کوئٹہ میں قیمتی نگینوں کے کاروبار کا انوکھا طریقہ
اشاعت کی تاریخ: 17th, February 2025 GMT
بلوچستان کا دارالحکومت کوئٹہ جہاں مختلف ثقافتوں کی وجہ سے دنیا بھر میں شہرت رکھتا ہے، وہیں یہاں کی انوکھی مارکیٹیں بھی سیاحوں کے لیے بڑی توجہ کا مرکز ہے۔ وادی میں یوں تو اشیا ضرورت کی کئی انوکھی مارکیٹیں موجود ہیں، جہاں پر ملک بھر سے سستی اور اعلیٰ کوالٹی کی اشیا دستیاب ہیں، تاہم کوئٹہ میں نایاب پتھروں کا کاروبار بھی انوکھے انداز میں کیا جاتا ہے۔
اکثر بڑے شہروں میں قیمتی پتھروں کی دکانیں عالی شان مارکیٹوں یا مالز میں ہوتی ہیں، جہاں ان دکانوں کو بڑی سجاوٹ کے ساتھ رکھا جاتا ہے، لیکن کوئٹہ میں نگینوں کی یہ مارکیٹ کچھ منفرد ہے۔ شہر کے وسط میں واقع شاہراہ اقبال پر ان بیش قیمتی پتھروں کی مارکیٹ میں زمین پر بیٹھے لوگ لاکھوں روپے کے نگینوں کو صرف ایک چھوٹے سے شو کیس میں رکھ کر بیچ رہے ہیں۔
وی نیوز سے بات کرتے ہوئے اس کاروبار سے منسلک شخص نے بتایا کہ گزشتہ کئی دہائیوں سے قیمتی پتھروں کی یہ مارکیٹ یہاں موجود ہے۔ جہاں پر مخصوص لوگ ہی ان نگینوں کا کام کرتے ہیں۔ یہ نگینے اندرون ملک اور دیگر ممالک سے بلوچستان لائے جاتے ہیں اور مکمل پتھر کی تصدیق کے بعد ہی اسے خریدا اور بیچا جاتا ہے۔
ان پتھروں کا لیبارٹری ٹیسٹ بھی کروایا جاتا ہے جس سے یہ شک ختم ہو جاتا ہے کہ کہیں یہ پتھر جعلی تو نہیں ہے۔
انہوں نے بتایا کہ اس مارکیٹ میں قیمتی پتھروں سے تسبیحاں اور انگوٹھیاں بھی بنائی جاتی ہیں، جنہیں لوگ نہ صرف کوئٹہ بلکہ ملک کے دیگر حصوں سے خریدنے آتے ہیں۔ یہاں پر 2000 سے 5 لاکھ تک کے پتھر موجود ہیں جنہیں انگوٹھیوں اور تسبیحوں میں پرو کر فروخت کیا جاتا ہے۔ تاہم ہم لوگ اپنا کاروبار انتہائی سادگی سے کرتے ہیں جس کی وجہ سے برکت میں اضافہ ہوتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: جاتا ہے
پڑھیں:
پروکٹر اینڈ گیمبل کا پاکستان میں کاروبار بند کرنے کا اعلان
data-id="863a0a8" data-element_type="widget" data-widget_type="theme-post-content.default">
کراچی(بزنس رپورٹر)جیلیٹ پاکستان لمیٹڈ نے اعلان کیا ہے کہ اس کی پیرنٹ کمپنی پروکٹر اینڈ گیمبل (پی اینڈ جی) پاکستان میں اپنا کاروبار بند کر رہی ہے۔ یہ فیصلہ کمپنی کے عالمی ری اسٹرکچرنگ پلان کا حصہ ہے۔لسٹڈ کمپنی نے یہ پیش رفت جمعرات کے روز پاکستان اسٹاک ایکسچینج کو بھیجے گئے نوٹس میں ظاہر کی۔نوٹس میں کہا گیا کہ جیلیٹ کمپنی ایل ایل سی نے جیلیٹ پاکستان لمیٹڈ اور اس کے بورڈ آف ڈائریکٹرز کو آگاہ کیا ہے کہ پروکٹر اینڈ گیمبل کمپنی نے پاکستان میں اپنا کاروبار بند کرنے کا فیصلہ کیا ہے، جو اس کے عالمی ری اسٹرکچرنگ پروگرام کا حصہ ہے۔ اس میں پورٹ فولیو، سپلائی چین اور تنظیمی فیصلے شامل ہیں تاکہ ترقی اور ویلیو کری ایشن کو تیز کیا جا سکے۔کمپنی نے بتایا کہ اس کاروباری خاتمے کے لیے درکار اقدامات پر غور کرنے کے لیے بورڈ آف ڈائریکٹرز کا اجلاس جلد بلایا جائے گا۔ اس میں، اگر ضروری ہوا، تو جیلیٹ پاکستان لمیٹڈ کو پاکستان اسٹاک ایکسچینج سے ڈی لسٹ کرنے کا امکان بھی شامل ہو سکتا ہے، جو تمام قانونی اور ریگولیٹری تقاضوں کے مطابق ہوگا۔یہ پیش رفت ایسے وقت میں سامنے آئی ہے جب حالیہ مہینوں میں کئی بڑی کمپنیوں نے پاکستان سے نکلنے کا اعلان کیا ہے۔
’بلوچ یکجہتی کمیٹی‘ کس طرح دہشتگردوں کی پشت پناہی کر رہی ہے؟ آئی آئی سی آر کی ہوشربا رپورٹ