میکسیکو کی ریاست ویراکروز میں میئر کی خاتون امیدوار سمیت 5 افراد ہلاک
اشاعت کی تاریخ: 14th, May 2025 GMT
مسلح افراد نے میکسیکو کی خلیجی ساحلی ریاست ویراکروز میں حکمراں جماعت کی جانب سے میئر کی امیدوار سمیت 5 افراد کو قتل کردیا، جو یکم جون کے انتخابات سے قبل مذکورہ ریاست میں اس نوعیت کی ہلاکت کا دوسرا واقعہ ہے۔
مورینا پارٹی کی امیدوار یسینیا لارا گوتریس پر حملہ اتوار کو اس وقت ہوا جب وہ ٹیکسسٹیپیک کے راستے حامیوں کے ایک کارواں کی قیادت کر رہی تھیں، حملے میں مزید 3 افراد زخمی ہوئے۔
میکسیکو کی خاتون صدر کلاڈیا شینبام کی جماعت مورینا پارٹی سے وابستہ ویراکروز کے گورنر روکیو ناہلے کے مطابق مارے جانے والوں میں لارا گوتریس کی بیٹی بھی شامل ہیں، ٹیکسسٹیپیک کوٹزاکوالکوس کی اہم پٹرولیم انڈسٹری سے جڑی بندرگاہ کے جنوب مغرب میں واقع ایک قصبہ ہے۔
یہ بھی پڑھیں: امریکا کی جانب سے کینیڈا اور میکسیکو پر ٹیرف کا نفاذ مؤخر، چین سے مخاصمت برقرار
انصاف کا وعدہ کرتے ہوئے روکیو ناہلے کا کہنا تھا کہ کوئی بھی منتخب عہدہ مرنے کے قابل نہیں ہے، ریاست کی پوری طاقت آئندہ دنوں میں بلدیاتی انتخابات کو آزاد اور جمہوری بنانے کے لیے موجود ہوگی۔
ٹیکسسٹیپیک میں خاندان اور دوستوں نے لارا گوتریس کا سوگ منایا اور انتخابات کے دوران تشدد کے خوف کے بارے میں بات کی، آنجہانی امیدوار کی حامی جوکن فونسیکا کا کہنا تھا کہ وہ عدم تحفظ کے متحمل نہیں ہوسکتے۔
’ہم ان سب سے تھک چکے ہیں، یہ دہشت گردی ہے، ایک نہیں 5 لوگ مرے ہیں۔ ہم دہشت گردی کی بدترین زندگی گزار رہے ہیں۔‘
مزید پڑھیں: موسمیاتی تبدیلی نے امریکا اور میکسیکو میں ہیٹ ویو کا امکان 35 گنا بڑھا دیا
خاندانی دوست کروز مورالس نے کہا کہ تشدد اتنا برا ہے کہ ہم کھیتوں میں جانے سے ڈرتے ہیں، شام کو اپنے خاندان سے ملنے جاتے ہیں، کیونکہ ہمیں نہیں معلوم کہ راستے میں ہمارے ساتھ کیا ہونے والا ہے۔
لارا گوتریس میئر کے عہدے کی دوسری امیدوار ہیں جنہیں انتخابی مہم کے دوران ویراکروز میں قتل کیا گیا، 29 اپریل کو انتخابی مہم کے پہلے سرکاری دن، مسلح افراد نے میکسیکو کی حکمراں جماعت کے امیدوار ہرمن انوآر وایلنسیا کو ہلاک کردیا تھا۔
گورنر روکیو ناہلے نے کہا کہ 57 مقامی امیدواروں نے ریاست اور وفاقی حکومت کی طرف سے پیش کردہ سیکورٹی کی درخواست کی تھی، یہ فوری طور پر واضح نہیں ہو سکا کہ لارا گوتریس کے پاس اس طرح کی سیکیورٹی تھی کہ نہیں۔
مزید پڑھیں: ’ایگ آن سپون‘ میکسیکو میں نیا انوکھا عالمی ریکارڈ قائم
یکم جون کو میکسیکو کی ریاست ویراکروز میں بلدیاتی انتخابات شیڈول ہیں، تاریخی طور پر انتخابی تشدد کا سب سے زیادہ خطرہ مقامی امیدوار کو درپیش ہوتا ہے کیونکہ اس موقع پر منظم جرائم پیشہ گروہ مقامی حکومتوں کا کنٹرول حاصل کرنے کی کوشش کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلدیاتی انتخابات جرائم پیشہ حکمراں جماعت میئر میکسیکو ویراکروز.
ذریعہ
ذریعہ: WE News
کلیدی لفظ: بلدیاتی انتخابات جرائم پیشہ میکسیکو ویراکروز ویراکروز میں لارا گوتریس میکسیکو کی
پڑھیں:
چیک ریپبلک میں فوجی ہیلی کاپٹر گر کر تباہ؛ ایک فوجی ہلاک اور 4 زخمی
چیک ریپبلک کے مشرقی حصے میں ایک فوجی ہیلی کاپٹر گر کر تباہ ہوگیا جس کے نتیجے میں ایک فوجی ہلاک جبکہ تین دیگر زخمی ہو گئے۔
عالمی خبر رساں ادارے کے مطابق چیک وزارتِ دفاع اور فوج کی جانب سے جاری بیان میں کہا گیا ہے کہ حادثہ بدھ کے روز نامیشت ناد اوسلاوو ایئر فورس بیس پر پیش آیا جو دارالحکومت پراگ سے تقریباً 180 کلومیٹر جنوب مشرق میں واقع ہے۔
حادثے کا شکار ہونے والا ہیلی کاپٹر UH-1Y Venom تھا، جس میں مجموعی طور پر 5 فوجی اہلکار سوار تھے۔ حادثے میں ایک اہلکار موقع پر ہی جان کی بازی ہار گیا جبکہ تین زخمیوں کو فوری طور پر قریبی اسپتال منتقل کیا گیا۔
مقامی میڈیا رپورٹس کے مطابق ہیلی کاپٹر معمول کی فوجی تربیتی سرگرمی کے سلسلے میں پرواز کر رہا تھا، تاہم حکام نے ابھی تک اس کی باضابطہ تصدیق نہیں کی۔ حادثے کی وجوہات جاننے کے لیے فوج نے خصوصی تحقیقاتی ٹیم تشکیل دیدی ہیں۔
چیک حکام کا کہنا ہے کہ اس بات کا جائزہ لے رہے ہیں، آیا حادثہ تکنیکی خرابی، موسمی حالات یا انسانی غلطی کے باعث پیش آیا۔ تحقیقات کے نتائج سے میڈیا کو آگاہ کیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار