چیف جسٹس آزاد کشمیر کی زیر صدارت ججز کونسل کا اجلاس
اشاعت کی تاریخ: 8th, May 2025 GMT
اجلاس میں سینئر جج سپریم کورٹ جسٹس خواجہ محمد نسیم، جج سپریم کورٹ جسٹس رضا علی خان نے شرکت کی۔ اجلاس میں بھارت کی جانب سے آزاد کشمیر، پاکستان پر حملہ، جنگ مسلط کئے جانے، ملکی سالمیت، علاقائی امن اور بین الاقوامی قوانین کی پامالی کی شدید الفاظ میں مذمت کی گئی۔ اسلام ٹائمز۔ سپریم کورٹ آف آزاد جموں و کشمیر کی جانب سے جاری کردہ پریس ریلیز کے مطابق چیف جسٹس آزاد جموں و کشمیر جسٹس راجہ سعید اکرم خان کی زیر صدارت ججز کونسل کا اجلاس منعقد ہوا۔ اجلاس میں سینئر جج سپریم کورٹ جسٹس خواجہ محمد نسیم، جج سپریم کورٹ جسٹس رضا علی خان نے شرکت کی۔ اجلاس میں بھارت کی جانب سے آزاد کشمیر، پاکستان پر حملہ، جنگ مسلط کئے جانے، ملکی سالمیت، علاقائی امن اور بین الاقوامی قوانین کی پامالی کی شدید الفاظ میں مذمت کی گئی اور ملکی صورت حال کے تناظر میں سپریم کورٹ گولڈن جوبلی کے حوالہ سے 8 تا 10 مئی 2025ء کی تقریبات کو عارضی طور پر مؤخر کر دیا گیا۔
.ذریعہ: Islam Times
کلیدی لفظ: جج سپریم کورٹ جسٹس اجلاس میں
پڑھیں:
دیامر میں امن کی کی صورتحال پر غور کیلئے فورس کمانڈر کی زیر صدارت گرینڈ جرگہ
چیف سیکریٹری گلگت بلتستان اور فورس کمانڈر ایف سی این اے نے اس موقع پر اپنے خطابات میں کہا کہ امن کے ساتھ ساتھ ترقی ہماری ترجیح ہے۔ سرکاری اداروں کی کارکردگی بہتر بنانے، عوامی فلاح کے منصوبوں کو مؤثر انداز میں مکمل کرنے اور "معاہدہ 2025" کے نکات پر عمل درآمد کے لیے تمام ممکنہ وسائل بروئے کار لائے جائیں گے۔ اسلام ٹائمز۔ ضلع دیامر کے علاقے تھک داس میں امن و امان کی صورتحال پر غور و خوض کے لیے گرینڈ جرگے کا انعقاد کیا گیا، جس میں اعلیٰ سول و عسکری حکام سمیت ضلعی انتظامیہ، پولیس، سیکیورٹی اداروں کے نمائندگان، علمائے کرام، عمائدین، نمبرداران اور نوجوانوں نے بڑی تعداد میں شرکت کی۔ اجلاس کی صدارت فورس کمانڈر گلگت بلتستان نے کی، جبکہ چیف سیکریٹری گلگت بلتستان، انسپکٹر جنرل پولیس گلگت بلتستان، کمشنر دیامر استور ڈویژن، ڈپٹی کمشنر دیامر، اور ڈی آئی جی دیامر استور ڈویژن بھی اجلاس میں شریک ہوئے۔ اجلاس کے آغاز میں ضلعی انتظامیہ اور پولیس حکام نے دیامر میں امن و امان کی مجموعی صورتحال پر بریفنگ دی اور بتایا کہ علاقے میں عوامی تعاون اور مؤثر حکمتِ عملی کے باعث حالات میں نمایاں بہتری آئی ہے۔ مقررین نے اپنے خطابات میں کہا کہ پائیدار ترقی، تعلیم، اور خوشحالی کا پہلا زینہ امن ہے۔ انہوں نے زور دیا کہ عوام، علمائے کرام، اور سول سوسائٹی کا کردار امن کے قیام میں کلیدی اہمیت رکھتا ہے، اور اجتماعی کوششوں سے ہی دیامر کو ایک پرامن اور ترقی یافتہ ضلع بنایا جا سکتا ہے۔
چیف سیکریٹری گلگت بلتستان اور فورس کمانڈر ایف سی این اے نے اس موقع پر اپنے خطابات میں کہا کہ امن کے ساتھ ساتھ ترقی ہماری ترجیح ہے۔ سرکاری اداروں کی کارکردگی بہتر بنانے، عوامی فلاح کے منصوبوں کو مؤثر انداز میں مکمل کرنے اور "معاہدہ 2025" کے نکات پر عمل درآمد کے لیے تمام ممکنہ وسائل بروئے کار لائے جائیں گے۔ انہوں نے مزید کہا کہ حکومت اور سیکیورٹی ادارے عوامی نمائندوں اور علمائے کرام کے تعاون سے علاقے کے دیرینہ مسائل کے حل کے لیے کوشاں ہیں، تاکہ آنے والی نسلوں کے لیے ایک محفوظ اور خوشحال ماحول فراہم کیا جا سکے۔ اجلاس کے اختتام پر قومی جرگہ دیامر، فورس کمانڈر گلگت بلتستان، چیف سیکریٹری گلگت بلتستان، علمائے کرام اور عمائدینِ علاقہ نے مشترکہ طور پر قیامِ امن، بھائی چارے، باہمی اعتماد، اور ترقی کے تسلسل کو برقرار رکھنے کے عزم کا اعادہ کیا۔ اجلاس میں یہ بات بھی طے پائی کہ علاقے میں کسی بھی ناخوشگوار واقعے سے بچنے کے لیے عوامی آگاہی مہمات، نوجوانوں کی مثبت سرگرمیوں، اور بین المذاہب ہم آہنگی کو فروغ دیا جائے گا، تاکہ دیامر کو امن و استحکام کی ایک مثال بنایا جا سکے۔
رینجرز نے لیاری گینگ کے مطلوب کارندے کو گرفتار کرلیا