بھارتی فضائیہ نے فضائی حدود میں گھسنے کوشش کی مگر انہیں بھاگنے پر مجبور کردیا، اسحاق ڈار
اشاعت کی تاریخ: 5th, May 2025 GMT
نائب وزیراعظم و وزیر خارجہ اسحاق ڈار نے کہا ہے کہ بھارتی فضائیہ نے پاکستان کی فضائی حدود میں داخل ہونے کی کوشش کی، مگر انہیں بروقت اور بھرپور ردعمل کے باعث پسپائی اختیار کرنا پڑی۔ انہوں نے واضح کیا کہ پاکستان الرٹ ہے اور کسی بھی جارحیت کی صورت میں فوری اور فیصلہ کن ردعمل دیا جائے گا۔
اسلام آباد میں ’علاقائی مکالمہ 2025‘ سے خطاب کرتے ہوئے اسحاق ڈار نے کہا کہ دنیا اس وقت ایک مشکل دور سے گزر رہی ہے اور امن و خوشحالی ہم سب کا مشترکہ ہدف ہونا چاہیے۔ ان کا کہنا تھا کہ پاکستان ہمیشہ خطے میں امن کا داعی رہا ہے اور ہم نے کبھی پہل نہیں کی، لیکن بھارت کی جانب سے جارحیت کی صورت میں بھرپور جواب دیا جائے گا۔
انہوں نے مقبوضہ کشمیر اور فلسطین کی صورتحال کو خطے کے امن کے لیے سنگین خطرہ قرار دیا اور کہا کہ بھارت اقوام متحدہ کی قراردادوں کی سنگین خلاف ورزی کر رہا ہے۔ ان کا کہنا تھا کہ پہلگام فالس فلیگ آپریشن بھارت کا رچایا ہوا ڈرامہ تھا، جس کا مقصد بھارت میں جاری آزادی کی تحریکوں سے توجہ ہٹانا تھا۔
مزید پڑھیں: بھارتی پروپیگنڈا بے نقاب: وفاقی وزیر اطلاعات کا ایل او سی کا دورہ، عالمی میڈیا کو زمینی حقائق دکھا دیے
اسحاق ڈار نے مزید کہا کہ بھارت نے پاکستان کے خلاف یکطرفہ اقدامات کیے، جن میں سندھ طاس معاہدے کی معطلی جیسا سنگین قدم شامل ہے۔ انہوں نے خبردار کیا کہ بھارت سندھ طاس معاہدے کو یکطرفہ طور پر ختم نہیں کر سکتا، یہ عالمی قوانین کی سنگین خلاف ورزی ہے۔
وزیر خارجہ نے 2022 کے تباہ کن سیلاب کا ذکر کرتے ہوئے ماحولیاتی تبدیلی کو بھی ایک بڑا چیلنج قرار دیا، اور کہا کہ اس کے اثرات آنے والی نسلوں پر بھی پڑیں گے۔
ان کا کہنا تھا کہ کئی بھارتی ریاستوں میں انسانی حقوق کی پامالی جاری ہے اور پاکستان نے ہمیشہ ہر فورم پر جارحیت کے خلاف آواز بلند کی ہے۔ انہوں نے بتایا کہ قومی سلامتی کمیٹی نے بھارتی اقدامات کے بعد فوری فیصلے کیے جن پر عمل درآمد ہو چکا ہے۔
اسحاق ڈار نے کہا کہ عالمی رہنماؤں نے پاکستان سے تحمل کا مظاہرہ کرنے کی اپیل کی ہے، لیکن اگر بھارت کی جانب سے دوبارہ کسی قسم کی مہم جوئی کی گئی تو پاکستان خاموش نہیں رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار بھارت پاکستان پہلگام سندھ طاس.
ذریعہ
ذریعہ: WE News
کلیدی لفظ: اسحاق ڈار بھارت پاکستان پہلگام اسحاق ڈار نے انہوں نے کہ بھارت ہے اور کہا کہ
پڑھیں:
توشہ خانہ ریکارڈ، وزیراعظم اور اسحاق ڈار کے تحائف کی تفصیلات سامنے آگئیں
اسلام آباد(رضوان عباسی ): توشہ خانہ ریکارڈ میں وزیراعظم شہباز شریف اور نائب وزیراعظم و وزیر خارجہ سینیٹر اسحاق ڈار کو اپریل سے جون 2026 کے دوران مختلف غیر ملکی شخصیات اور وفود کی جانب سے ملنے والے سرکاری تحائف کی تفصیلات سامنے آ گئی ہیں۔
کابینہ ڈویژن کی دستاویزات کے مطابق اس عرصے میں موصول ہونے والے تمام سرکاری تحائف توشہ خانہ قواعد کے تحت کابینہ ڈویژن میں جمع کرا دیے گئے ہیں، جبکہ ان کی مالیت کے تعین (ویلیوایشن) کا عمل تاحال جاری ہے۔
دستاویزات کے مطابق وزیراعظم شہباز شریف کو مختلف ممالک کے سربراہان، اعلیٰ حکام اور سرکاری وفود کی جانب سے متعدد یادگاری تحائف پیش کیے گئے۔ ان میں شوگر باؤل، گاڑی کا فریم شدہ ماڈل، شیلڈز، قیمتی قلم، کف لنکس، ٹائی، کافی کپ اور واٹر گلاس سیٹ، چائے کے کپ اور ساسرز، آرائشی واز، ایرانی فیروزہ اِنلے دستکاری پر مشتمل پانچ پیس سیٹ، روایتی چینی اسکرول پینٹنگ، چائنا اسپیس اسٹیشن کا ماڈل اور دیگر سووینئرز شامل ہیں۔
اسی طرح نائب وزیراعظم و وزیر خارجہ سینیٹر اسحاق ڈار کو بھی مختلف ممالک کی جانب سے متعدد سرکاری تحائف دیے گئے، جن میں مصری طرز کا مجسمہ، مسجد نبوی ﷺ کا ماڈل، کف لنکس اور دیگر یادگاری اشیا شامل ہیں۔
دستاویزات میں یہ بھی بتایا گیا ہے کہ ڈپٹی چیف آف پروٹوکول محمد ارسلان میر کو ایک قیمتی ڈائمنڈ کلیکشن رسٹ واچ بطور سرکاری تحفہ موصول ہوئی، جس کی مالیت کا تعین بھی جاری ہے۔
کابینہ ڈویژن کے مطابق توشہ خانہ ریکارڈ میں شامل تمام تحائف متعلقہ قوانین اور قواعد کے مطابق وصول کیے گئے ہیں۔ حکام کا کہنا ہے کہ ویلیوایشن مکمل ہونے کے بعد توشہ خانہ رولز کے مطابق آئندہ کارروائی کی جائے گی۔
سرکاری ذرائع کے مطابق تحائف کی مالیت کا تعین مکمل ہونے کے بعد قواعد کے مطابق یہ فیصلہ کیا جائے گا کہ متعلقہ حکام ان تحائف کو اپنے پاس رکھ سکتے ہیں یا انہیں سرکاری تحویل میں برقرار رکھا جائے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا