وفاقی وزیر عبدالعلیم خان کا موٹروے پولیس ہیڈ کوارٹرز کا دورہ، اہم اعلانات
اشاعت کی تاریخ: 25th, April 2025 GMT
وفاقی وزیر عبدالعلیم خان کا موٹروے پولیس ہیڈ کوارٹرز کا دورہ، اہم اعلانات WhatsAppFacebookTwitter 0 25 April, 2025 سب نیوز
اسلام آباد(سب نیوز)وفاقی وزیر مواصلات عبدالعلیم خان نے نیشنل ہائی ویز اینڈ موٹروے پولیس کے ہیڈ کوارٹرز کا دورہ کیا جہاں انہیں چاق و چوبند دستے نے سلامی پیش کی۔ اس موقع پر وفاقی وزیر نے وطن پر قربان ہونے والے شہداء کو خراج عقیدت پیش کیا اور ان کے درجات کی بلندی کے لیے دعا کی۔
وفاقی وزیر نے مختلف شعبوں کا معائنہ کیا اور ایک اعلیٰ سطحی اجلاس میں شرکت کی جہاں انہیں اہم امور پر بریفنگ دی گئی۔ اجلاس میں ٹریفک نظم و ضبط اور سڑکوں پر حادثات میں کمی سے متعلق اہم فیصلے کیے گئے۔
عبدالعلیم خان نے اعلان کیا کہ موٹروے پر گاڑیوں کی معیاد مقرر کر دی گئی ہے اور 20 سال سے زائد پرانی گاڑیاں اب موٹروے پر نہیں چل سکیں گی۔ مزید برآں، گاڑیوں کے لیے ٹائر سرٹیفکیٹ علیحدہ سے جاری کیے جائیں گے تاکہ انسانی جانوں سے نہ کھیلا جا سکے۔
اووراسپیڈنگ اور ایکسل لوڈ پر زیرو ٹالرنس پالیسی جاری رہے گی
وفاقی وزیر نے ہدایت کی کہ اوورسپیڈنگ اور ایکسل لوڈ کے خلاف زیرو ٹالرنس پالیسی کو سختی سے نافذ رکھا جائے۔ ان کا کہنا تھا کہ حادثات کی روک تھام اور جانوں کی حفاظت ان کی اولین ترجیح ہے۔
کمرشل ڈرائیورز کی تربیت اور فٹنس لازمی قرار
عبدالعلیم خان نے کہا کہ کمرشل ڈرائیورز کا تربیت یافتہ ہونا ضروری ہے اور ٹریننگ کا باقاعدہ بندوبست کیا جائے گا۔ انہوں نے ہدایت کی کہ اگلے تین ماہ میں تمام کمرشل گاڑیوں کو فٹنس سرٹیفکیٹ جاری کیے جائیں۔
موٹروے پر حادثات اور باڑ چوری پر تشویش کا اظہار
وفاقی وزیر نے موٹروے پر ایک ہی مقام پر بار بار ہونے والے حادثات پر تشویش کا اظہار کیا اور آئی جی موٹروے پولیس کو اس سلسلے میں مؤثر حکمت عملی تیار کرنے کی ہدایت دی۔ بریفنگ میں بتایا گیا کہ موٹرویز کے گرد حفاظتی باڑ چوری کے 53 مقدمات درج ہوئے جن میں 36 ملزمان گرفتار جبکہ 2000 میٹر باڑ برآمد کی گئی۔
شہید انسپکٹر منصور اصغر کے لیے فاتحہ خوانی
دورے کے اختتام پر وفاقی وزیر نے موٹروے پر شہید ہونے والے انسپکٹر منصور اصغر کے لیے فاتحہ خوانی کی اور موٹروے پولیس افسران کو ہدایت کی کہ وہ اپنی حفاظت کو ہر صورت مقدم رکھیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپاک بھارت کشیدگی؛ جنگ ہوئی تو کسی کا کچھ نہیں بچے گا، خواجہ سعد رفیق پاک بھارت کشیدگی؛ جنگ ہوئی تو کسی کا کچھ نہیں بچے گا، خواجہ سعد رفیق پہلگام حملے میں مارے گئے افرادکے لواحقین مودی سرکار پر برس پڑے توشہ خانہ ٹو کیس؛ عمران خان، بشریٰ بی بی کی بریت کی درخواستیں سماعت کےلئے مقرر کرنیکا حکم بھارت نے سی پیک کو ناکام بنانے ،چین کا راستہ روکنے کیلئے پہلگام ڈرامہ رچایا،محمد عارف جنرل ساحر شمشاد مرزا سے زمبابوے کے فضائیہ کمانڈر کی ملاقات،سیکیورٹی و دفاعی شعبوں میں تعاون بڑھانے کے عزم کا اعادہ باکسنگ رنگ میں پاکستان نے بھارت کو دھول چٹا دیCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: عبدالعلیم خان موٹروے پولیس وفاقی وزیر
پڑھیں:
اسلام آباد میں بغیر لائسنس گاڑی چلانے پر اب ایف آئی آر درج ہوگی، بڑا فیصلہ کرلیا گیا
وفاقی دارالحکومت اسلام آباد میں ڈرائیونگ لائسنس کے بغیر گاڑی یا موٹرسائیکل چلانے والوں کے خلاف سخت کارروائی کا فیصلہ کر لیا گیا۔ یکم اکتوبر سے اس قانون پر سختی سے عمل درآمد ہوگا۔
یہ بھی پڑھیں: اسلام آباد ٹریفک پولیس نے ایک ہفتے میں کتنی گاڑیوں کے چالان کیے؟
ذرائع کے مطابق وزارت داخلہ نے وفاقی پولیس کو واضح احکامات جاری کر دیے ہیں کہ لائسنس نہ رکھنے والے ڈرائیورز کے خلاف براہِ راست ایف آئی آر درج کی جائے جبکہ ڈرائیور کے ساتھ گاڑی کو بھی تحویل میں لے لیا جائے گا۔
حکام کے مطابق شہریوں کو سہولت دینے اور ڈرائیونگ لائسنس کے اجرا کو تیز کرنے کے لیے فیسیلیٹیشن سینٹرز میں مزید کاؤنٹرز قائم کیے جا رہے ہیں تاکہ عوام کو بآسانی لائسنس کی سہولت میسر آسکے۔
یہ بھی پڑھیں: اسلام آباد ٹریفک پولیس کا کریک ڈاؤن، 1700 سے زائد بائیکرز کیخلاف کارروائی
یہ اقدام وفاقی دارالحکومت میں ٹریفک کے نظام کو بہتر بنانے اور شہریوں کو قانون کی پابندی پر مجبور کرنے کے مقصد سے کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسلام اباد ایف آئی آر بغیر لائسنس گاڑی گاڑی ضبط وفاقی دارلحکومت وی نیوز
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام