پشاور زلمی کا کھلاڑی آئی پی ایل کی ٹیم میں شامل
اشاعت کی تاریخ: 4th, May 2025 GMT
انڈین پریمیئر لیگ ( آئی پی ایل) کی ٹیم پنجاب کنگز نے پاکستان سپر لیگ (پی ایس ایل) کے غیر ملکی کھلاڑی مچل اوون کو ٹیم میں شامل کرلیا ہے۔
یہ بھی پڑھیں: پاکستان کرکٹ بورڈ کے نوٹس پر کوربن بوش نے کیا جواب دیا؟
پنجاب کنگز نے مچل اوون کو گلین میکسویل کے متبادل کے طور پر نامزد کیا ہے جو انگلی میں فریکچر کے باعث آئی پی ایل 2025 سے باہر ہوگئے ہیں۔
مچل اوون اس وقت پی ایس ایل میں پشاور زلمی کی نمائندگی کررہے ہیں، جن کو آئی پی ایل کی ٹیم پنجاب کنگز نے 3 کروڑ روپے میں خریدا ہے۔
مچل اوون بیٹسمین کے ساتھ ساتھ میڈیم پیس بولر بھی ہیں، جنہوں نے ٹی20 کیریئر کے 20 میچز میں 10 وکٹیں بھی حاصل کررکھی ہیں۔
مچل اوون پنجاب کنگز کو کب جوائن کریں گے؟پشاور زلمی کا پی ایس ایل 2025 میں سفر ختم ہوتے ہی مچل اوون پنجاب کنگز کو جوائن کرنے کے لیے بھارت روانہ ہوجائیں گے۔
یہ بھی پڑھیں: کیریبیئن پریمیئر لیگ میں کون سے پاکستانی کرکٹرز ایکشن میں نظر آئیں گے؟
پشاور زلمی اس وقت پی ایس ایل پوائنٹ ٹیبل پر 5ویں نمبر پر ہے جو 9 مئی کو اپنا آخری گروپ میچ کھیلے گی۔ اگر پشاور زلمی یہ میچ جیت کر پلے آف کے لیے کوالیفائی کرتی ہے اور بعد میں فائنل میں پہنچتی ہے تو مچل اوون پی ایس ایل کے ساتھ معاہدے کے مطابق 18 مئی تک پی ایس ایل نہیں چھوڑ سکتے۔
اگر پشاور زلمی فائنل میں پہنچتی ہے تو آئی پی ایل کے پلے آف شروع ہونے سے پہلے پنجاب کنگز کے گروپ مرحلے کے آخری میچ کے دو دن بعد مچل اوون آئی پی ایل میں متبادل کھلاڑی بننے کے لیے اہل ہوں گے تاہم اگر پشاور زلمی پلے آف تک نہیں پہنچتی تو مچل اووں 10 مئی کو ہی بھارت روانہ ہوسکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئی پی ایل پشاور زلمی پنجاب کنگز پی ایس ایل مچل اوون.ذریعہ: WE News
کلیدی لفظ: ا ئی پی ایل پشاور زلمی پی ایس ایل مچل اوون ا ئی پی ایل پشاور زلمی پی ایس ایل کے لیے
پڑھیں:
ایم ڈی کیٹ میں کراچی کے طلبہ بازی لے گئے، 41 بچے ٹاپ 10 میں شامل
آئی بی اے سکھر یونیورسٹی کے ایم ڈی کیٹ 2025 کے ٹیسٹ میں کراچی کے طلبہ سندھ کے تمام اضلاع کے طلبہ پر بازی لے گئے اور پہلی تینوں پوزیشنز کراچی کے نام رہیں جبکہ ٹاپ ٹین میں شامل 124 امیدواروں میں سے 41 امیدواروں کا تعلق کراچی سے ہے۔آئی بی اے سکھر کے ایم ڈی کیٹ کے ابتدائی نتائج کے مطابق سندھ بھر کے تعلیمی بورڈز سے اے ون اور اے گریڈ لانے والے طلبہ کی اکثریت یعنی 56 فیصد امیدوار ایم بی بی ایس کے ایم ڈی کیٹ ٹیسٹ میں فیل ہوگئے جبکہ بی ڈی ایس کے 48 فیصد امیدوار ٹیسٹ میں ناکام ہوگئے۔ نتائج کے مطابق 14300 امیدوار 55 فیصد (99) یا اس سے زائد نمبر لا کر کامیاب ہو سکے جبکہ بی ڈی ایس کے لیے 17123 امیدوار 50 فیصد (90) یا اس سے زائد نمبر لا کر کامیاب ہوئے۔اس طرح 56 فیصد امیدوار ایم بی بی ایس کے ٹیسٹ میں ناکام ہوگئے جبکہ بی ڈی ایس میں 48 فیصد امیدوار ناکام ہوگئے۔ ایم ڈی کیٹ نتائج کے مطابق سید محمود خان ولد عدالت خان کراچی ضلع غربی نے ایم ڈی کیٹ میں سب سے زیادہ نمبر حاصل کیے، انھوں نے 180 میں سے 175 نمبر حاصل کیے، کراچی کورنگی کے فیصل اشرف خان ولد نوید اشرف خان اورضلع قمبر شہداد کوٹ کے شیراز حسین ولد نیاز حسین مغیری 174 نمبر لے کر دوسرے نمبر پر رہے۔کراچی شرقی کے محمد ریان ہمایوں ولد ہمایوں فاروق، کورنگی کی ماہ نور شاہنواز بنت سید شاہنواز حسین اور حیدرآباد کی حرا عابد ولد عابد علی سیہتو 173 نمبر لا کر تیسرے نمبر پر رہے۔124امیدوار ٹاپ ٹین میں شامل رہے جن میں سے 41امیدواروں کا تعلق کراچی سے ہے۔آئی بی اے سکھر یونیورسٹی کے وائس چانسلر ڈاکڑ آصف شیخ نے بتایا کہ ایم ڈی کیٹ 2025 کے عارضی نتائج کا باقاعدہ اعلان کیا جاچکا ہے اور یکم نومبر 2025کو شام 5:00بجے تک امیدوار وں کو شکایت کے اندراج کا وقت دیا گیا ہے کہ اگر کوئی شکایت ہے تو اس کا اندراج ای میل کے ذریعے کردیں، اتوار کو شام 5 بجے حتمی نتائج جاری کر دیئے جائیں گے۔
کنڈی کا وزیراعظم کو خط ، گندم کی بین الصوبائی ترسیل پر پابندیاں ختم کرنے کا مطالبہ