پاک فضائیہ کے سربراہ ایئر چیف مارشل ظہیر احمد بابر صدیق کی اسکواڈرن لیڈر عثمان یوسف شہید کے گھر آمد، لواحقین سے تعزیت
اشاعت کی تاریخ: 19th, May 2025 GMT
پاک فضائیہ کے سربراہ ایئر چیف مارشل ظہیر احمد بابر صدیق نے راولپنڈی میں شہید اسکواڈرن لیڈر عثمان یوسف شہید کے رہائش گاہ کا دورہ کرکے فاتحہ پڑھی اور غمزدہ خاندان سے تعزیت کا اظہار کریں۔
ایئر چیف نے شہید اسکواڈرن لیڈر عثمان یوسف شہید کو بھرپور خراج عقیدت پیش کیا، جنہوں نے حالیہ بھارتی جارحیت کے دوران ایک حملے میں اپنے فرض کی ادائیگی کے دوران شہادت کا رتبہ حاصل کیا تھا۔
یہ بھی پڑھیے: آرمی چیف کے ہمراہ وزیر اعظم شہباز شریف کا سی ایم ایچ راولپنڈی کا دورہ، زخمیوں کی عیادت کی
چیف آف ایئر اسٹاف نے شہید کے خاندان کو یقین دلایا کہ ہمارے شہدا کی خدمات اور قربانیاں ہمیشہ قوم کی یادداشت میں نقش رہیں گی اور ان کو احترام کے ساتھ یاد کیا جائے گا۔
انہوں نے شہید کے درجات کی بلندی اور لواحقین کے صبر جمیل کے لیے دعا کی۔
بعد ازاں، ایئر چیف مارشل ظہیر احمد بابر صدیق نے سی ایم ایچ راولپنڈی کا دورہ کیا، جہاں انہوں نے بھارتی جارحیت میں زخمی ہونے والے پاک ایئر فورس اور پاک آرمی کے جوانوں اور شہریوں سے ملاقات کی۔
یہ بھی پڑھیے: بولاری ایئر بیس میزائل حملہ اور اسکوارڈن لیڈر عثمان یوسف کی شہادت
انہوں نے زخمیوں کی عیادت کی اور ان کے حوصلے اور عزم کو سراہا۔ انہوں نے اسپتال کے عملے کو ہدایت دی کہ زخمی افراد کو بہترین طبی سہولیات اور انتظامی معاونت فراہم کی جائے۔
اس موقع پر چیف آف ایئر اسٹاف نے پاکستان کی فضائی سرحدوں کے دفاع اور پاک فوج کی دلیری اور فرض شناسی کی روایت کو قائم رکھنے کے عزم کا اعادہ کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ISPR اسکواڈرن لیڈر عثمان شہید ایئرچیف پاک فضائیہ.ذریعہ: WE News
کلیدی لفظ: اسکواڈرن لیڈر عثمان شہید ایئرچیف پاک فضائیہ اسکواڈرن لیڈر عثمان لیڈر عثمان یوسف انہوں نے ایئر چیف شہید کے
پڑھیں:
فیلڈ مارشل نےبھارت کیخلاف لیڈرشپ دکھائی، ڈیفنس چیف کےلیےان سے اچھا کون ہوسکتا ہے، مریم نواز
وزیر اعلیٰ پنجاب مریم نواز نے کہا ہے کہ فیلڈ مارشل سید عاصم منیر نے بھارت کیخلاف جنگ میں وارٹائم لیڈرشپ دکھائی، چیف آف ڈیفنس کے عہدے کے لیے ان سے اچھا کون ہوسکتا ہے۔
مسلم لیگ (ن) کے آفیشل ایکس پیج پر جاری کردہ ویڈیو پیغام کے ساتھ مریم نواز کا حوالہ دیتے ہوئے لکھا گیا کہ ’فیلڈمارشل سید عاصم منیر سے زیادہ اچھی تقرری چیف آف ڈیفنس کے لئے کیا ہوسکتی ہے، انہوں نے بھارت کیساتھ جنگ میں وار ٹائم لیڈر شپ دکھائی۔
فیلڈمارشل سید عاصم منیر سے زیادہ اچھی تقرری چیف آف ڈیفنس کے لئے کیا ہوسکتی ہے،انہوں نے بھارت کیساتھ جنگ میں وار ٹائم لیڈر شپ دکھائی، وزیراعلی پنجاب مریم نواز pic.twitter.com/wtL7LBNcfO
— PMLN (@pmln_org) November 16, 2025
ایک اور پوسٹ میں انہوں نے کسی کا نام لیے بغیر کہا کہ ’میں حلفاً یہ کہہ سکتی ہوں کہ میں نے یا نوازشریف صاحب نے کسی سے کوئی انتقام نہیں لیا، انہوں نے ہم سے انتقام لیا تھا۔ ان سے اس انتقام کا انتقام قدرت نے لیا ہے‘۔
میں حلفاً یہ کہہ سکتی ہوں کہ میں نے یا نوازشریف صاحب نے کسی سے کوئی انتقام نہیں لیا، انہوں نے ہم سے انتقام لیا تھا۔ ان سے اس انتقام کا انتقام قدرت نے لیا ہے۔وزیراعلی پنجاب مریم نوازشریف pic.twitter.com/W1qGOLmaMO
— PMLN (@pmln_org) November 16, 2025
مسلم لیگ ن کے صدر میاں نوازشریف کی قومی اسمبلی آمد