جنگ کو گلیمرائز کرنا بند کریں، زارا نور عباس بھارتی میڈیا پر برس پڑیں
اشاعت کی تاریخ: 9th, May 2025 GMT
معروف پاکستانی اداکارہ زارا نور عباس نے حالیہ کشیدہ حالات کے تناظر میں بھارتی سوشل میڈیا صارفین کی جانب سے جنگ کے حق میں تبصرے اور خوشی منانے کے رویے پر سخت ردعمل دیا ہے۔
سوشل میڈیا پر جاری کیے گئے ایک ویڈیو بیان میں انہوں نے کہا کہ "جنگ کوئی مذاق نہیں، صرف وہی لوگ اس کا اصل درد سمجھتے ہیں جو کسی قریبی شخص کو کھو چکے ہوں۔"
اداکارہ کا کہنا تھا کہ آپ خوش ہورہے ہیں کہ ہم نے جنگ شروع کردی مگر جنگ میں جن کی جانیں جاتی ہیں ان کی مائیں ان کی بیویوں اور بچوں کو اس کا نقصان اُٹھانا پڑتا ہے تکلیف ان ہی کو ہوتی ہے جن کے پیارے دنیا سے چلے جاتے ہیں۔
https://www.instagram.com/reel/DJaWyLFiT6E/
زارا نے اپنی پوسٹ میں بھارتی میڈیا کی جانب سے لاہور اور کراچی پر مبینہ حملوں کی جھوٹی خبروں کو بھی بے نقاب کیا۔ انہوں نے بھارتی میڈیا پر تنقید کرتے ہوئے واضح کیا کہ زمینی حقائق ان خبروں کے برعکس ہیں اور دونوں شہروں میں امن کی صورتحال برقرار ہے۔
اداکارہ کا کہنا تھا کہ ایسے نازک وقت میں افواہیں پھیلانا اور جنگ کی حمایت کرنا انتہائی غیر ذمہ دارانہ رویہ ہے۔ انہوں نے بھارتی عوام سے اپیل کی کہ وہ اشتعال انگیزی سے گریز کریں اور انسانیت و امن کو ترجیح دیں۔
زارا نور عباس کا یہ بیان مختلف پلیٹ فارمز پر زیر بحث ہے اور اسے امن کی حمایت میں ایک مثبت آواز قرار دیا جا رہا ہے۔
ذریعہ: Express News
پڑھیں:
حنا الطاف بھارتی اداکاروں پر برس پڑیں
پاکستانی شوبز انڈسٹری کی معروف اداکارہ و میزبان حنا الطاف نے موجودہ صورتحال پر آواز بلند کرتے ہوئے پاکستانی عوام سے اپیل کی ہے کہ وہ بھارتی فنکاروں کو سوشل میڈیا پر اَن فالو کریں اور اُن پاکستانی فنکاروں سے بھی فاصلہ اختیار کریں جو اپنے ملک کے حق میں بولنے سے گریز کرتے ہیں اپنے سوشل میڈیا پیغام میں حنا الطاف نے بغیر کسی کا نام لیے بھارتی فنکاروں پر تنقید کرتے ہوئے کہا کہ پاکستان ہمیشہ امن کی بات کرتا ہے اور دونوں ممالک میں ہونے والے معصوم جانوں کے ضیاع کی مذمت کرتا ہے لیکن افسوس کی بات یہ ہے کہ ہمارے دکھ کے وقت دوسری جانب خوشی اور جشن منایا جاتا ہے، جو دل توڑ دینے والی بات ہے حنا الطاف نے کہا کہ پاکستانی عوام اُن بھارتی فنکاروں کو اَن فالو کریں جو جنگ کو بڑھاوا دیتے ہیں اور ساتھ ہی اُن پاکستانی فنکاروں سے بھی محتاط رہیں جو پاکستان میں رہتے ہیں مگر جب بات وطن کی ہو تو خاموشی اختیار کرتے ہیں اداکارہ نے اپنے جذبات کا اظہار کرتے ہوئے کہا کہ جب سرحد پار سے جنگی بیانات آتے ہیں تو ہم پھر بھی امن اور دوستی کی بات کرتے ہیں لیکن یہ یکطرفہ رویہ زیادہ دیر نہیں چل سکتا۔ ہمیں اُن لوگوں سے جُڑنے کی ضرورت ہے جو دکھ کی گھڑی میں سچ کے ساتھ کھڑے ہوں اور ملک کے وقار کا ساتھ دیں حنا الطاف کا مؤقف سوشل میڈیا پر تیزی سے وائرل ہو رہا ہے اور کئی صارفین ان کے موقف کی حمایت میں اپنی رائے کا اظہار کر رہے ہیں
کشمیری صحافی نے بھارتی اینکر کو آڑے ہاتھوں لے لیا، کھری کھری سنادیں