جیا بچن اور امیتابھ بچن کی محبت کیسے پروان چڑھی؟
اشاعت کی تاریخ: 9th, April 2025 GMT
بالی ووڈ کی مایہِ ناز اداکارہ اور لیجنڈری اداکار امیتابھ بچن کی اہلیہ جیا بچن آج اپنی 77ویں سالگرہ منا رہی ہیں۔ اس موقع پر ان کی اور امیتابھ بچن کی محبت کے بارے میں بھی ایک بار پھر بات ہو رہی ہے کہ آخر ان کے درمیان محبت کب پروان چڑھی۔
اداکاری کے بے تاج بادشاہ امیتابھ بچن اور جیا بچن کی محبت کی کہانی 1970 کی دہائی کے اوائل میں شروع ہوئی اور وہ آج تک ایک خوشحال زندگی گزار رہے ہیں۔
جیا نے جب امیتابھ بچن سے ملاقات کی تو ان پر اس ملاقات کا بہت گہرا اثر ڈلا۔ ایک پرانے انٹرویو میں انہوں نے کہا تھا، ’مجھے ان سے فلم ’گُڈی‘ کے سیٹ پر متعارف کرایا گیا۔ میں ان سے متاثر ہوئی اور کچھ حد تک ان کے احترام میں تھی کیونکہ وہ ہری ونش رائے بچن کے بیٹے تھے۔ میں بہت جلد ان سے محبت کرنے لگی تھی‘۔
یہ بھی پڑھیں: جیا بچن کی امیتابھ بچن کے اعزاز میں ڈاک ٹکٹ جاری کرنے کی اپیل
کہا جاتا ہے کہ امیتابھ کو جیا سے محبت اس وقت ہوئی جب وہ فلم ’ایک نظر‘ میں ساتھ کام کر رہے تھے۔ اس وقت جیا پہلے ہی بڑی اسٹار تھیں، جبکہ امیتابھ ابھی اپنی شناخت بنانے کی کوشش کر رہے تھے۔ راجیش کھنہ، جو جیا کے بہت قریبی دوست تھے، ان کی امیتابھ کے ساتھ تعلقات کی حمایت نہیں کرتے تھے۔
امیتابھ بچن نے ایک بار اپنے شیئر کیا تھا کہ انہوں نے جیا کے ساتھ لندن جانے کا منصوبہ بنایا تھا تاکہ فلم ’زنجیر‘ کی کامیابی کا جشن منایا جا سکے، مگر ان کے والد اس بات کے حق میں نہیں تھے کہ وہ بغیر شادی کے سفر کریں۔
یہ بھی پڑھیں: جیا بچن کی خاتون مداح سے بدتمیزی، ویڈیو وائرل
انہوں نے لکھا تھا، ’میرے والد نے مجھے سختی سے کہا کہ اگر تم اس لڑکی کے ساتھ چھٹی پر جا رہے ہو، تو تمہیں اس سے شادی کرنی ہوگی ورنہ تمہیں اس کے ساتھ جانے کی اجازت نہیں ہے۔ میں ایک فرمانبردار بچہ تھا۔ میں نے اگلے ہی دن شادی کر لی، ایسی شادی جو صرف خاندان اور کچھ قریبی دوستوں کی موجودگی میں کی گئی، بغیر کسی دھوم دھام کے، اور اسی رات ہم چھٹی پر روانہ ہو گئے‘۔
یہاں تک کہ جب امیتابھ اور ریکھا کے درمیان تعلقات کی افواہیں چل رہی تھیں تو جیا نے ہمیشہ ان کا ساتھ دیا اور اپنے شادی شدہ رشتہ کی حمایت کی اور ہمیشہ امیتابھ پر مکمل اعتماد رکھا ہے۔ امیتابھ کا کہنا تھا کہ انہیں اپنی بیوی کو کچھ ثابت کرنے کی ضرورت نہیں ہے۔ وہ صرف شکر گزار ہیں کہ جیا بھی فلمی دنیا سے ہیں اور اس انڈسٹری اور اس کے بارے میں اڑائی جانے والی افواہوں کے بارے میں سمجھتی ہیں۔
یہ بھی پڑھیں: ریکھا اور امیتابھ بچن کے افیئر پر جیا بچن کیا کہتی ہیں؟
امیتابھ اور جیا ہمیشہ کہتے ہیں کہ ان کے بچوں، ابھشیک اور شیویتا کا ہونا ان کے رشتہ کی سب سے بہترین چیز ہے۔ جب جیا فلم ’شعلے‘ کی شوٹنگ کے دوران حاملہ تھیں، تو سیٹ پر ہر کوئی ان کی راحت کا خیال رکھتا تھا اور انہیں خاندان کی طرح دیکھ بھال کرتا تھا۔
واضح رہے کہ 9اپریل1948کو بھارتی ریاست مدھیا پردیش کے شہر جبل پور کے ایک بنگالی خاندان میں جنم لینے والی جیا بہادری نے بالی ووڈ میں اپنے کیرئیر کی شروعات1963میں فلمMahanagarسے چائلڈ اسٹار کی حیثیت سے کی۔
یہ بھی پڑھیں: جیا بچن سے شادی کرنے کے لیے امیتابھ بچن نے کیا شرائط رکھی تھیں؟
بالی ووڈ فلم انڈسٹری میں بطور ہیروئن جیا بہادری کی پہلی فلم”گڈی”تھی جس کے بعد انہوں نے “ابھیمان”،جوانی دیوانی،باورچی،پیا کا گھر،زنجیر،سلسلہ،شعلے،ہزار چوراسی کی ماں،فضاء،کبھی خوشی کبھی غم اور کل ہونا ہو جیسی کامیاب فلموں میں کام کرکے بہترین اداکارہ اور معاون اداکارہ کے کئی ایوارڈز اپنے نام کیے۔
کامیاب اداکارہ ،بیوی اور سیاستدان کی حیثیت سے خود کو منوانے والی جیابچن کو لائف ٹائم اچیومنٹ ایوارڈز سمیت بھارت کے چوتھے بڑے سویلین ایوارڈ پدما شری سے بھی نوازا جاچکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امیتابھ بچن بالی ووڈ جیا بچن جیا بچن سالگرہ.ذریعہ: WE News
کلیدی لفظ: امیتابھ بچن بالی ووڈ جیا بچن جیا بچن سالگرہ امیتابھ بچن جیا بچن کی بالی ووڈ انہوں نے کے ساتھ
پڑھیں:
بھارتی انہیں کیسے ٹرول کر سکتے ہیں، ناصر چنیوٹی دلجیت دوسانجھ کے حق میں بول پڑے
معروف اداکار و کامیڈین ناصر چنیوٹی نے بھارتیوں سے گلوکار و اداکار دلجیت دوسانجھ سے نفرت نہ کرنے کی اپیل کر دی۔
ناصر چنیوٹی کا کہنا تھا کہ دلجیت دوسانجھ بادشاہ ہے جب کوئی اپنے ملک کے بادشاہ کو برا کہے تو یہ اچھی بات نہیں ہے، وہ نفرت نہیں تعریف کے مستحق ہیں۔ انہوں نے کہا دلجیت نے پوری دنیا میں اپنا نام بنایا ہے جب ہم نے یہ فلم بنائی تب تک پہلگام والا واقعہ نہیں ہوا تھا۔
ان کا کہنا تھا کہ بھارتیوں کو کہا کہ آپ دلجیت کو کیسے ٹرول کر سکتے ہیں۔ یہ تو آپ کا اپنا فنکار ہے آپ کا بھائی ہے اس سے محبت کریں۔ دلجیت دوسانجھ نے پنجابی ثقافت کو دنیا بھر میں جس انداز سے روشناس کرایا ہے، وہ یقینا لائق تحسین ہے۔ وہ ایک سچا سردار ہے
اداکار کا کہنا تھا کہ پاکستانی فنکاروں کی موجودگی نے ثابت کیا ہے کہ فن سرحدوں کا محتاج نہیں ہوتا۔ وہ ہمارے ساتھ کھڑا ہوا ہے اور ہم اس کے شکر گزار ہیں اور پاکستان میں ’سردار جی 3‘، دلجیت دوسانجھ اور ہمیں بہت پیار دیا گیا ہے۔
انہوں نے کہا کہ میں نے کسی بھارتی پروڈیوسر کے ساتھ کام نہیں کیا ہے بلکہ دلجیت دوسانجھ، گپی گریوال، امریندر گل اور امی ورک جیسے سپر اسٹارز کے ساتھ فلمیں کی ہیں۔ جو نہ صرف سپر اسٹارز ہیں بلکہ بھائیوں جیسے ہیں۔
یہ بھی پڑھیں: انڈیا کے بائیکاٹ کے باوجود سردار جی 3 نے عالمی ریکارڈ توڑ دیے
واضح رہے کہ مشہور کامیڈین ناصر چنیوٹی نےحال ہی میں ریلیز ہونے والی بھارتی پنجابی فلم ’سردار جی 3‘ میں دلجیت دوسانجھ اور ہانیہ عامر کے ساتھ اہم کردار ادا کیا ہے۔
پنجابی فلم انڈسٹری کے معروف گلوکار اور اداکار دلجیت دوسانجھ کی نئی فلم ‘سردار جی 3’ نے بین الاقوامی سطح پر شاندار کامیابی حاصل کی ہے لیکن بھارت میں یہ فلم ریلیز نہیں کی گئی۔
یہ فلم جسے 27 جون کو دنیا بھر میں ریلیز کیا گیا دلجیت دوسانجھ کے کیریئر کی اب تک کی سب سے بڑی فلم بن کر سامنے آ رہی ہے۔ تاہم اس کی ریلیز کو بھارت میں روک دیا گیا ہے جس کی وجہ فلم کی کاسٹ میں شامل پاکستانی اداکارہ ہانیہ عامر ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ دلجیت دوسانجھ سردار جی 3 ہانیہ عامر
پاکستان نے 1.5کا کھرب روپے کا قرض قبل از وقت ادا کر دیا