وزیراعظم اور فیلڈ مارشل سید عاصم منیر کا دورہ کوئٹہ ،خودکش حملے میں زخمی بچوں کی عیادت کی
اشاعت کی تاریخ: 22nd, May 2025 GMT
و زیراعظم شہباز شریف اور فیلڈ مارشل سید عاصم منیر نے کوئٹہ کا دورہ کیا اور اسکول بس پر ہونے والے خودکش حملے میں زخمی بچوں کی عیادت کی۔ اس موقع پر وزیراعظم نے کہا کہ حملے میں زخمی آٹھ بچوں کی حالت تشویشناک ہے۔ بلوچ و پشتون عوام نے دہشتگردی کو مسترد کر دیا ہے۔ انہوں نے کہا کہ دہشتگردی کے خلاف فیصلہ کن جنگ لڑنے کا وقت آ گیا ہے، دہشتگردوں کو جلد انجام تک پہنچایا جائے گا۔ کور کمانڈر بلوچستان نے وزیر اعظم، آرمی چیف اور وفد کو بزدلانہ حملہ بارے مفصل بریفنگ دی۔ وزیراعظم، وفاقی وزرائ، فیلڈ مارشل سید عاصم منیر نے معصوم جانوں کے ضیاع پر افسوس کا اظہار کیا۔ وزیراعظم شہباز شریف، فیلڈ مارشل سید عاصم منیر نے سی ایم ایچ کوئٹہ میں خضدار بس دھماکے میں زخمی ہونے والے بچوں اور دیگر متاثرین کی عیادت کی۔ اس موقع پر وزیر دفاع خواجہ آصف،وزیر داخلہ محسن نقوی،وزیر اطلاعات عطا تارڑ اور وزیراعلی بلوچستان سرفراز بگٹی بھی ہمراہ تھے۔ وزیراعظم نے کہا کہ آج بلوچستان کے علاقے خضدار میں بزدلانہ دہشتگردی کے واقعے میں معصوم بچوں کو لے جانے والی سکول بس کو نشانہ بنایا گیا۔ حملے میں 3معصوم بچوں اور 2 فوجی جوانوں نے جامِ شہادت نوش کیا، حملے میں 39بچوں سمیت 53افراد زخمی ہوئے ۔شہباز شریف نے کہا کہ بھارتی پراکسیز کے ذریعے پاکستان کو غیر مستحکم کرنے کی مذموم کوشش ناکام ہوگی، پوری قوم سیکیورٹی فورسز کے شانہ بشانہ کھڑی ہے۔ اب بھارت نے بلوچستان اور خیبر پختونخوا میں اپنے ایجنٹوں کے ذریعے دہشت گردانہ کارروائیاں تیز کر دی ہیں۔انہوں نے کہا کہ حملے میں زخمی آٹھ بچوں کی حالت تشویشناک ہے۔ بلوچ و پشتون عوام نے دہشتگردی کو مسترد کر دیا ہے۔ انہوں نے کہا کہ دہشتگردی کے خلاف فیصلہ کن جنگ لڑنے کا وقت آ گیا ہے، دہشتگردوں کو جلد انجام تک پہنچایا جائے گا۔ فیلڈ مارشل سید عاصم منیر نے کہا کہ بچوں پر حملہ بھارتی سرپرستی میں کیا گیا، بھارت کی ریاستی پالیسی کے تحت پراکسیز کا استعمال قابل مذمت ہے۔ اس موقع پر موجود وفاقی وزرا نے کہا کہ بھارت خطے میں عدم استحکام کا مرکز بن چکا ہے، اور اس کا اصل چہرہ دنیا کے سامنے بے نقاب ہو چکا ہے۔وفاقی وزرا ء نے کہا کہ دہشتگردی کے سہولت کاروں اور مجرموں کو انصاف کے کٹہرے میں لایا جائے گا۔ واضح رہے کہ آج بلوچستان کے ضلع خضدار میں اسکول کے بچوں کو لے کر جانے والی بس پر خودکش حملے کے نتیجے میں 3طالبات سمیت 5 افراد شہید اور 53خمی ہوگئے۔ ڈپٹی کمشنر (ڈی سی) خضدار نے بتایا کہ ابتدائی تحقیقات میں معلوم ہوا ہے کہ اسکول بس میں دھماکا خود کش بمبار کی جانب سے خود کو اڑانے کے بعد ہوا جس میں اسکول بس میں سوار 3بچے شہید ہوئے۔ ذرائع کے مطابق بعض زخمی بچوں کی حالت تشویشناک ہے، شہید ہونے والی طالبات میں چھٹی جماعت کی ثانیہ سومرو، ساتویں جماعت کی حفظہ کوثر اور دسویں جماعت کی عیشا سلیم شامل ہیں۔ دریں اثنا ذرائع کے مطابق وزیر اعظم شہباز شریف کوئٹہ سے واپس اسلام آباد پہنچ گئے، شہباز شریف نے خضدار بس حملے کے بعد کوئٹہ جانے کا فیصلہ کیا تھا، وزیر اعظم کے ساتھ فیلڈ مارشل سید عاصم منیر اور کابینہ اراکین بھی تھے۔
.ذریعہ: Nawaiwaqt
کلیدی لفظ: فیلڈ مارشل سید عاصم منیر نے حملے میں زخمی دہشتگردی کے شہباز شریف نے کہا کہ بچوں کی
پڑھیں:
خضدار میں اسکول وین پر خودکش دھماکا، 4 بچے جاں بحق، 38 زخمی
بلوچستان کے ضلع خضدار میں بدھ کی صبح ایک المناک سانحہ پیش آیا، جہاں زیرو پوائنٹ کے مقام پر اسکول جانے والے بچوں کی وین کے قریب خودکش دھماکا ہوا، جس کے نتیجے میں 4 معصوم بچے جاں بحق اور 38 زخمی ہو گئے۔
ڈپٹی کمشنر خضدار، یاسر دشتی نے وی نیوز کو تصدیق کی کہ دھماکا خودکش حملہ تھا، واقعے کی نوعیت اور دیگر پہلوؤں پر مزید تحقیقات جاری ہیں۔
واقعے کے فوراً بعد امدادی ٹیمیں اور سیکیورٹی فورسز جائے وقوعہ پر پہنچیں اور زخمیوں کو فوری طور پر کمبائنڈ ملٹری اسپتال (سی ایم ایچ) خضدار منتقل کیا گیا۔ اسپتال ذرائع کے مطابق زخمیوں میں سے 2 بچوں کی حالت نازک ہے۔
مزید پڑھیں: بھارتی انتہاپسندوں کا بلوچستان میں مداخلت کا بڑا ثبوت سامنے آگیا
سیکیورٹی حکام نے علاقے کو گھیرے میں لے کر شواہد اکٹھے کرنے کا عمل شروع کر دیا ہے، جبکہ جائے وقوعہ سے کچھ مشتبہ مواد بھی برآمد کیا گیا ہے، جسے فرانزک تجزیے کے لیے بھیجا جا رہا ہے۔
ابتدائی اطلاعات کے مطابق، دھماکا اس وقت ہوا جب بچوں کو اسکول لے جانے والی وین زیرو پوائنٹ کے قریب پہنچی۔ عینی شاہدین کے مطابق، دھماکا انتہائی زور دار تھا، جس سے قریبی عمارتوں کے شیشے بھی ٹوٹ گئے اور علاقے میں افراتفری مچ گئی۔
دھماکے کے بعد خضدار شہر کی فضا سوگوار ہے اور شہریوں میں خوف و ہراس پھیل گیا ہے۔ تعلیمی اداروں میں تعطیل کا اعلان کر دیا گیا ہے۔ ابھی تک کسی گروپ نے حملے کی ذمہ داری قبول نہیں کی، تاہم قانون نافذ کرنے والے ادارے ہر زاویے سے تحقیقات کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
4 بچے شہید اسکول بس بلوچستان خضدار خودکش دھماکا
ہمارے شاہینوں نے دشمن پر کاری ضربیں لگائیں؛ وزیر اعظم شہباز شریف