فیکٹ چیک: زخمی سیف علی خان کی وائرل تصاویر کی حقیقت کیا ہے؟
اشاعت کی تاریخ: 25th, January 2025 GMT
بالی ووڈ کے اداکارہ سیف علی خان کے چہرے اور آنکھ پر زخموں کی تصاویر سوشل میڈیا پر وائرل ہورہی ہیں، جن کے بارے میں دعویٰ کیا جارہا ہے کہ یہ حال ہی میں ان پر ہونے والے چاقو کے حملے کے بعد شدید زخمی ہونے کی ہیں۔
اداکار سیف علی خان کو ممبئی کے لیلاوتی اسپتال میں داخل کرایا گیا تھا جب ان کے گھر پر ایک شخص نے چاقو سے حملہ کردیا تھا۔ بعد ازاں ممبئی پولیس نے حملہ آور کو گرفتار کرلیا تھا، جس کی شناخت 30 سالہ بنگلادیشی باشندے محمد شریف الاسلام شہزار کے نام سے ہوئی ہے۔
ان تمام خبروں کے درمیان سیف علی خان کی ایک تصویر سوشل میڈیا پر وائرل ہورہی ہے جس میں ان کے چہرے پر زخم اور سیاہ بند آنکھ واضح ہے۔ تصویر کے کیپشن میں یہ دعویٰ کیا جارہا ہے کہ حملے میں اداکار شدید زخمی ہوئے ہیں۔
وائرل تصویر کو ایک تھریڈز صارف نے شیئر کیا جبکہ ایسے ہی دعوے پلیٹ فارمز ایکس اور انسٹاگرام پر بھی شیئر کیے گئے ہیں۔
فیکٹ چیک کے مطابق یہ دعویٰ جھوٹا ہے۔ یہ تصویر 2019 میں سیف علی خان کی فلم لال کپتان کی شوٹنگ کے دوران لی گئی تھی، اور یہ زخمی کا میک اپ کیا ہوا یہ حلیہ فلم کے سین کی ڈیماند تھا۔
ریورس امیج سرچ سے وائرل تصویر چیک کرنے پر 8 اکتوبر 2019 کی ایک ایکس پوسٹ سامنے آئی جس کے کیپشن میں لکھا تھا، ’’لال کپتان سے سیف علی خان کی تصاویر۔‘‘ پوسٹ میں بتایا گیا تھا کہ یہ تصویر فلم میں ان کے کردار کےلیے اداکار کے میک اپ کو ظاہر کرتی ہے۔
مزید کی ورڈ سرچ سے 8 اکتوبر 2019 کے دی ٹائمز آف انڈیا کی ایک رپورٹ سامنے آئی جس کا عنوان تھا ’’یہ ہے لال کپتان کے ایک شدید منظر کے بعد سیف علی خان کیسے نظر آئے‘‘۔
رپورٹ نے تصدیق کی کہ یہ تصویر 2019 کی فلم سے ہے جہاں سیف نے ایک ناگ سادھو کا کردار نبھایا تھا۔ اس تصویر میں ان کا چہرہ اور ایک آنکھ زخمی ہے۔ اس وقت بھی یہ تصویر بحث کا موضوع تھی۔ بہت سے لوگوں نے فلم میں سیف کے ڈریڈ لاک، داڑھی والے انداز اور ’پائریٹس آف دی کیریبین‘ فرنچائز سے جونی ڈیپ کے آئیکونک انداز کے درمیان موازنہ کیا تھا۔
یہ بات بھی اہم ہے کہ سیف علی خان پر حالیہ حملے کی خبروں کے مطابق اداکار کو ریڑھ کی ہڈی، گردن اور ہاتھ میں چھری کے زخم آئے تھے، جس کی ڈاکٹروں نے بھی تصدیق کی ہے۔ رپورٹ میں سرجنوں میں سے ایک ڈاکٹر نتن ڈانگے کے حوالے سے بتایا گیا کہ ’’انہیں چھری کے ریڑھ کی ہڈی میں پھنس جانے کی وجہ سے تھوراسک اسپائنل کورڈ میں شدید چوٹ آئی ہے۔ چھری نکالنے اور رساؤ والے اسپائنل فلوئڈ کی مرمت کےلیے سرجری کی گئی۔‘‘ رپورٹ میں سیف علی خان کے چہرے پر کسی چوٹ کا ذکر نہیں کیا گیا۔
اس کے علاوہ، فیکٹ چیک میں یہ بات بھی ثابت ہوگئی کہ فلم ’’لال کپتان‘‘ کے مناظر میں سیف علی خان کا حلیہ اسی طرح کا تھا۔
لہٰذا، یہ دعویٰ کہ وائرل تصویر سیف علی خان پر حقیقی زندگی کے حملے کے بعد ان کی چوٹوں کو دکھاتی ہے، جھوٹا ہے۔ یہ تصویر 2019 میں ان کی فلم لال کپتان کےلیے سیف علی خان کے میک اپ کو ظاہر کررہی ہے۔
ذریعہ: Express News
کلیدی لفظ: سیف علی خان کی یہ تصویر میں سیف
پڑھیں:
عمر بالکل ٹھیک تھا، آخری لمحات میں کیا ہوا؟ معروف چائلڈ اسٹار کے چچا کا ویڈیو بیان وائرل
پاکستان کے معروف چائلڈ انفلوئنسر عمر شاہ کی اچانک وفات اور آخری لمحات کا ذکر کرتے ہوئے ان کے چچا آبدیدہ ہو گئے۔
عمر شاہ کے چچا کی ایک ویڈیو سوشل میڈیا پر وائرل ہو رہی ہے جس میں انہیں بھتیجے سے متعلق بات کرتے سنا جا سکتا ہے۔ انہوں نے کہا کہ اس رات میرا بھتیجا بالکل ٹھیک تھا، اسے کوئی مسئلہ نہیں تھا، وہ رات کو سوگیا تھا لیکن 2:30 بجے اچانک اس کی طبعیت خراب ہوئی تو ہم اسے اسپتال لے گئے جہاں وہ صرف 30 منٹ کے اندر ہی انتقال کرگیا۔
View this post on Instagram
A post shared by Pakistani.Celebrities ???????? (@pakistani.celebrities)
سوشل میڈیا اسٹار کے چچا کے مطابق یہ ان کے اور گھر والوں کے لیے ایک تکلیف دہ لمحہ تھا۔ انہوں نے کہا کہ ہم پر قیامت ٹوٹ پڑی ہے کیونکہ وہ ہمارا تو پیارا تھا ہی لیکن لوگوں کا بھی بہت پیارا تھا۔ لوگوں نے عمر کو بہت پیار کیا ہے۔
عمر کے چچا کے مطابق پوری دنیا سے لوگ اس کے لیے فون کرتے رہے ہیں اور اس کے لیے دعا کی۔ انہوں ںے کہا کہ میں سب سے درخواست کروں گا کہ وہ عمر کے والدین کے لیے دعا کریں کیونکہ ان سب کے لیے بہت مشکل وقت ہے، ہمیں دعاؤں میں یاد رکھیں۔
یہ بھی پڑھیں: ’عمر اب کب واپس آئیں گے؟‘ ننھے وی لاگر شیراز اور ان کی بہن مسکان کی محبت بھری ویڈیو وائرل
واضح رہے کہ عمر شاہ اپنی وائرل ویڈیوز اور اے آر وائی ڈیجیٹل کے مقبول رمضان ٹرانسمیشن ’شانِ رمضان‘ کے ذریعے شہرت کی بلندیوں پر پہنچے۔ وہ پہلی بار 2020 میں ٹی وی پر نظر آئے اور جلد ہی سب کے پسندیدہ بن گئے۔ مداح ان کی ٹی وی پر موجودگی کو بے حد پسند کرتے تھے اور ان کی دوسرے بچوں جیسے شیراز، مسکان، اور اپنے بڑے بھائی احمد شاہ کے ساتھ ویڈیوز سے بھی لطف اندوز ہوتے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عمر شاہ عمر شاہ انتقال
شراب و اسلحہ برآمدگی کیس: وزیراعلیٰ علی امین گنڈاپور کے وارنٹ گرفتاری جاری