ایران امریکہ کے ساتھ جوہری معاہدے کے لیے تیار، رپورٹ
اشاعت کی تاریخ: 15th, May 2025 GMT
اسلام آباد (اُردو پوائنٹ ۔ DW اردو۔ 15 مئی 2025ء) ایک اعلیٰ ایرانی اہلکار نے امریکہ کے این بی سی نیوز کو بدھ کو شائع ہونے والے ایک انٹرویو میں بتایا کہ ایران اقتصادی پابندیاں ہٹانے کے بدلے امریکہ کے ساتھ معاہدہ کرنے کے لیے تیار ہے۔
ایران کے سپریم لیڈر آیت اللہ علی خامنہ ای کے مشیر علی شمخانی نے کہا کہ تہران کبھی بھی جوہری ہتھیار تیار نہیں کرے گا، انتہائی افزودہ یورینیم کے اپنے ذخیرے کو ختم کرے گا، یورینیم کو صرف نچلی سطح تک افزودہ کرنے پر راضی ہو گا جو شہری استعمال کے لیے درکار ہے، اور بین الاقوامی معائنہ کاروں کو اس عمل کی نگرانی کرنے کی اجازت دے گا۔
ایران جوہری مذاکرات میں امید افزا پیش رفت
یہ پوچھے جانے پر کہ اگر ان شرائط کو پورا کیا جائے تو کیا ایران آج معاہدے پر دستخط کرنے پر راضی ہو جائے گا؟ تو شمخانی نے کہا، "ہاں۔
(جاری ہے)
"
شمخانی کا تبصرہ جوہری معاہدے تک پہنچنے کے لیے ایران کی توقعات اور آمادگی کے حوالے سے اب تک کا سب سے واضح عوامی بیان معلوم ہوتا ہے۔
اگلے امریکی ایرانی جوہری مذاکرات ملتوی، ٹرمپ کی نئی دھمکی
شمخانی نے کہا، "یہ اب بھی ممکن ہے۔
اگر امریکی ان کے کہنے کے مطابق عمل کریں تو یقینی طور پر ہمارے تعلقات بہتر ہو سکتے ہیں۔" انہوں نے مزید کہا، "یہ مستقبل قریب میں بہتر صورت حال کا باعث بن سکتا ہے۔" قطر سے مدد کی اپیلقبل ازیں صدر ڈونلڈ ٹرمپ نے بدھ کے روز قطر پر زور دیا کہ وہ ایران پر اپنا اثر و رسوخ استعمال کرتے ہوئے تہران کی قیادت کو امریکہ کے ساتھ ایک معاہدے تک پہنچنے پر آمادہ کرے۔
ٹرمپ، جو مشرق وسطیٰ کے تین ممالک کے دورے پر ہیں، نے یہ اپیل قطر کے امیر شیخ تمیم بن حمد الثانی کی طرف سے اپنے اعزاز میں دیے گئے ایک سرکاری عشائیہ کے دوران کی۔ قطر نے گزشتہ برسوں سے امریکہ اور ایران کے درمیان ثالث کا کردار ادا کیا ہے۔
ٹرمپ نے رسمی عشائیہ میں تقریر کے دوران کہا کہ مجھے امید ہے کہ آپ ایران کی صورتحال میں میری مدد کر سکتے ہیں۔
"یہ ایک خطرناک صورتحال ہے، اور ہم صحیح کام کرنا چاہتے ہیں۔""ٹرمپ نے ریاض میں خلیج تعاون کونسل کے رہنماؤں سے بھی کہا کہ وہ ایک معاہدے کے لیے تیار ہیں، لیکن اصرار کیا کہ ایران کو مستقبل کے کسی بھی معاہدے کے حصے کے طور پر پورے خطے میں پراکسی گروپوں کی حمایت کو روکنا چاہیے۔
امریکہ اور ایران نے 2015 میں صدر براک اوباما کی انتظامیہ کے دوران ایک جوہری معاہدہ کیا تھا، جس میں ایران نے اپنے یورینیم کے ذخیرے کو بڑی حد تک کم کرنے اور صرف 3.
امریکہ اور ایران نے ملک کے جوہری پروگرام کے بارے میں گزشتہ ماہ کے اوائل سے چار دور کی بات چیت کی ہے۔ ٹرمپ نے ایک معاہدے تک پہنچنے کے بارے میں امید کا اظہار کیا ہے، حالانکہ انہوں نے متنبہ کیا ہے کہ یہ موقع بہت زیادہ دیر تک باقی نہیں رہ سکتا۔
ایرانی اور یورپی سفارت کاروں کی ملاقاتایرانی وزیرِ خارجہ عباس عراقچی نے بدھ کے روز کہا ہے کہ دو مئی کو طے شدہ ملاقات ملتوی ہونے کے بعد ایران جمعے کو یورپی فریقوں کے ساتھ اپنے جوہری معاہدے کے لیے استنبول میں مذاکرات کرے گا۔
خبر رساں ادارے روئٹرز نے قبل ازیں اطلاع دی تھی کہ ایرانی نائب وزیرِ خارجہ فرانسیسی، برطانوی اور جرمن سفارت کاروں سے بات چیت برقرار رکھنے اور اس بات پر تبادلہ خیال کرنے کی غرض سے ملاقات کریں گے کہ وہ تہران اور واشنگٹن کے درمیان ہونے والے ممکنہ نئے جوہری معاہدے کے معیارات کا کیا تصور رکھتے ہیں۔
عراقچی نے کہا کہ 11 مئی کو منعقدہ ایران-امریکہ مذاکرات کا چوتھا دور "مشکل" تھا کیونکہ ان کی توجہ افزودگی کے متنازعہ مسئلے پر تھی۔ انہوں نے مزید یہ امید ظاہر کی کہ ایران کا بنیادی موقف بہتر طور پر سمجھنے کے بعد دوسرے فریق کا طرز عمل "زیادہ حقیقت پسندانہ" ہو گا۔
ادارت: صلاح الدین زین
ذریعہ: UrduPoint
کلیدی لفظ: تلاش کیجئے جوہری معاہدے امریکہ کے معاہدے کے کہ ایران کے ساتھ کے لیے نے کہا کہا کہ
پڑھیں:
ایران: بھارتی شہریوں کے لیے ویزہ فری انٹری بند کرنے کا اعلان
data-id="863a0a8" data-element_type="widget" data-widget_type="theme-post-content.default">
ایران کی جانب سے بھارتی شہریوں کیلئے ویزا فری انٹری بند کرنے کا اعلان کر دیا گیا۔
عالمی میڈیا رپورٹ کے مطابق بھارت اور ایران کے درمیان سفری قواعد میں تبدیلی کی گئی ہے، ایران نے بھارتی شہریوں کو ویزا فری انٹری کی سہولت بند کرنے کا فیصلہ کیا ہے۔
ایران نے یہ اقدام متعدد ایسے واقعات سامنے آنے کے بعد کیا ہے جن میں بھارت کے شہریوں کو ملازمت کے جھوٹے وعدوں یا بذریعہ ڈنکی دوسرے ممالک تک آگے لے جانے کے بہانے ایران بلایا گیا۔
ایران پہنچنے کے بعد ان میں سے بہت سے افراد کو اغوا کرکے تاوان کا مطالبہ کیا گیا، بھارت کی وزارت خارجہ کا کہنا ہے کہ ایسے واقعات سامنے آنے کے بعد ایران نے عام بھارتی پاسپورٹ رکھنے والے مسافروں کیلئے دستیاب ویزا چھوٹ کی سہولت 22 نومبر سے معطل کر دی۔
بھارت کی وزارت خارجہ نے دعویٰ کرتے ہوئے کہا ہے کہ ایران کی جانب سے یہ اقدام جرائم پیشہ عناصر کی جانب سے اس سہولت کے مزید غلط استعمال کو روکنے کے لئے اٹھایا گیا ہے۔
اب 22 نومبر سے عام بھارتی پاسپورٹ کے حامل تمام افراد کو ایران جانے یا وہاں سے گزر کر تیسرے ملک جانے کے لئے پہلے ویزا حاصل کرنا لازمی ہو گا۔
90 کروڑ کا محض ایک سین جو فلم کا حصہ بھی نہ بن سکا، یہ فلم کونسی تھی؟