کوٹ ادو، ایم ڈبلیو ایم کوٹ ادو کے ضلعی صدرعمر خان مشوری شیعہ علماء کونسل میں شامل
اشاعت کی تاریخ: 15th, May 2025 GMT
واضح رہے عمر خان مشوری ایڈووکیٹ اس سے پہلے مجلس وحدت مسلمین ضلع کوٹ ادو کے موجودہ ضلعی صدر تھے۔ عمر خان مشوری پیشے کے اعتبار سے وکیل ہیں اور کوٹ ادو میں مذہبی حلقوں میں پہچان رکھتے ہیں۔ اسلام ٹائمز۔ مجلس وحدت مسلمین کوٹ ادو کے ضلعی صدر عمر خان مشوری ایڈووکیٹ شیعہ علماء کونسل میں شامل ہوگئے، شیعہ علماء کونسل جنوبی پنجاب کے صوبائی صدر علامہ عامر عباس ہمدانی کی مشاورت سے اُنہیں ڈیرہ غازیخان ڈویژن کا ڈویژنل جنرل سیکرٹری نامزد کیا گیا، نامزد ڈویژنل جنرل سیکرٹری سے صوبائی جنرل سیکرٹری شیعہ علماء کونسل جنوبی پنجاب سید نیئر عباس کاظمی ایڈووکیٹ نے حلف لیا، واضح رہے عمر خان مشوری ایڈووکیٹ اس سے پہلے مجلس وحدت مسلمین ضلع کوٹ ادو کے موجودہ ضلعی صدر تھے۔ عمر خان مشوری پیشے کے اعتبار سے وکیل ہیں اور کوٹ ادو میں مذہبی حلقوں میں پہچان رکھتے ہیں۔
.ذریعہ: Islam Times
پڑھیں:
خودکشی کی روک تھام کیلئے سکردو میں علماء، عمائدین اور سرکاری حکام کا اجلاس
اجلاس کے اختتام پر ڈپٹی کمشنر سکردو نے تمام متعلقہ محکموں کے آفیسران سے کہا کہ خودکشی کی روک تھام کے لئے جامع آگاہی سیشن، سکولوں اور کالجوں میں آگاہی پروگرام، کمیونٹی سطح پر رہنمائی اور علماء کرام کے ذریعے شرعی نقطہ نظر سے آگاہی پروگرام ترتیب دیں۔ اسلام ٹائمز۔ خودکشی کی روک تھام کے اقدامات کا جائزہ لینے کیلئے سکردو میں تمام مکاتب فکر کے علماء کرام، ضلعی امن کمیٹی کے ممبران، ایس ایس پی سکردو، محکمہ صحت کے ماہر ڈاکٹرز، محکمہ تعلیم کے آفیسران اور نجی اداروں کے سربراہان کا اجلاس کمیٹی کے چیئرمین ڈپٹی کمشنر سکردو حمزہ مراد کی صدارت میں ہوا۔ اجلاس کے دوران ریجنل ہیڈ کوارٹر ہسپتال سکردو کی ماہر امراض نفسیات ڈاکٹر شاہدہ نے معاشرے میں خود کشی کے اسباب اور اس کی روک تھام کے طریقوں سے متعلق تفصیلی بریفنگ دی۔ انہوں نے کہا کہ خود کشی کی وجوہات میں ذہنی یا گھریلو دباؤ، خاندانی تنازعات، معاشرتی رویوں، سماجی تنہائی اور کمزور سپورٹ سسٹم جیسے عوامل شامل ہیں۔ نوجوانوں میں بڑھتے ہوئے رجحان کے سدباب کے لئے والدین، اساتذہ، علماء کرام اور میڈیا کو اپنا کردار ادا کرنا ہو گا۔
انہوں نے ذہنی صحت سے متعلق آگاہی بڑھانے، بروقت کونسلنگ اور معاونت کے نظام کو فعال بنانے کی سفارش کی۔ اس موقع پہ شرکاء جن میں علماء کرام، میڈیا کے نمائندے، ماہرین تعلیم، پولیس حکام شامل تھے نے خود کشی کے عوامل اور روک تھام کے طریقوں سے متعلق اپنی آراء سے اجلاس کو آگاہ کیا۔ اجلاس کے اختتام پر ڈپٹی کمشنر سکردو نے تمام متعلقہ محکموں کے آفیسران سے کہا کہ خودکشی کی روک تھام کے لئے جامع آگاہی سیشن، سکولوں اور کالجوں میں آگاہی پروگرام، کمیونٹی سطح پر رہنمائی اور علماء کرام کے ذریعے شرعی نقطہ نظر سے آگاہی پروگرام ترتیب دیں۔ ڈپٹی کمشنر نے تمام معزز علماء کرام سے اپیل کی کہ جمعہ کے خطبات میں خودکشی کی روک تھام، اسلامی تعلیمات، شرعی نقطہ نظر کی وضاحت سے متعلق عوام الناس کو آگاہی فراہم کی جائے۔
وزیراعلیٰ پنجاب مریم نواز کلائمٹ چینج واریئر قرار