مرید کے میں لشکر طیبہ اور بہاولپور میں جیش محمد کے مراکز کو نشانہ بناے کا بے بنیاد بھارتی دعویٰ
اشاعت کی تاریخ: 7th, May 2025 GMT
بھارتی جھوٹ کا پول کھل گیا ہے، عینی شاہدین اور حملوں کے بعد نشانہ بنائی گئی مساجد کی تصویر اور ویڈیوز بھارتی جھوٹ کا منہ بولتا ثبوت ہیں۔ اسلام ٹائمز۔ بزدل دشمن بھارت نے رات کی تاریکی میں وطن عزیز پاکستان کے شہری علاقوں پر میزائل حملے کیے ہیں۔ اس سلسلے میں بھارتی فوج اور انڈیا میڈیا کی طرف سے دعویٰ کیا جا رہا ہے کہ مرید کے میں کالعدم لشکر طیبہ کے اور بہاولپور میں کالعدم جیش محمد کے مراکز کو نشانہ بنایا گیا ہے۔ دوسری طرف بھارتی جھوٹ کا پول کھل گیا ہے، عینی شاہدین اور حملوں کے بعد نشانہ بنائی گئی مساجد کی تصویر اور ویڈیوز بھارتی جھوٹ کا منہ بولتا ثبوت ہیں۔ ذرائع کے مطابق بہاولپور میں جس مسجد اور مدرسے کو نشانہ بنایا گیا ہے، وہ کالعدم جیش محمد کا مرکز نہیں بلکہ وہاں چلنے والا عام مدرسہ ہے جسے مولانا مسعود ازہر کے بھائی اور رشتہ دار چلاتے ہیں۔ جب سے جیش محمد کو کالعدم قرار دیا گیا ہے اس مسجد میں مولانا مسعود ازہر کو نہیں دیکھا گیا۔ اسی طرح کالعدم لشکر طیبہ کے سربراہ حافظ سعید بھی نظربند ہیں، نہ کہ وہ کوئی مرکز چلا رہے ہیں، مرید کے میں جس مسجد کو نشانہ بنایا گیا ہے وہ اس وقت کالعدم لشکر طیبہ یا کسی بھی جہادی تنظیم کے زیرانتظام نہیں۔
ذریعہ: Islam Times
کلیدی لفظ: بھارتی جھوٹ کا کو نشانہ گیا ہے
پڑھیں:
سیرت طیبہؐ انسانوں سے محبت سکھاتی ہے، ڈاکٹر حسن قادری
رحمت للعالمین اتھارٹی کے زیراہتمام لاہور میں منعقدہ یوتھ کنونشن سے خطاب میں چیئرمین سپریم کونسل منہاج القرآن کا کہنا تھا کہ نوجوان ہر علم حاصل کریں مگر سیرت طیبہ ؐکے مطالعہ کو اپنا معمول بنائیں،آپؐ کی شخصیت کے تین پہلو ایسے ہیں جن پر عمل کرنے سے ہم لاتعداد سماجی و معاشرتی عوارض سے محفوظ رہ سکتے ہیں (1)درگزر سے کام لینا(2)نیکی اور بھلائی کی تعلیم دیتے رہنا (3) جاہلوں سے بحث و تکرار سے بچنا۔ اسلام ٹائمز۔ منہاج القرآن انٹرنیشنل کی سپریم کونسل کے چیئرمین پروفیسر ڈاکٹر حسن محی الدین قادری نے رحمت للعالمین اتھارٹی پاکستان کے زیراہتمام منعقدہ یوتھ کنونشن سے اپنے خطاب میں نوجوانوں پر زور دیا کہ وہ ہر طرح کے علوم و فنون سیکھیں مگر سیرت طیبہ کے مطالعہ کو اپنا معمول بنائیں، سیرت طیبہ انسانوں سے محبت کرنا سکھاتی ہے۔ انہوں نے کہا کہ آپؐ کی شخصیت کے تین پہلو ایسے ہیں جن پر عمل کرنے سے ہم لاتعداد سماجی و معاشرتی عوارض سے محفوظ رہ سکتے ہیں (1)درگزر سے کام لینا(2)نیکی اور بھلائی کی تعلیم دیتے رہنا (3) جاہلوں سے بحث و تکرار سے بچنا۔ یہ تین اوصاف انسان کو صراط مستقیم پر چلانے کا نسخہ کیمیا ہیں۔ اللہ رب العزت نے اپنے محبوب پیغمبر کو ان تین چیزوں پر عمل کرنے کا حکم دیا۔
ڈاکٹر حسن محی الدین قادری نے کہا کہ آپؐ کی پیدائش سے لیکر وصال تک ظاہری حیات کے تمام احوال و واقعات اور معاملات آپؐ کی سیرت طیبہ ہیں۔ آپؐ کی سیرت طیبہ کے بارے میں خود بھی آگاہی حاصل کریں اور دوسروں کو بھی اس کی تحریک اور تعلیم دیں، یہ عمل عبادت ہے۔ تاجدار کائناتؐ کے معمولات اور اخلاقیات جاننا بطور اُمتی ہم پر واجب ہے۔ آپؐ کی سیرت طیبہ سے پتہ چلے گا کہ یتیموں، بیواؤں کے کیا حقوق ہیں، حلال و حرام کیا ہے، والدین، اساتذہ، عزیز و اقارب، دوستوں اور اقلیتوں کے کیا حقوق ہیں اور اچھا اخلاق حلم، بردباری، اعتدال اور رواداری کسے کہتے ہیں۔
ڈاکٹر حسن محی الدین قادری نے کہا کہ نوجوان اپنی گفتگو میں مغربی فلاسفر، حکماء،ادبا کے اقوال نقل کرتے ہیں جبکہ آپؐ کی حکمت و بصیرت کی گواہیاں قرآن مجید کے ہر ہر حرف سے ملتی ہیں، نوجوان احادیث اور اقوال رسول اللہ ؐ کو ازبر کریں اور اپنی گفتگو میں شامل کریں۔ آپؐ کی محبت ہی اسلام اور اصل ایمان ہے۔ یوتھ کنونشن میں مختلف یونیورسٹیز اور کالجز کے طلباء و طالبات نے شرکت کی۔
اسرائیل فلسطینی بچوں کو جان بوجھ کر نشانہ بنا رہا ہے، غزہ کے ڈاکٹروں کی گواہی