دادو میں سرکاری فنڈز کی لوٹ مار، غیرقانونی ادائیگیاں،اینٹی کرپشن کی تحقیقات
اشاعت کی تاریخ: 23rd, February 2025 GMT
ایگزیکٹوانجینئررائس کنال کو4مارچ کوریکارڈسمیت طلب کرلیا گیا
رائس کینال میہڑ ڈویژن کے کاموں میں تین طرح کی بے قاعدگیاں
ضلع دادو میں سرکاری فنڈز کے ناجائز استعمال اور ٹھیکیداروں کو غیرقانونی ادائیگیوں کے الزام میں اینٹی کرپشن سندھ نے تحقیقات شروع کردیں۔اینٹی کرپشن نے ایگزیکٹوانجینئررائس کنال کو4مارچ کوریکارڈسمیت طلب کرلیا۔ ڈائریکٹراینٹی کرپشن کا ایگزیکٹو انجینئر رائس کینال میہڑ ڈویزن کو خط لکھ کر ریکارڈ سمیت پیش ہونے کی ہدایت کردی ۔ رائس کینال میہڑ ڈویژن کے کاموں تین طرح کی بے قاعدگیاں ہوئی ہیں جس کا ریکارڈ فراہم کیا جائے ۔ ایک طرف اختیارات کا ناجائز استعمال کیا گیا ہے دوسری طرف سرکاری فنڈز کا غبن کیا گیا ہے ۔۔ خط میں زمید لکھا ہے کہ تیسری جانب ٹھیکیداروں کو غیر قانونی ادائیگیاں کی گئی ہیں ، مکمل ریکارڈ دیا جائے ۔ سالانہ ترقیاتی پروگرام کے تحت راج واہ سے سپورٹ چینل اور ککول واہ تک اور راج واہ کے دو دروازوں کی تفصیلات دی جائے ۔ مالی سال دوہزار اٹھارہ انیس سے لے کر اب تک تک ان منصوبوں کے لئے کتنی رقم خرچ کی گئی ۔ کتنے ٹھیکیداروں نے ٹھیکوں میں حصہ لیا کس ٹھیکیدار کو ٹھیکہ دیا گیا ۔ جو کام کرائے گئے اس کی ادائیگی کیسے کی گئی اس کی تفصیلات دی جائے ۔
.ذریعہ: Juraat
پڑھیں:
آئی ایم ایف کی سرکاری ملازمین کی تنخواہوں اور پنشن میں اضافے کیلئے سخت شرائط
اسلام آباد (ڈیلی پاکستان آن لائن) آئی ایم ایف کی سخت شرائط اورمالی مشکلات کے پیش نظر حکومت نے سرکاری ملازمین کی تنخواہوں اور پنشن میں 5 سے 7.5 فیصد اضافے کی تجویز دی ہے۔
نجی ٹی وی جیو نیوز کے مطابق اتحادی جماعت پیپلز پارٹی نے حکومت سے مطالبہ کیا ہے کہ تنخواہوں اور پنشن میں 10 فیصد تک اضافہ کیا جائے، اس تجویز سے آئی ایم ایف کو بھی آگاہ کیا گیا ہے۔ مسلح افواج کے لیے اضافی مراعات دینے کی تجاویز بھی زیر غور ہیں جن میں تنخواہوں اور پنشن میں اضافہ شامل ہے‘مثال کے طور پر رسک الاؤنس کو پنشن ایبل الاؤنس میں تبدیل کرنے کی تجویز موجود ہے۔
یکم جولائی 2025 سے افواج کو ڈیفائنڈ کنٹری بیوٹری پنشن (DCP) نظام میں شامل کرنے پر بھی غور ہو رہا ہے لیکن اس بارے میں حتمی فیصلہ نہیں کیا گیا۔گریڈایک تا16کے سول ملازمین کیلئے 30 فیصد ڈسپیئرٹی الاؤنس کی تجویز‘ بیرون ملک سے حاصل کردہ فری لانس اور ڈیجیٹل سروسز کی آمدن کو بھی ٹیکس نیٹ میں لانے کا امکان‘ مقامی گاڑیوں پر 18 فیصد جی ایس ٹی پرغور کیا جا رہا ہے۔
حکومت آئندہ بجٹ میں دیگر پنشن اصلاحات پر بھی پیش رفت کرنا چاہتی ہے۔ کچھ سخت اقدامات پہلے ہی لیے جا چکے ہیں اور مزید سخت اقدامات متوقع ہیں۔
گریڈ ایک تا16کے سول ملازمین کے موجودہ دو ایڈہاک الاؤنسز میں سے ایک کو بنیادی تنخواہ میں ضم کرنے کی بھی تجویز ہے۔
وزارت خزانہ نے مختلف تجاویز پر مبنی خاکے تیار کیے ہیں جو وفاقی کابینہ کو 10 جون کو منظوری کے لیے پیش کیے جائیں گے۔ تنخواہوں اور پنشن میں اضافے کی لاگت کا بھی تخمینہ لگایا گیا ہے جو کابینہ کے ساتھ شیئر کیا جائے گا۔
آئندہ مالی سال کے وفاقی بجٹ کا مجموعی حجم 17.5 ٹریلین روپے تجویز کیا گیا ہے، جو موجودہ سال کے 18.87 ٹریلین روپے کے مقابلے میں کم ہے۔ غیرمحصول آمدن 4.85 ٹریلین روپے سے کم ہو کر 3 سے 3.5 ٹریلین روپے ہونے کا امکان ہے۔
ادائیگیوں کی جانب، قرضوں کی واپسی سب سے بڑی مد ہے، جس کی لاگت موجودہ بجٹ کے ابتدائی تخمینے 9.775 ٹریلین روپے سے کم ہو کر آئندہ بجٹ میں 8.1 ٹریلین روپے ہو سکتی ہے جبکہ رواں مالی سال کے اختتام تک اس مد میں 8.7 ٹریلین روپے خرچ کا تخمینہ لگایا گیا ہے۔محصولی آمدن کے لیے ایف بی آر کا ہدف 14.14 ٹریلین روپے مقرر کیا گیا ہے، جو موجودہ سال کے نظرثانی شدہ ہدف 12.33 ٹریلین روپے سے زائد ہے۔
درآمدی مرحلے پر ٹیرف میں رد و بدل کی تجویز بھی زیر غور ہے، جس سے 150 سے 200 ارب روپے کی کمی متوقع ہے۔ سب سے زیادہ متاثرہ شعبہ جات میں سٹیل، آٹو پارٹس، ٹائلز وغیرہ شامل ہوں گے کیونکہ یہ صنعتیں بڑھتی ہوئی لاگت کے باعث علاقائی مسابقت میں پیچھے رہ گئی ہیں۔فری لانسرز کی بیرون ملک آمدن کو ٹیکس نیٹ میں لانے کی تجویز ہے اور سٹیٹ بینک ان کے اکاؤنٹس کی شناخت میں مدد دے گا۔
"محبت ملکیت نہیں، احساس ہے، یقین ہے" دوستی کا ہاتھ نہ بڑھانے پر ٹک ٹاکر ثنا یوسف کا قتل، علی ظفر کی نظم ’’محبت‘‘ وائرل ہوگئی
مزید :
مون سون کی تباہی: بھارت میں سیلاب اور لینڈ سلائیڈنگ سے 5 ہلاکتیں