مراکش کے تاریخی شہر ’فاس‘ میں 2 عمارتیں گرنے سے 22 افراد جاں بحق
اشاعت کی تاریخ: 11th, December 2025 GMT
مراکش کے تاریخی شہر ’فاس‘ میں بدھ کے روز 2 ملحقہ عمارتیں منہدم ہونے سے کم از کم 22 افراد جاں بحق اور 16 زخمی ہوگئے۔ مقامی حکام نے اس واقعہ کی تصدیق کی ہے۔ واضح رہے کہ ’فاس‘ مراکش کے قدیم ترین شہروں میں سے ایک ہے۔
حکام کے مطابق 2 میں سے ایک عمارت خالی تھی، جبکہ دوسری میں بچے کی پیدائش کی خوشی میں ’عقیقہ‘ کی تقریب جاری تھی۔ اسی عمارت میں 8 خاندان رہائش پذیر تھے۔ استغاثہ کے دفتر نے بتایا ہے کہ ہلاکتوں کی تعداد ابتدائی اطلاعات کے مطابق ہے جبکہ واقعے کی تحقیقات شروع کر دی گئی ہیں۔
یہ بھی پڑھیے راجستھان میں کار اور اونٹ کا خوفناک حادثہ، ویڈیو وائرل
ایک زندہ بچنے والے شخص نے، جس کی اہلیہ اور 3 بچے اس حادثے میں جاں بحق ہوئے، مقامی چینل کو بتایا کہ امدادی کارکن ایک لاش نکال چکے ہیں، تاہم وہ اب بھی اپنے دیگر اہل خانہ کی تلاش میں ہے۔
ریاستی نشریاتی ادارے SNRT نیوز کی فوٹیج میں ریسکیو اہلکاروں اور مقامی باشندوں کو ملبے سے متاثرین کو نکالتے ہوئے دکھایا گیا۔
ایک بزرگ خاتون نے بتایا کہ ان کے بیٹے نے اطلاع دی کہ عمارت ہل رہی ہے، اور جب وہ باہر نکلے تو عمارت گر رہی تھی۔ عینی شاہدین کے مطابق یہ عمارتیں کچھ عرصے سے دراڑوں کا شکار تھیں۔
مقامی حکام نے کہا کہ عدالتی تحقیقات کے ساتھ ساتھ تکنیکی اور انتظامی انکوائری بھی شروع کی گئی ہے تاکہ 4 منزلہ عمارتوں کے گرنے کی اصل وجہ سامنے آ سکے۔
یہ عمارتیں 2006 میں ایک سرکاری منصوبے کے تحت تعمیر کی گئی تھیں، جس میں جھگی بستیوں کے رہائشیوں کو پلاٹ دے کر اپنے گھر بنانے کی اجازت دی گئی تھی۔
یہ بھی پڑھیے مراکش کشتی حادثہ: مسافر کیسے مرے، آنکھوں دیکھا حال
بدھ کا حادثہ گزشتہ 15 سال کے دوران مراکش میں ہونے والے بدترین واقعات میں سے ایک ہے۔ 2010 میں شمالی شہر مکناس میں تاریخی منار گرنے سے 41 افراد ہلاک ہوئے تھے۔
’فاس‘، جو 8 ویں صدی کا قدیم دارالحکومت اور ملک کا تیسرا بڑا شہر ہے، 2 ماہ قبل خراب معاشی حالات اور ناقص سرکاری خدمات کے خلاف احتجاجی مظاہروں کی لپیٹ میں بھی آیا تھا۔
ملک کے وزیر ہاؤسنگ عدیب بن ابراہیم نے جنوری میں بتایا تھا کہ تقریباً 38 ہزار 800 عمارتوں کو خطرناک قرار دیا جا چکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
فیز مراکش.
ذریعہ
ذریعہ: WE News
کلیدی لفظ: فیز مراکش
پڑھیں:
مٹی کا طوفان ، تیز بارش,2خواتین سمیت5 افراد جاں بحق
ویب ڈیسک :سندھ کے مختلف اضلاع میں مٹی کے طوفان اور تیز بارشوں کے نتیجے میں 2خواتین سمیت5 افراد جاں بحق اور 150سے زائد زخمی ہوگئے۔
نوابشاہ میں مٹی کے طوفان اور تیز بارش سے تباہی مچ گئی اور 2خواتین سمیت 5 افراد جاں بحق جبکہ 70 سے زائد افراد زخمی ہو گئے، ایم ایس یا محمد جمالی کے مطابق پیپلز میڈیکل اسپتال میں ایمرجنسی نافذ کر دی گئی جبکہ ڈاکٹروں اور اضافی عملے کو طلب کر لیا گیا ہے،جاں بحق افراد میں عمیر عباسی، افضل پلی اورچنیسر مھر سمیت دو خواتین بھی شامل ہیں۔سائن بورڈز، سولر پینلز، ٹرانسفارمرز، بجلی کی تاریں اور درخت گرنے کے واقعات بھی رپورٹ ہوئے ہیں۔
خیرپور ناتھن شاہ میں بھی طوفان کے باعث درجن سے زائد افراد زخمی ہوگئے،شاہ رحمت اللہ کالونی میں دیوار گرنے سے خاتون سمیت دو بچے شدید زخمی ہوگئے جنہیں تشویشناک حالت میں اسپتال منتقل کیا گیا، نواحی گاؤں دودو لغاری میں بھی دیوار گرنے سے خدابخش لغاری شدید زخمی ہوگئے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
لاڑکانہ میں گزشتہ رات طوفانی بارش کے باعث بجلی کی 132 کے وی مین سپلائی کے ٹاور گرنے سے بجلی کی سپلائی معطل ہوگئی،132 کے وی ٹرانسمیشن کی سپلائی معطل ہونے سے لاڑکانہ ضلع کی بھی بجلی بندہوگئی،سیپکوانتظامیہ کے مطابق بجلی ٹاورز کی مرمت کا کام جاری ہے اورجلد از جلد بجلی فراہم کردی جائیگی۔
دادوشہر اور مضافاتی علاقوں میں بھی طوفانی ہواؤں سے بڑے پیمانے پر حادثات کے باعث مزید ایک سو سے زائد افراد زخمی ہوگئے جنہیں ڈی ایچ کیو اسپتال دادو منتقل کردیاگیاجہاں انہیں طبی امداد دی جارہی ہے۔ڈاکٹر عتیق الرحمان کے مطابق سٹی بلاک میں 60 سے زائد زخمی لائے گئے ہیں جبکہ ڈاکٹر اکاش عباسی کے مطابق نیو ڈی ایچ کیو ہسپتال میں 50 سے زائد زخمی لائے گئے،جہاں تمام زخمیوں کو طبی امدادی دی جارہی ہے،متعدد زخمیوں کو ہسپتال میں داخل کیا گیا ہے، جبکہ تین زخمیوں کو حالت تشویشناک ہونے پر سیہون ریفر کیا گیا ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ