مقبوضہ کشمیر کو آزاد کرانے کا یہ بہترین موقع ہے، صدر ایکس سروس مین سوسائٹی بریگیڈیئر زرین
اشاعت کی تاریخ: 8th, May 2025 GMT
ایکس سروس مین سوسائٹی آزاد کشمیر کے صدر بریگیڈیئر (ر) سردار محمد زرین خان نے کہا ہے کہ بھارت نے پاکستان پر بزدلانہ حملہ کیا ہے جس کے جواب میں پاکستان نے 5 بھارتی جنگی جہاز، 3 ڈرون اور بارڈر پر بھارت کی کئی پوسٹیں تباہ کی ہیں۔ یہ بہترین موقع ہے کہ مقبوضہ کشمیر میں داخل ہوکر بھارت کے زیرقبضہ علاقے کو آزاد کرا لیا جائے۔
یہ بھی پڑھیں کب، کیسے اور کہاں، مسلح افواج کو جواب دینے کا مکمل اختیار مل گیا
وی ایکسکلوسیو میں گفتگو کرتے ہوئے انہوں نے کہاکہ ایکس سروس مین سوسائٹی کے لوگ پورے ملک میں موجود ہیں، صرف آزاد کشمیر میں ایک لاکھ ٹرین ریٹائرڈ فوجی موجود ہیں، اس میں ہر رینک کے فوجی موجود ہیں، ہمارا مطالبہ ہے کہ ہمیں متعلقہ ہتھیار فراہم کیے جائیں کیونکہ یہ سنہری موقع ہے کہ ہم بارڈر کراس کرکے مقبوضہ کشمیر کو آزاد کرائیں، مسئلہ کشمیر کا فوری حل ضروری ہے۔
بریگیڈیئر (ر) سردار محمد زرین خان نے کہاکہ بھارت نے سول ٹارگٹ کے علاوہ آبی ذخائر کو بھی نشانہ بنایا ہے جو کہ جارحیت کا منہ بولتا ثبوت ہے، ایک طرف اسرائیل اقوام متحدہ کا کوئی قانون نہیں مانتا اور دوسری طرف بھارت مظلوم کشمیریوں پر حملہ کرتا ہے اور اب تو پاکستان پر بھی براہِ راست حملہ کیا ہے۔
انہوں نے کہاکہ ہم عالمی برادری سے مطالبہ کرتے ہیں کہ وہ عرب میں اسرائیل اور یہاں ایشیا میں بھارت کو لگام دیں نہیں تو پاکستان کمزور ملک نہیں ہمارے پاس پوری قوت بھی ہے اور ایٹم بم بھی ہے۔
بریگیڈیئر (ر) سردار محمد زرین خان نے کہاکہ بھارت اگر ہم پر اسی طرح مسلط ہوتا رہے گا، ہم پر حملہ کرتا رہے گا، ہمارے سویلینز کو ٹارگٹ کرے گا، ہمارا پانی بند کرے گا تو ہم اس سے زیادہ صبر نہیں کر سکیں گے، پھر ایسا نہ ہو کہ برصغیر میں ایٹمی جنگ چھڑ جائے، اس لیے اقوام متحدہ اور دنیا سے درخواست ہے کہ وہ بھارت کو لگام دیں۔
یہ بھی پڑھیں پاکستان نے جدید جنگی طیارہ ’رافیل‘ مار گرایا، فرانسیسی اعلیٰ عہدیدار نے بھی تصدیق کردی
انہوں نے کہاکہ پاکستان ایئر فورس نے 5 بھارتی جنگی طیارے اور 3 ڈرون مار گرا کر ریکارڈ قائم کیا ہے، پاکستان نے جوابی حملہ کرکے ثابت کر دیا ہے کہ ہم بھارت سے کم نہیں اور ہم کسی بھی قسم کا حملہ کر سکتے ہیں، اس وقت پوری قوم متحد ہے۔ اسکول کے بچوں سمیت سیاست دان، میڈیا، ایکس سروس مین سوسائٹی، بیرون ملک مقیم پاکستانی سب کی ایک آواز ہے کہ ہم پاکستان آرمی کے ساتھ ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایکس سروس مین سوسائٹی بریگیڈیئر (ر) زرین بھارتی حملہ پاک بھارت کشیدگی پاکستان بھارت جنگ مقبوضہ کشمیر آزادی وی نیوز.
ذریعہ
ذریعہ: WE News
کلیدی لفظ: ایکس سروس مین سوسائٹی بریگیڈیئر ر زرین بھارتی حملہ پاک بھارت کشیدگی پاکستان بھارت جنگ وی نیوز ایکس سروس مین سوسائٹی نے کہاکہ ہے کہ ہم حملہ کر
پڑھیں:
حملہ ہوا تو خلیج میں امریکہ سے منسلک پلوں اور بجلی گھروں کو نشانہ بنائیں گے، ایران
لاہور(ڈیلی پاکستان آن لائن)ایران نے صدر ٹرمپ کی تازہ دھمکی کے جواب میں خبردار کیا ہے کہ اگر امریکا باز نہ آیا تو مشرق وسطیٰ میں اس کے انفرا اسٹریکچرز بھی محفوظ نہیں رہیں گے۔ایران کی نیم سرکاری خبر رساں ایجنسی تسنیم کے مطابق ایک نامعلوم فوجی ذریعے نے کہا کہ آبنائے ہرمز پر اپنی خودمختاری کے استعمال میں ایران کا عزم فولادی ہے اور وہ کبھی بھی اس اہم آبی گزرگاہ کو اپنے خلاف خطرہ بننے کی اجازت نہیں دے گا۔فوجی عہدیدار نے مزید کہا کہ اگر امریکا نے ایران کے پلوں یا بجلی گھروں پر حملہ کیا تو ایران بھی عرب ممالک میں موجود امریکا سے وابستہ اہم شہری بنیادی ڈھانچوں بشمول پلوں، بجلی گھروں اور تنصیبات پر حملے کرے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بیان میں مزید کہا گیا ہے کہ امریکیوں کو گزشتہ دس دنوں کے واقعات کے بعد اب پوری طرح یقین ہو جانا چاہیے کہ ایران جہاں چاہتا ہے وہیں حملہ کرنے کی صلاحیت رکھتا ہے۔ایرانی فوجی عہدیدار نے مزید کہا کہ لہٰذا ٹرمپ اگر اس طرح کا کوئی خطرناک جوا کھیلتے ہیں تو اس کا انجام ایک بار پھر ان کی سبکی اور شرمندگی کی صورت میں نکلے گا۔انھوں نے کہا کہ ایران آبنائے ہرمز پر اپنی خودمختاری کا حق استعمال کرتا رہے گا اور اس اہم آبی گزرگاہ پر اپنا کنٹرول برقرار رکھنے کے اپنے پختہ عزم سے کسی صورت دستبردار نہیں ہوگا۔
یاد رہے کہ امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ اگر ایران کی پاسدارانِ انقلاب آبنائے ہرمز میں کسی تجارتی جہاز پر میزائل، راکٹ، ڈرون یا کسی اور ہتھیار سے حملہ کرتی ہے تو امریکا ہر ایسے واقعے کے جواب میں ایران کے ایک پل یا بجلی گھر کو تباہ کر دے گا چاہے وہ تہران کے قریب ہی کیوں نہ واقع ہو۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
واضح رہے کہ آبنائے ہرمز دنیا کی اہم ترین سمندری گزرگاہوں میں شمار ہوتی ہے جہاں سے عالمی سطح پر تیل اور گیس کی بڑی مقدار گزرتی ہے اور اسے ایران نے بند کر رکھا ہے جس کے باعث عالمی منڈیوں میں تیل کی قیمتیں بڑھ گئی ہے۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار