ٹھنڈے موسم میں فون کی بیٹری جلدی کیوں ختم ہوتی ہے؟ ماہرین کا اہم انکشاف
اشاعت کی تاریخ: 2nd, December 2025 GMT
data-id="863a0a8" data-element_type="widget" data-widget_type="theme-post-content.default">
موسمِ سرما کی آمد کے ساتھ ہی اکثر اسمارٹ فون صارفین اس مسئلے سے دوچار ہوتے ہیں کہ ان کے فون کی بیٹری معمول کے مقابلے میں بہت تیزی سے ختم ہونے لگتی ہے جب کہ مکمل چارج کیا ہوا فون بھی چند گھنٹوں میں خالی دکھائی دینے لگتا ہے۔
یہ مسئلہ اتنا عام ہے کہ دنیا بھر میں مختلف موبائل کمپنیوں اور ٹیکنالوجی ماہرین کو بارہا اس بارے میں وضاحت کرنی پڑتی ہے کہ آخر سرد موسم فون کی کارکردگی کو اس حد تک کیوں متاثر کردیتا ہے۔
دلچسپ بات یہ ہے کہ یہ معاملہ صرف فونز تک محدود نہیں بلکہ الیکٹرک گاڑیوں کی بیٹریوں میں بھی یہی کیفیت موسمِ سرما میں دیکھی جاتی ہے، جس کا تعلق براہِ راست بیٹری کے اندر ہونے والے کیمیائی عمل سے ہے۔
عام طور پر اسمارٹ فونز میں لیتھیم آئن بیٹریاں استعمال ہوتی ہیں، جو اپنی کارکردگی اور پائیداری کے باعث جدید ٹیکنالوجی کا اہم جز سمجھی جاتی ہیں۔ ان بیٹریوں کے اندر موجود الیکٹرولائٹس سیال حالت میں ہوتے ہیں، جن کا بنیادی کام چارج شدہ ذرات کو ایک جانب سے دوسری جانب منتقل کرنا ہے۔
یہی عمل برقی توانائی پیدا کرتا ہے اور بالآخر فون کو طاقت فراہم کرتا ہے، تاہم سرد موسم میں یہ کیمیائی سرگرمی متاثر ہوتی ہے کیونکہ کم درجہ حرارت الیکٹرولائٹس کی حرکت کو سست کردیتا ہے۔ جب بیٹری کے اندر موجود آئن اپنی مقررہ رفتار سے سفر نہیں کرپاتے، تو بہاؤ میں رکاوٹ پیدا ہوتی ہے، جس سے بیٹری کی مجموعی کارکردگی کم ہونے لگتی ہے۔
سردی کی شدت جتنی زیادہ ہو، لیتھیم آئنز کے سست ہونے کا امکان بھی اتنا ہی بڑھ جاتا ہے۔ یوں آئن الیکٹروڈز سے مناسب رابطہ قائم نہیں کرپاتے اور نتیجتاً بیٹری مطلوبہ مقدار میں کرنٹ فراہم کرنے کے قابل نہیں رہتی۔
اس صورتحال میں فون نہ صرف تیزی سے خالی ہوتا ہے بلکہ کبھی کبھار اچانک بند بھی ہوسکتا ہے، اگرچہ بیٹری میں کچھ چارج باقی ہو۔ یہی وجہ ہے کہ سخت سردی میں باہر استعمال ہونے والے فونز اکثر غیر متوقع طور پر آف ہو جاتے ہیں جب کہ گھر یا گرم ماحول میں وہ دوبارہ معمول پر آجاتے ہیں۔
ماہرین کا کہنا ہے کہ ایک مخصوص درجہ حرارت ہی بیٹری کے لیے موزوں سمجھا جاتا ہے۔ عام حالات میں 18 سے 26 ڈگری سینٹی گریڈ تک کا ماحول فون بیٹری کی بہترین کارکردگی کو برقرار رکھتا ہے۔ اس کے علاوہ چارجنگ کے لیے جو درجہ حرارت موزوں سمجھا جاتا ہے، وہ ایک سے 45 ڈگری سینٹی گریڈ کے درمیان ہے۔
اگر فون اس سے کم یا زیادہ درجہ حرارت میں چارج کیا جائے تو بیٹری کی صحت پر براہِ راست اثر پڑتا ہے اور وقت کے ساتھ ساتھ اس کی صلاحیت بھی کم ہونے لگتی ہے۔ خاص طور پر نقطۂ انجماد سے نیچے کا درجہ حرارت بیٹری کو مستقل نقصان پہنچا سکتا ہے اور طویل مدت میں اس کی کارکردگی ناقابلِ تلافی حد تک متاثر ہوسکتی ہے۔
اس لیے ٹیکنالوجی ماہرین سرد موسم میں چند احتیاطی تدابیر اختیار کرنے کا مشورہ دیتے ہیں تاکہ فون کی بیٹری بہتر کارکردگی برقرار رکھ سکے۔ سب سے اہم بات یہ ہے کہ فون کو حد سے زیادہ ٹھنڈے ماحول میں نہ رکھا جائے، جیب کی اندرونی جانب یا گرم جگہ پر رکھ کر بھی اس کا درجہ حرارت برقرار رکھا جاسکتا ہے۔
چارجنگ ہمیشہ معمولی گرم ماحول میں کی جائے جب کہ شدید ٹھنڈ میں پاور بینک استعمال کرتے وقت بھی احتیاط ضروری ہے۔ سردی کے دنوں میں اسمارٹ فونز کے تیزی سے بند ہونے کا مسئلہ دراصل بیٹری کی فطری خصوصیات سے جڑا ہوا ہے، جسے سمجھ کر اس کا بہتر استعمال ممکن ہے۔
.ذریعہ: Jasarat News
کلیدی لفظ: کی بیٹری بیٹری کی فون کی
پڑھیں:
ملکی ٹیکسٹائل برآمدات تاریخ کی بلند ترین سطح پر پہنچ گئیں
رواں مالی سال 26-2025 کے پہلے 4 ماہ کے دوران ٹیکسٹائل برآمدات تاریخ کی بلند ترین سطح پر پہنچ گئیں۔
عارف حبیب لمیٹڈ کی رپورٹ کے مطابق مذکورہ عرصے میں ٹیکسٹائل برآمدات 6.4 ارب ڈالر ریکارڈ کی گئیں۔ مذکورہ مدت میں یہ سب سے بڑا تجارتی حجم ہے۔ رپورٹ میں بتایا گیاہے کہ ویلیو ایڈڈ شعبوں نے اس کارکردگی میں نمایاں حصہ ڈالا ہے۔
جاری مالی سال کے ابتدائی چار ماہ میں نِٹ ویئر کی برآمدات 1.9 ارب ڈالر جب کہ ریڈی میڈ گارمنٹس 1.4 ارب ڈالر تک پہنچیں جو دونوں شعبوں کے لیے بھی پہلے چار ماہ کی ریکارڈ سطح ہے۔ ٹیکسٹائل برآمدات میں اضافہ عالمی مانگ میں بہتری، ویلیو ایڈڈ مصنوعات کی مضبوط کارکردگی اور روپے کی قدر میں استحکام کا نتیجہ ہے۔
یہ کارکردگی وزیراعظم محمد شہباز شریف کی کاروبار دوست پالیسیوں، برآمدات کے فروغ کے لیے حکومتی ترجیحات اور معاشی نظم و ضبط پر مبنی وژن کا ثمر ہے۔ حکومت نے پالیسی تسلسل، صنعتی سہولت کاری اور برآمدی شعبوں کے لیے سازگار ماحول کو یقینی بنا کر ٹیکسٹائل انڈسٹری کی مسابقتی حیثیت کو بہتر بنایا ہے۔
کاروباری اعتماد کی بحالی، توانائی لاگت میں بتدریج استحکام اور برآمدی سیکٹر کے لیے سہولتی اقدامات نے مجموعی تجارتی ماحول کو مزید مضبوط بنایا ہے۔
خودکش دھماکے کے تانے بانے افغانستان سے ملتے ہیں،عطا اللہ تارڑ