سیف علی خان کی سیکیورٹی حملے کے بعد تبدیل، مشہور کمپنی کو ذمہ داری مل گئی
اشاعت کی تاریخ: 22nd, January 2025 GMT
MUMBAI:
بالی ووڈ کے مشہور اداکار سیف علی خان چھری کے حملے میں لیلاوتی اسپتال میں زیر علاج رہنے کے بعد گھر واپس آگئے ہیں اور اب انہوں نے اپنی سیکیورٹی تبدیل کرنے کا فیصلہ کرتے ہوئے ایک بڑی سیکیورٹی کمپنی کو ذمہ داری دے دی ہے۔
بھارتی میڈیا کی رپورٹ کے مطابق سیف علی خان 16 جنوری کو چھریوں کے وار سے زخمی ہوگئے تھے جب ان کے گھر میں حملہ آور داخل ہوگیا تھا، جس کے بعد ممبئی کے پوش علاقے میں رہائش پذیر شوبز ستاروں کی سیکیورٹی کے حوالے سے سنجیدہ سوالات اٹھائے گئے تھے۔
رپورٹ میں بتایا گیا کہ سیف علی خان نے بدترین حملے کے بعد اپنی سیکیورٹی ایجنسی تبدیل کرنے کا فیصلہ کرلیا ہے اور رونیت رائے کی سیکیورٹی کمپنی ایس سیکیورٹی اینڈ پروٹیکشن پر اپنے اعتماد کا اظہار کیا ہے۔
سیف علی خان جب اسپتال سےگھر واپس لوٹے تو رونیت رائے بھی بینڈرا میں ان کے گھر میں موجود تھے تاہم انہوں نے بالی ووڈ اسٹار کو سیکیورٹی فراہمی کے منصوبے سے آگاہ نہیں کیا۔
بھارتی میڈیا کے مطابق رونیت رائے نے بتایا کہ ہم پہلے ہی یہاں سیف کے ساتھ موجود ہیں، وہ اب ٹھیک ہیں اور گھر واپس آچکے ہیں۔
یاد رہے کہ 16 جنوری کو بظاہر ڈکیتی کی نیت سے ایک حملہ آور سیف علی خان کے گھر میں داخل ہوا تھا اور مزاحمت کے دوران چھریوں کے وار سے سیف کو زخمی کردیا تھا۔
سیف علی خان کو ایک آٹو رکشے میں لیلاوتی اسپتال پہنچایا گیا تھا، ڈاکٹروں نے بتایا تھا کہ سیف کی ریڑھ کی ہڈی کے قریب ہی چھری کا وار لگا تھا اور ریڑھ کی ہڈی بال بال بچ گئی ہے۔
ڈاکٹروں نے فوری طور پر سرجری کی تھی، جس کے بعد ان کے بازو اور گردن کی پلاسٹک سرجری کی گئی تھی۔
.ذریعہ: Express News
کلیدی لفظ: سیف علی خان کے بعد
پڑھیں:
گاڑیوں کی ڈیلیوری میں تاخیر کیوں، لکی موٹرز نے وجہ بتادی
لکی موٹر کارپوریشن سے خریدی جانے والی گاڑیاں گاہکوں کو تاخیر سے ڈیلیور کی جائیں گی۔
یہ بھی پڑھیں: کیا موٹرز پاکستان میں کونسی 4 نئی گاڑیاں لانچ کرنیوالا ہے؟
کمپنی نے صارفین کو سندھ بھر کی اہم شاہراہوں پر جاری احتجاج اور سڑکوں کی بندش کی وجہ سے گاڑیوں کی ترسیل میں متوقع تاخیر سے آگاہ کیا ہے۔
لکی موٹرز کا کہنا ہے کہ اس نے مارچ کے لیے تمام گاڑیوں کی ڈیلیوری کامیابی سے مکمل کر لی ہے اور پیداواری کارروائیاں بغیر کسی رکاوٹ کے جاری ہیں۔ تاہم سڑکوں کی موجودہ صورت حال کے باعث گاڑیوں کو ملک کے مختلف مقامات تک پہنچانے اور نقل و حمل میں ناگزیر رکاوٹیں پیدا ہو رہی ہیں۔
کمپنی کے مطابق راستے صاف ہوتے ہی معمول کی ترسیل شروع کردی جائے گی۔ کار ساز کمپنی کا کہنا ہے کہ عملے اور گاڑیوں کی حفاظت اور ہموار ترسیل اس کی اولین ترجیحات ہیں۔
مزید پڑھیے: لکی موٹرز نے کیا اسپورٹیج ایل متعارف کرادی، قیمت کیا ہے؟
لکی موٹرز کا کہنا ہے کہ تاخیر کمپنی کے کنٹرول سے باہر ہے تاہم اثرات کو کم کرنے اور صارفین کے لیے باقاعدہ اپ ڈیٹ رکھنے کے لیے تمام ضروری اقدامات کیے جا رہے ہیں۔
کمپنی نے گاہکوں کو کسی بھی سوال یا خدشات کی صورت میں کسٹمر کیئر ٹیم یا ان کے متعلقہ ڈیلرشپ سے رابطہ کرنے کا مشورہ دیا گیا ہے۔ کمپنی نے عارضی خلل کے دوران اپنے صارفین کے صبر اور مسلسل اعتماد کو سراہا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کیا پاکستان گاڑیوں کی ڈیلیوری لکی موٹرز
وزیراعظم محمد شہباز شریف کا مالی سال 2025 کے پہلے 9 ماہ میں آئی ٹی برآمدات میں 2.828 بلین ڈالر (گزشتہ سال کے مقابلے 23 فیصد) اضافے کا خیر مقدم