خاقان شاہنواز اور سبینہ سید کب شادی کر رہے ہیں؟
اشاعت کی تاریخ: 13th, December 2025 GMT
پاکستانی شوبز انڈسٹری میں اپنی جگہ بناتے، ابھرتے ہوئے اداکار خاقان شاہنواز اور اداکارہ سبینہ سید اپنی شادی کی تاریخ کا اعلان کب کر رہے ہیں بتا دیا۔
حال ہی میں اس نوجوان جوڑی نے بذریعہ سوشل میڈیا اپنی منگنی کا اعلان کیا اور فوٹوز اینڈ ویڈیوز شیئرنگ پلیٹ فارم انسٹاگرام پر اپنی منگنی کی خوبصورت تصاویر بھی شیئر کی۔
انسٹا پوسٹ میں شیئر کی گئی تصاویر میں دونوں اداکاروں کو روایتی پنجابی لباس میں ملبوس کھیت میں بیٹھے دیکھا گیا۔ تاہم اب انڈسٹری کی اس نئی جوڑی کو منگنی کے بعد پہلی بار ایک ساتھ دیکھا گیا۔
View this post on InstagramA post shared by Galaxy Lollywood (@galaxylollywood)
کراچی میں منعقد ہونے والے 24ویں لکس اسٹائل ایوارڈ شو میں یہ جوڑی ہاتھوں میں ہاتھ ڈالے، میچنگ سیاہ لباس میں ملبوس دکھائی دی۔
اس موقع پر جب ان سے سوال پوچھا گیا کہ سب جاننا چاہتے ہیں کہ شادی کب ہے؟ تو خاقان شاہنواز نے بتایا کہ ہم اپنی شادی کی تاریخ کا اعلان جلد کریں گے۔
واضح رہے کہ اداکارہ سبینہ سید نے اپنے فنی کیریئر کا آغاز 2017 میں ڈرامہ سیریل یقین کا سفر سے کیا تھا جبکہ خاقان شاہنواز نے 2023 میں اداکاری کے میدان میں قدم رکھا۔
سبینہ سید متعدد ڈراموں اور فلموں میں اداکاری کے جوہر دیکھا چکی ہیں۔ دوسری جانب خاقان شاہنواز نے نجی ٹی وی کے مقبول ڈرامے یوں ہی سے شہرت حاصل کی، جس کے بعد انہوں نے کئی پروجیکٹس میں کام کیا۔
دونوں اداکار اس سے قبل ایک برانڈ کی سوشل میڈیا مہم میں بھی ایک ساتھ نظر آ چکے ہیں جبکہ وہ کُبرا خان اور گوہر رشید کی شادی میں بھی ایک ساتھ دیکھے گئے تھے۔
.
ذریعہ
ذریعہ: Daily Mumtaz
کلیدی لفظ: خاقان شاہنواز
پڑھیں:
یورپی یونین کا گوگل پر 89 کروڑ یورو جرمانہ، سرچ انجن پر اجارہ داری کے غلط استعمال کا الزام
یورپی یونین نے سرچ انجن کے شعبے میں مبینہ اجارہ داری کا غلط استعمال کرنے پر گوگل کے خلاف بڑا اقدام کرتے ہوئے کمپنی پر 89 کروڑ یورو (تقریباً ایک ارب امریکی ڈالر)کا جرمانہ عائد کر دیا ہے۔ یورپی کمیشن کا کہنا ہے کہ گوگل نے اپنی بالادست پوزیشن کا فائدہ اٹھاتے ہوئے حریف کمپنیوں کے ساتھ غیر منصفانہ رویہ اختیار کیا اور اپنی مختلف سروسز کو ناجائز برتری فراہم کی۔
یورپی کمیشن کی جانب سے جاری بیان کے مطابق گوگل نے سرچ انجن میں اپنی مضبوط پوزیشن استعمال کرتے ہوئے شاپنگ، ٹریول، گیمز اور دیگر سروسز کو سرچ نتائج میں نمایاں جگہ دی، جبکہ حریف کمپنیوں کی سروسز کو نیچے دکھایا گیا، جس سے منصفانہ مسابقت متاثر ہوئی۔
کمیشن نے کہا کہ یہ طرزِ عمل ڈیجیٹل مارکیٹس ایکٹ (Digital Markets Act) کی خلاف ورزی ہے، جس کے تحت بڑی ٹیکنالوجی کمپنیوں کو اپنی سروسز کے حق میں امتیازی یا جانبدارانہ رویہ اختیار کرنے کی اجازت نہیں۔
یورپی کمیشن نے گوگل پر یہ الزام بھی عائد کیا کہ کمپنی نے گوگل پلے اسٹور پر ایپ ڈویلپرز کو صارفین کو متبادل ادائیگی کے طریقوں سے آگاہ کرنے سے روکا، تاکہ گوگل کی سروس فیس برقرار رہے۔ کمیشن کے مطابق یہ عمل بھی ڈیجیٹل مارکیٹس ایکٹ کی خلاف ورزی کے زمرے میں آتا ہے، جس کا مقصد بڑی ٹیکنالوجی کمپنیوں کی اجارہ داری کو روکنا ہے۔
کمیشن نے گوگل کو ہدایت کی ہے کہ وہ 60 دن کے اندر فیصلے پر عملدرآمد کرے، بصورت دیگر کمپنی کو مزید جرمانوں کا سامنا کرنا پڑ سکتا ہے۔دوسری جانب گوگل نے فیصلے پر ردعمل دیتے ہوئے کہا ہے کہ یورپی کمیشن کے اس اقدام سے یورپی صارفین اور کاروباری اداروں کو نقصان پہنچ سکتا ہے۔
یہ پہلا موقع نہیں کہ یورپی یونین نے گوگل کے خلاف کارروائی کی ہو۔ 2018 میں اینڈرائیڈ آپریٹنگ سسٹم میں اجارہ داری کے الزام پر گوگل پر 4.7 ارب ڈالر کا جرمانہ عائد کیا گیا تھا، جبکہ 2017 میں سرچ انجن کے شعبے میں مسابقتی قوانین کی خلاف ورزی پر کمپنی کو 2.8 ارب ڈالر جرمانے کا سامنا کرنا پڑا تھا۔ بعد ازاں ان مقدمات میں گوگل کی اپیلیں بھی مسترد کر دی گئی تھیں۔
ماہرین کا کہنا ہے کہ تازہ کارروائی سے یورپی یونین اور امریکا کے درمیان تجارتی کشیدگی میں مزید اضافہ ہو سکتا ہے، کیونکہ امریکی انتظامیہ اس سے قبل یورپی یونین کی بعض تجارتی اور ڈیجیٹل پالیسیوں پر تحفظات کا اظہار کر چکی ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی