلہ کیا گیا کہ فارم ہاؤسز اور گراؤنڈز میں بھی ون ڈش پابندی سختی سے نافذ کی جائے گی اور اس حوالے سے کسی مقام کو استثنیٰ نہیں دیا جائے گا۔
وزیراعلیٰ نے متعلقہ حکام کو ہدایت کی کہ میرج ہالز کے مقررہ اوقاتِ کار پر عملدرآمد کی مسلسل مانیٹرنگ کی جائے اور خلاف ورزی کی صورت میں ہال انتظامیہ کے خلاف فوری کارروائی کی جائے۔
مزید یہ ہدایت بھی جاری کی گئی ہے کہ ون ڈش اور لاؤڈ اسپیکر قوانین کی خلاف ورزی پر سرکاری افسران کسی شادی یا تقریب میں شرکت نہیں کریں گے۔
مزید پڑھیں:
حکومت کا مؤقف ہے کہ سرکاری افسران کی جانب سے ایسی تقریبات میں شرکت سے غلط پیغام جاتا ہے اور قانون پر عملدرآمد متاثر ہوتا ہے۔
حکومتی ذرائع کے مطابق ان اقدامات کا مقصد صوبے بھر میں نظم و ضبط کو بہتر بنانا، عوام کو غیر ضروری شور کی آلودگی سے بچانا اور فضول خرچی کی حوصلہ شکنی کرنا ہے۔
انتظامیہ کو ہدایت دی گئی ہے کہ یہ کریک ڈاؤن مؤثر اور مسلسل ہو، تاکہ قوانین کو عملی شکل میں نافذ کرکے معاشرتی بہتری کے اہداف حاصل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب شادی ہال قانون کریک ڈاؤن کمشنر لاؤڈاسپیکر مریم نواز میوزک وزیر اعلی ون ڈش
شہر قائد ،پانی کی فراہمی تین دن معطل کرنے کا اعلان