پانی ہماری لائف لائن ہے، اس پر کسی لچک کا مظاہرہ نہیں کریں گے، میاں معین وٹو
اشاعت کی تاریخ: 24th, May 2025 GMT
وفاقی وزیر آبی وسائل کا لاہور میں تقریب سے خطاب میں کہنا تھا کہ ہم انڈس واٹر ٹریٹی کو استعمال کرتے ہوئے ہم معاملے کو بین الاقوامی سطح پر اٹھائیں گے، اس وقت تمام دریاوں میں پانی کا بہاو نارمل ہے، دریائے جہلم میں دو دن کیلئے پانی روکا گیا تھا، انڈیا کی نیت پاکستانی پانی پر ٹھیک نہیں اور وہ کوئی بھی انتہائی قدم اٹھا سکتا ہے۔ اسلام ٹائمز۔ انسٹی ٹیوٹ آف انٹرنیشنل ریلیشنز اینڈ میڈیا ریسرچ کے زیراہتمام 'انڈس واٹر ٹریٹی کی معطلی کے پاکستان پر اثرات' کے عنوان سے سیمینار کا انعقاد کیا گیا۔ وفاقی وزیر آبی وسائل میاں معین وٹو، سابق وزیر خزانہ پنجاب محسن لغاری، سینئر صحافی مجیب الرحمن شامی، سینئر صحافی سہیل وڑائچ، چیئرمین آئی آئی آر ایم آر سید محمد مہدی سمیت آبی ماہرین نے شرکت کی۔ سیمینار سے خطاب کرتے ہوئے وفاقی وزیر برائے آبی وسائل میاں معین وٹو نے کہاکہ حکومت کو آبی معاملات سے متعلق مسائل کے حل کی فکر ہے۔ انڈس واٹر ٹریٹی ابھی تک موجود ہے، انڈس واٹر ٹریٹی پر بھارت نے دوہزار چوبیس میں خط لکھا کہ ٹریٹی پر نظرثانی کرنے کی ضرورت ہے، انڈس ٹریٹی واٹر کمیشن کے تحت کسی بھی مسئلہ پر دونوں ملک مل بیٹھ کر بات کریں گے۔ انڈیا نے آٹھ اپریل کو خط لکھا کہ مسئلے کے حل کیلئے بیٹھنے کی ضرورت ہے، انڈیا یک طرفہ طور پر اس معاہدے کو معطل نہیں کر سکتا۔ وفاقی وزیر نے کہا کہ ہم نے انڈیا کو لکھا ہے کہ آئیں مل بیٹھ کر بات کریں، انڈیا نے ابھی تک ہماری آفر کا جواب نہیں دیا ہے۔
وفاقی وزیر برائے آبی وسائل میاں معین وٹو نے کہا کہ پانی ہماری لائف لائن ہے اور اس مسئلے پر ہم کسی لچک کا مظاہرہ نہیں کریں گے، ہم انڈس واٹر ٹریٹی کو استعمال کرتے ہوئے ہم معاملے کو بین الاقوامی سطح پر اٹھائیں گے، اس وقت تمام دریاوں میں پانی کا بہاو نارمل ہے، دریائے جہلم میں دو دن کیلئے پانی روکا گیا تھا، انڈیا کی نیت پاکستانی پانی پر ٹھیک نہیں اور وہ کوئی بھی انتہائی قدم اٹھا سکتا ہے۔ انہوں نے کہا ہم انڈیا کی آبی جارحیت کو روکنے کیلئے کسی بھی سطح تک جا سکتے ہیں، ہم اپنا حق استعمال کرنے میں حق بجانب بھی ہونگے۔ وفاقی وزیر نے کہا کہ ہم صوبوں کے درمیان پانی کے مسئلے کو حل کرنے کے لئے ایک ٹیکنیکل کمیٹی قائم کر رہے ہیں، ہم اتنا کمزور ملک نہیں کہ کسی بھی سطح پر اپنا دفاع نہ کر سکیں، ہمیں انڈیا کے ساتھ تنازعے میں ہر فورم پر فتح ہوئی ہے، انڈیا چاہے بھی تو اگلے دو سال تک ہمارا پانی نہیں روک سکتا۔ انہوں نے کہا کہ ہم پانی کے مسئلے کو ہنگامی بنیادوں پر حل کرنے کی کوشش کر رہے ہیں۔
سینئر سیاستدان محسن لغاری نے کہا کہ آبی وسائل کے معاملات کو جوش کے بجائے ہوش سے آگے بڑھانا ہوگا، 1948 میں بھارت نے پاکستان کا پانی بند کر دیا، جس کے بعد انڈس واٹر ٹریٹی بنی۔ انڈس واٹر ٹریٹی ختم کرنا عالمی معاہدوں کیلئے خطرناک مثال ہوگی۔ سینئر صحافی مجیب الرحمن شامی نے کہا کہ پاکستان اور بھارت کے پانی کے علاوہ بھی کافی ایشوز حل طلب ہیں، پانی کا ایشو تو انڈس واٹر ٹریٹی کے بعد حل ہوگیا تھا، پھر سے حل ہوئے ایشوز کو دوبارہ جنم نہیں لینا چاہیے۔ انہوں نے کہا کہ آئیڈیل تو دونوں ممالک کیلئے یہی ہے۔ انہوں نے کہا کہ بھارتی آبی جارحیت دونوں ممالک کیلئے مزید مشکلات پیدا کرے گی۔ سینئر صحافی سہیل وڑائچ نے کہاکہ پانی کے مسائل پر پہلے اندرونی طور پر تمام معاملات کو حل کرنا ہوگا، جبکہ غداری کے فتوے دینا بند کرنا ہونگے، کسی کو دوسرے کی حب الوطنی پر شک نہیں ہونا چاہیے۔
ماہرین آبی امور کا کہنا تھاکہ پاکستان کو سمندر میں گرنے والے پانی کو استعمال میں لانے اشد ضرورت ہے، پانی کے مسئلے پر اندرونی معاملات کو فی الفور ختم ہونا چاہیے، بھارت ضائع ہونیوالے پانی کو جواز بنا کر استعمال کرنے کا دعویٰ دار بنتا ہے پاکستان کو انڈس واٹر ٹریٹی کا ایشو پر ہر عالمی فورم پر اٹھانا چاہیے۔ سیمینار میں چیئرمین انسٹیٹیوٹ آف انٹرنیشنل ریلیشنز اینڈ میڈیا ریسرچ سید محمد مہدی، ایگزیکٹو ڈائریکٹر آئی آئی آر ایم آر یاسر حبیب خان، سینئر صحافی ذوالفقار مہتو، ڈائریکٹر ارسا امجد سعید سمیت دیگر نے اظہار خیال کی۔
ذریعہ: Islam Times
کلیدی لفظ: انڈس واٹر ٹریٹی میاں معین وٹو انہوں نے کہا سینئر صحافی وفاقی وزیر نے کہا کہ پانی کے
پڑھیں:
دہشتگردی پاکستان کیلئے ریڈ لائن ، اسپر کوئی سمجھوتہ نہیں ہو گا، بیرسٹر دانیال
اسلام آباد(نمائندہ اوصاف)وفاقی پارلیمانی سیکرٹری برائے اطلاعات و نشریات بیرسٹر دانیال چوہدری نے کہا ہے کہ وکلا برادری جمہوری اقدار کے فروغ، قانون کی بالادستی اور انصاف کی فراہمی میں ریڑھ کی ہڈی کی حیثیت رکھتی ہے دہشت گردی پاکستان کے لیے ایک ریڈ لائن ہے اور اس پر کوئی سمجھوتہ نہیں کیا جائے گا۔جوڈیشل کمپلیکس راولپنڈی کے باہر میڈیا سے گفتگو کرتے ہوئے بیرسٹر دانیال چوہدری نے کہا کہ پنجاب بار کونسل کے انتخابات انتہائی اہم ہیں جن کے نتائج نہ صرف وکلا برادری بلکہ ملک کے عدالتی و قانونی نظام پر بھی گہرے اثرات مرتب کریں گے۔انہوں نے کہا کہ حالیہ سپریم کورٹ بار ایسوسی ایشن کے انتخابات میں وہی پینل کامیاب ہوا جسے حکومتی حمایت حاصل تھی جو اس امر کا ثبوت ہے کہ وکلا استحکام، انصاف اور قانون کی بالادستی پر یقین رکھتے ہیں۔انہوں نے توقع ظاہر کی کہ پنجاب بار کونسل کے انتخابات میں بھی وہ امیدوار کامیاب ہوں گے جو عدلیہ کی آزادی، قانون کی حکمرانی اور ملک میں امن و امان کے قیام کے لیے سرگرم کردار ادا کر رہے ہیں۔انہوں نے کہا کہ نئی قیادت انصاف کے فروغ، وکلا کے مسائل کے حل اور پاکستان کی ترقی میں فعال کردار ادا کرے گی۔افغانستان کی صورتحال پر بات کرتے ہوئے وفاقی پارلیمانی سیکرٹری نے بتایا کہ حکومت پاکستان نے افغان حکام کے ساتھ تین تفصیلی مذاکرات کیے ہیں جن میں دہشت گردی کے خاتمے اور امن کے فروغ پر تبادلہ خیال ہوا۔
انہوں نے واضح کیا کہ دہشت گردی پاکستان کے لیے ایک ریڈ لائن ہے اور اس پر کوئی سمجھوتہ نہیں کیا جائے گا۔بیرسٹر دانیال چوہدری نے کہا کہ پاکستان کے خلاف بھارتی پراکسی اور دہشت گردی کی کارروائیاں ناقابل قبول ہیں۔ پاکستان اپنی سرزمین پر کسی بھی دہشت گردی کے اقدام کو برداشت نہیں کرے گا اور مؤثر جواب دیا جائے گا۔انہوں نے کہا کہ پاکستان کا استحکام مودی سرکار کے لیے ناقابل برداشت ہے، لیکن پاکستان ترقی کی راہ پر گامزن ہے اور اپنے دشمنوں کے عزائم ناکام بنائے گا۔
بیرسٹر دانیال چوہدری نے کہا کہ پاکستان شروع سے ہی فلسطینی عوام، خصوصاً غزہ کے مظلوم بچوں کے ساتھ کھڑا ہے۔حکومت، افواج اور عوام سب فلسطینی بھائیوں کے حامی ہیں اور ان کی حمایت جاری رکھیں گے۔ راولپنڈی میں ترقیاتی منصوبوں کے حوالے سے بیرسٹر دانیال چوہدری نے بتایا کہ کچہری چوک کا طویل عرصے سے رکا ہوا بڑا منصوبہ دوبارہ شروع کیا جا رہا ہے، جو دو دہائیوں سے التوا کا شکار تھا۔ انہوں نے کہا کہ وکلا کے لیے دو پارکنگ پلازے اور نئے چیمبرز کی تعمیر کے منصوبے بھی شامل ہیں۔انہوں نے بتایا کہ شہری سہولت کے لیے سگنل فری روڈ کی تعمیر پر بھی کام جاری ہے جس سے ٹریفک کے نظام میں بہتری آئے گی۔
انہوں نے کہا کہ جب مسلم لیگ (ن) نے حکومت سنبھالی تو ملک شدید بحران کا شکار تھا مگر وزیر اعظم شہباز شریف کی قیادت میں پاکستان نہ صرف معاشی استحکام حاصل کر رہا ہے بلکہ عالمی سطح پر اپنی ساکھ بھی بحال کر رہا ہے۔ آج پاکستان ترقی، امن اور استحکام کی راہ پر گامزن ہے۔انہوں نے کہا کہ ملک میں جب بھی کارکردگی کا جائزہ لیا جاتا ہے تو پنجاب حکومت ہمیشہ دیگر صوبوں سے آگے نظر آتی ہے۔مسلم لیگ (ن) نے صحت، تعلیم، اسپتالوں کی تعمیر و توسیع اور عوامی فلاحی منصوبوں میں ہمیشہ نمایاں کارکردگی دکھائی ہے۔بیرسٹر دانیال چوہدری کا کہنا تھا کہ مسلم لیگ (ن) عوام کی خدمت کے عزم پر قائم ہے اور وزیر اعظم شہباز شریف کی قیادت میں پاکستان ترقی، انصاف اور قانون کی بالادستی کی نئی مثال قائم کرے گا۔
پرنس اینڈریو کے جرائم پیشہ لوگوں سے تعلقات اور جنسی زیادتیاں، شاہی محل میں تنازع شدت اختیار کر گیا