عیدالاضحی پرمویشی منڈیوں کی نیلامی کیسے ہو گی ؟طریقہ کار سامنے آ گیا
اشاعت کی تاریخ: 6th, May 2025 GMT
محکمہ بلدیات پنجاب نے عیدالاضحی کے موقع پر مویشی منڈیوں کی نیلامیوں کو جدید خطوط پر استوار کرتے ہوئے ای-اکشن سسٹم کا آغاز کر دیا ہ جس کے تحت صوبے بھر میں مویشی منڈیوں کی نیلامیاں مکمل طور پر آن لائن ہوں گی۔
پنجاب کیٹل مارکیٹ مینجمنٹ کمپنی کے تحت 112 مویشی منڈیاں اس ڈیجیٹل نیلامی کا حصہ بنیں گی۔ ای-اکشن سسٹم کے تحت کنٹریکٹرز کی آن لائن رجسٹریشن کا عمل شروع کر دیا گیا ہے جس کے تحت بولی میں حصہ لینے کے خواہش مند ٹھیکیدار 13 مئی تک اپنی رجسٹریشن آن لائن مکمل کرا سکیں گے۔
آن لائن بولی کا باقاعدہ آغاز 21 مئی کی صبح 9 بجے ہو گا اور یہ عمل 23 مئی شام 6 بجے تک جاری رہے گا۔ کامیاب بولی دہندگان سے اضافی سیکیورٹی رقم بھی ڈیجیٹل طریقے سے وصول کی جائے گی جبکہ رجسٹریشن فیس سمیت تمام مالی ادائیگیاں آن لائن ہی ممکن ہوں گی۔
.ذریعہ: Daily Ausaf
پڑھیں:
مفت 2 جی بی انٹرنیٹ اور 200 منٹس حاصل کرنے کا طریقہ جانئے
اسلام آباد (نیوز ڈیسک) پاکستان ٹیلی کمیونیکیشن اتھارٹی نے 200 ملین صارفین کا سنگ میل عبور کرنے پر تمام موبائل صارفین کو مفت انٹرنیٹ اور منٹس دینے کا اعلان کیا ہے جسے حاصل کرنے کیلئے آپ کو اپنے موبائل سے #2200* ملانا ہوگا۔
پی ٹی اے کی جانب سے جاری کردہ اعلامیہ کے مطابق، 20 جون 2025 کو تمام موبائل صارفین کو 2 جی بی مفت انٹرنیٹ ڈیٹا اور 200 آن نیٹ منٹس بالکل مفت فراہم کیے جائیں گے، جو 24 گھنٹے کے لیے مؤثر ہوں گے۔آفر حاصل کرنے کے لیے صارفین کسی بھی نیٹ ورک سے#2200* ڈائل کر کے یہ سہولت فعال کر سکتے ہیں۔
پی ٹی اے کا کہنا ہےکہ 200 ملین صارفین کے سنگ میل کی خوشی میں، پی ٹی اے اور تمام موبائل آپریٹرز اپنے صارفین کو 2 جی بی ڈیٹا اور 200 آن نیٹ منٹس بالکل مفت فراہم کریں گے۔
تازہ ترین اعداد و شمار کے مطابق، پاکستان میں موبائل فون صارفین کی تعداد 197.7 ملین تک جا پہنچی ہے، جو ملک کی 80 فیصد آبادی پر محیط ہے۔ براڈبینڈ صارفین کی تعداد 150 ملین اور فکسڈ لائن فون استعمال کرنے والے صارفین 3.75 ملین ہیں۔
اس تاریخی کامیابی کی خوشی میں، پی ٹی اے ہیڈکوارٹر اسلام آباد میں ایک خصوصی تقریب کا انعقاد کیا جائے گا، جس میں ٹیلی کام انڈسٹری، موبائل نیٹ ورکس اور ڈیوائس ساز کمپنیوں کے نمایاں افراد شرکت کریں گے۔ تقریب میں پاکستان میں ڈیجیٹل سروسز اور کنیکٹیویٹی کے فروغ پر بھی بات چیت ہوگی۔
اس کے علاوہ، موبائل نیٹ ورکس کی جانب سے مفت وائس اور ڈیٹا بنڈلز دیے جائیں گے، جبکہ موبائل کمپنیاں تقریب کے دوران 10 سے 15 درمیانے درجے کے اسمارٹ فونز کے لیے قرعہ اندازی میں حصہ بھی لیں گی۔
بینک سے رقم نکلوانے پر ٹیکس کی شرح بڑھا دی گئی، اطلاق کب سے ہوگا؟
اسرائیلی حملوں میں ایران کے مزید 3 جوہری سائنسدان شہید