گرین بسوں کی خریداری میں تاخیر پر وزیراعلیٰ بلوچستان کا اظہار برہمی
اشاعت کی تاریخ: 12th, May 2025 GMT
گرین بسوں کی خریداری میں تاخیر پر وزیر اعلیٰ بلوچستان میر سرفراز بگٹی نے برہمی کا اظہار کرتے ہوئے کہا ہے کہ گرین بسیں جون سے قبل سڑکوں پر لائی جائیں، مزید تاخیر ناقابل برداشت ہے۔
وزیر اعلیٰ بلوچستان میر سرفراز بگٹی کی زیر صدارت پبلک سیکٹر ڈویلپمنٹ پروگرام پر عملدرآمد کے جائزہ اجلاس میں محکمہ ترقیات و منصوبہ بندی کی جانب سے جاری منصوبوں پر اجلاس کو تفصیلی بریفنگ دی گئی۔
یہ بھی پڑھیں:
محکمہ ٹرانسپورٹ کو سہولیات کی فراہمی یقینی بنانے کی تاکید کرتے ہوئے، وزیر اعلیٰ بلوچستان کا کہنا تھا کہ تمام محکمے جون سے قبل جاری منصوبے مکمل کریں، سست رفتار منصوبوں کے فنڈز فعال اسکیموں کو منتقل کیے جائیں۔
میر سرفراز بگٹی نے محکمہ کھیل کے 2015 سے نامکمل منصوبوں پر اپنی تشویش کا اظہار کرتے ہوئے کہا کہ اس ضمن میں ذمہ داروں کا تعین کیا جائے، منصوبوں میں تاخیر عوام کے لیے مسائل اور اخراجات میں اضافے کا سبب بنتی ہے۔
مزید پڑھیں:
وزیر اعلیٰ بلوچستان میر سرفراز بگٹی کا کہنا تھا کہ عوام کو درپیش مسائل کے حل کے لیے تیز رفتار اقدامات ناگزیر ہیں، انہوں نے حیرت کا اظہار کیا کہ ایک سال میں گرین بس پروجیکٹ کے لیے 21 بسیں بھی نہ خریدی جاسکیں۔
انہوں نے گرین بسوں کو رواں برس جون سے قبل سڑکوں پر فعال کرنے کی ہدایت کرتے ہوئے کہا کہ اس ضمن میں مزید تاخیر ناقابل برداشت ہے، اجلاس میں صوبائی وزرا، چیف سیکریٹری، ایڈیشنل چیف سیکریٹری ترقیات سمیت تمام محکموں کے سیکریٹریز شریک ہوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تاخیر چیف سیکریٹری گرین بس پروجیکٹ میر سرفراز بگٹی وزیر اعلٰی بلوچستان.ذریعہ: WE News
کلیدی لفظ: تاخیر چیف سیکریٹری گرین بس پروجیکٹ میر سرفراز بگٹی وزیر اعل ی بلوچستان میر سرفراز بگٹی کرتے ہوئے وزیر اعلی کا اظہار کے لیے
پڑھیں:
وزیرِ اعظم کا گوادر کو بلاتعطل پانی کی فراہمی یقینی بنانے کا حکم
وزیرِ اعظم شہباز شریف—فائل فوٹووزیرِ اعظم شہباز شریف نے گوادر میں پانی کی قلت پر اجلاس کی صدارت کی، جس میں وزیرِ اعلیٰ بلوچستان سرفراز بگٹی نے بذریعہ ویڈیو لنک شرکت کی۔
اجلاس کے اعلامیے کے مطابق وزیرِ اعظم شہباز شریف نے گوادر کے پانی اور برقی مسائل کے دیرپا حل کی ہدایت کی ہے اور کہا کہ وفاقی وزیرِ پاور ڈویژن، منصوبہ بندی کمیشن، متعلقہ سیکریٹریز 15 اگست کو گوادر پہنچیں۔
وزیرِ اعظم شہباز شریف نے دفتری اوقاتِ کار اور وقت کی پابندی نہ کرنے کا سخت نوٹس لے لیا۔
وزیرِ اعظم شہباز شریف نے حکم دیا کہ وزیرِ اعلیٰ بلوچستان کی مشاورت سے گوادر کے شہریوں کو بلاتعطل پانی کی فراہمی یقینی بنائی جائے۔
وزیرِ اعلیٰ بلوچستان سرفراز بگٹی نے گوادر کے آبی مسائل، چیلنجز اور جاری اقدامات پر وزیرِ اعظم کو تفصیلی بریفنگ دی۔
وزیر اعلیٰ بلوچستان سرفراز بگٹی نے کہا کہ برقی عدم استحکام اور ایران سے بجلی کی بندش کے باعث ڈی سیلینیشن پلانٹ کی بلا تعطل فعالیت میں مشکلات ہیں۔
انہوں نے بریفنگ میں بتایا کہ خضدار سے گوادر قومی گرڈ لائن کی ناقص منصوبہ بندی کے سبب وولٹیج مستحکم نہیں رہتا، گوادر کے پانی کے مسائل کے پائیدار حل کے لیے جامع منصوبہ بندی کر رہے ہیں۔
وزیرِ اعلیٰ بلوچستان سرفراز بگٹی کا کہنا ہے کہ خضدار تا گوادر نیشنل گرڈ لائن کا ازسرِنو جائزہ لے کر ضروری اصلاحات کی جائیں، پاور ہاؤس اور جنریٹر کے ذریعے ڈی سیلینیشن پلانٹ چلانے کے لیے ہنگامی اقدامات جاری ہیں۔
قومی اسمبلی میں مسلم لیگ (ن) کی نشستوں میں اضافہ