عوام تیاری کرلیں! ملک بھر میں بادل ٹوٹ کر برسنے والے ہیں
اشاعت کی تاریخ: 4th, March 2025 GMT
اسلام آباد(نیوز ڈیسک)محکمہ موسمیات نے ملک کے مختلف علاقوں میں گرج چمک کے ساتھ مزید بارش کی پیشگوئی کردی جبکہ کراچی میں سمندری ہوائیں چلنے سے آئندہ چند روز تک موسم خوشگوار رہے گا۔
تفصیلات کے مطابق ملک کے بیشتر علاقوں میں موسم سرد اور خشک رہنے کی توقع ہے جبکہ اسلام آباد میں تیز ہواؤں اور گرج چمک کے ساتھ بارش کا امکان ہے، اس کے علاوہ گلگت بلتستان، کشمیر، مری، گلیات اور خطہ پوٹھوہار میں چند مقامات پر بارش اور پہاڑوں پر برفباری ہوسکتی ہے۔
پنجاب کے مختلف علاقوں میں موسم سرد اور خشک رہے گا تاہم راولپنڈی، چکوال، جہلم، گجرات، گوجرانوالہ، سیالکوٹ، نارووال، لاہور، شیخو پورہ، اوکاڑہ، فیصل آباد، جھنگ اور ٹو بہ ٹیک سنگھ میں بارش ہونے کی توقع ہے۔
بالائی خیبرپختونخوامیں گرج چمک کے ساتھ مزید بارش کی پیشگوئی کی گئی ہے، دیر، سوات، شانگلہ، کوہستان، مانسہرہ، بٹگرام، بونیرباجوڑ، مالاکنڈ، ہری پور، صوابی اور مردان میں مزید بارش کا امکان ہے جبکہ ایبٹ آباد، چارسدہ اور نوشہرہ میں گرج چمک کے ساتھ بارش کی توقع ہے۔
بلوچستان کے بیشتر اضلاع میں موسم خشک اور سرد رہنے کا امکان ہے جبکہ سندھ کے بیشتر اضلاع میں موسم خشک رہنے کی توقع ہے، گلگت بلتستان اور آزاد کشمیر کے مختلف حصوں میں مزید بارش اور برفباری کا امکان ہے۔
دوسری جانب وادی لیپہ میں برفباری کاسلسلہ جاری ہے جس سے سردی کی شدت میں اضافہ ہو گیا ہے، برفانی تودے گرنے سے وادی لیپہ کا دیگر علاقوں سے زمینی رابطہ منقطع ہو گیا ہے، برفباری کے باعث مواصلاتی نظام متاثر ہے، متعدد علاقے بجلی سے محروم ہیں، برفباری کی وجہ سے سرکاری اور پرائیویٹ تعلیمی اداروں میں چھٹی دی گئی ہے۔
کراچی میں موسم کی صورتحال
دوسری جانب محکمہ موسمیات کے مطابق شہر میں موسم خوشگوار اور درجہ حرارت معتدل رہنے کی توقع ہے جبکہ شہر میں سمندری ہواؤں کے سبب آئندہ چند روز تک موسم خوشگوار رہے گا۔
محکمہ موسمیات کا کہنا ہے کہ شہر قائد کا آج زیادہ سے زیادہ درجہ حرارت 32 ڈگری سینٹی گریڈ تک جانے کا امکان ہے جبکہ کم سے کم درجہ حرارت 17سے 19ڈگری سینٹی گریڈ تک رہنے کا امکان ہے، اس وقت شہر میں ہلکی خنکی کے ساتھ مطلع جزوی ابرآلود ہے۔
فضائی آلودگی کی صورتحال
کراچی میں ہواؤں کی سمت میں تبدیلی کے باعث شہر کا فضائی معیار مزید خراب ہوگیا، دنیا کے آلودہ ترین شہروں میں کراچی چھٹے نمبر پر آ گیا، ہوا میں آلودہ ذرات کی مقدار 156 پرٹیکیولیٹ میٹرز ریکارڈ کی گئی ہے۔
ماہرین نے شہریوں کو ہدایت دی ہے کہ آلودگی سے بچاؤ کے لیے احتیاطی تدابیر اختیار کریں، ماسک کا استعمال کریں اور غیر ضروری طور پر باہر نکلنے سے گریز کریں۔
مزیدپڑھیں:پرائز بانڈ رکھنے والوں کے لیے اہم خبر
ذریعہ: Daily Ausaf
کلیدی لفظ: گرج چمک کے ساتھ کا امکان ہے کی توقع ہے ہے جبکہ
پڑھیں:
اسلامی یکجہتی گیمز: میڈلز کی دوڑ میں پاکستان کی لمبی چھلانگ،23نمبرپر آگیا
ریاض (ویب ڈیسک)سعودی عرب کے دارالحکومت ریاض میں جاری چھٹے اسلامی یکجہتی گیمز میں جویلین تھرو میں ملنے والے گولڈ اور سلور میڈلز کی بدولت پاکستان میڈل کی دوڑ میں لمبی چھلانگ لگا کر 36 سے 23 ویں پوزیشن پر آگیا۔
گزشتہ شب جویلین تھرو میں پیرس اولمپکس 2024 میں92.97 میٹرز کے ساتھ نیا ریکارڈ قائم کرنے والے اولمپین ارشد ندیم نے پہلی پوزیشن کے ساتھ گولڈ اور دوسرے پاکستانی یاسر سلطان نے دوئم رہ کر سلور میڈل حاصل کیا تھا۔
قبل ازیں گیمز میں پاکستان دو برانز میڈلز اپنے نام کر چکا تھا۔ فاطمہ زہرا نے خواتین باکسنگ کے 60 کلو گرام درجہ جبکہ مردوں کی باکسنگ میں 55 کلوگرام کے ایونٹ میں قدرت اللہ سیمی فائنل میں جگہ بنا کر پاکستان کے لیے برانز میڈل پایا تھا۔
پاکستان کی عروشہ سعید نے نمائشی کھیل کرش میں برانز جیتا مگر یہ ریکارڈ کا حصہ نہیں ہوگا۔
7نومبر سے شروع ہونے والے چھٹے اسلامی یکجہتی گیمز جمعہ کو اختتام پذیر ہو جائیں گے۔
بشریٰ بی بی فیض حمید کیلئے کام کرتی تھیں: خواجہ آصف