کراچی کی سڑکوں کو بین الاقومی طرز پر بنانے کا فیصلہ
اشاعت کی تاریخ: 30th, April 2025 GMT
— فائل فوٹو
کراچی کی سڑکوں کو بین الاقومی طرز پر بنانے کا فیصلہ کیا گیا ہے۔
کمشنر کی زیرِ صدارت ہونے والے اجلاس میں شہر کی مختلف سڑکوں کو ماڈل روڈ بنانے پر اتفاق کیا گیا۔
اجلاس میں عبداللّٰہ ہارون روڈ کو پہلا ماڈل روڈ بنانے پر اتفاق ہوا، اسسٹنٹ کمشنر جنرل ہاظم بنگوار کو ماڈل روڈز سے متعلق ذمہ داری سونپی گئی ہے۔
کراچی کی 11 مرکزی سڑکوں پر غیرقانونی رکشوں کی آمدورفت پر پابندی عائد کردی گئی جس کا فوری طور پر اطلاق ہوگا۔
ہاظم بنگوار کے مطابق زینب مارکیٹ، صدر سے کلفٹن اور دو تلوار تک ماڈل سڑک بنائی جائے گی۔
انہوں نے کہا کہ سیوریج سسٹم سے لے کر فٹ پاتھ تک سب کچھ ٹھیک کیا جائے گا۔
.ذریعہ: Jang News
پڑھیں:
پانی و بجلی کی بندش پر شہری مشتعل، مختلف علاقوں میں احتجاج، ٹریفک نظام مفلوج
کراچی:شہر قائد میں پانی اور بجلی کی طویل بندش پر عوام کا صبر جواب دے گیا، مختلف علاقوں میں شہری سڑکوں پر نکل آئے، احتجاج اور ہنگامہ آرائی کے باعث شہر کا ٹریفک نظام بری طرح متاثر ہوا۔
یونیورسٹی روڈ اور جیل چورنگی کے قریب بجلی کی مسلسل بندش کے خلاف علاقہ مکینوں نے احتجاج کیا جس کے دوران مظاہرین مشتعل ہو گئے اور سڑکوں سے گزرنے والی گاڑیوں پر پتھراؤ کیا۔ احتجاج کے باعث یونیورسٹی روڈ، جیل روڈ اور ملحقہ شاہراہوں پر بدترین ٹریفک جام دیکھنے میں آیا۔ احتجاج تقریباً آدھے گھنٹے تک جاری رہا جس کے بعد پولیس موقع پر پہنچی اور مظاہرین کو منتشر کر کے ٹریفک بحال کرایا۔
دوسری جانب گارڈن کے علاقے میں بھی بجلی کی بندش پر شہریوں نے الیکٹرک کے دفتر کے باہر احتجاج کیا۔ آغا خان سوئم روڈ، انکل سریا اسپتال سے ٹینکر چورنگی کی جانب آنے جانے والا راستہ ٹریفک کے لیے بند کر دیا گیا، جس کے باعث اطراف کی سڑکوں پر شدید ٹریفک جام ہو گیا۔گارڈن کا احتجاج تقریباً 45 منٹ تک جاری رہا، بعد ازاں پولیس اور مظاہرین کے درمیان کامیاب مذاکرات کے بعد احتجاج ختم کیا گیا اور سڑک کو ٹریفک کے لیے کھول دیا گیا۔
شہریوں کا مطالبہ تھا کہ بجلی اور پانی کی فراہمی فوری طور پر بحال کی جائے۔ عوامی شکایات کے باوجود متعلقہ ادارے تاحال مسئلہ حل کرنے میں ناکام نظر آتے ہیں۔
سارک کے سابق سیکرٹری جنرل نعیم الحسن ٹورنٹو میں انتقال کر گئے