پانی ہماری لائف لائن ہے، اس پر کسی لچک کا مظاہرہ نہیں کریں گے، میاں معین وٹو
اشاعت کی تاریخ: 24th, May 2025 GMT
وفاقی وزیر آبی وسائل کا لاہور میں تقریب سے خطاب میں کہنا تھا کہ ہم انڈس واٹر ٹریٹی کو استعمال کرتے ہوئے ہم معاملے کو بین الاقوامی سطح پر اٹھائیں گے، اس وقت تمام دریاوں میں پانی کا بہاو نارمل ہے، دریائے جہلم میں دو دن کیلئے پانی روکا گیا تھا، انڈیا کی نیت پاکستانی پانی پر ٹھیک نہیں اور وہ کوئی بھی انتہائی قدم اٹھا سکتا ہے۔ اسلام ٹائمز۔ انسٹی ٹیوٹ آف انٹرنیشنل ریلیشنز اینڈ میڈیا ریسرچ کے زیراہتمام 'انڈس واٹر ٹریٹی کی معطلی کے پاکستان پر اثرات' کے عنوان سے سیمینار کا انعقاد کیا گیا۔ وفاقی وزیر آبی وسائل میاں معین وٹو، سابق وزیر خزانہ پنجاب محسن لغاری، سینئر صحافی مجیب الرحمن شامی، سینئر صحافی سہیل وڑائچ، چیئرمین آئی آئی آر ایم آر سید محمد مہدی سمیت آبی ماہرین نے شرکت کی۔ سیمینار سے خطاب کرتے ہوئے وفاقی وزیر برائے آبی وسائل میاں معین وٹو نے کہاکہ حکومت کو آبی معاملات سے متعلق مسائل کے حل کی فکر ہے۔ انڈس واٹر ٹریٹی ابھی تک موجود ہے، انڈس واٹر ٹریٹی پر بھارت نے دوہزار چوبیس میں خط لکھا کہ ٹریٹی پر نظرثانی کرنے کی ضرورت ہے، انڈس ٹریٹی واٹر کمیشن کے تحت کسی بھی مسئلہ پر دونوں ملک مل بیٹھ کر بات کریں گے۔ انڈیا نے آٹھ اپریل کو خط لکھا کہ مسئلے کے حل کیلئے بیٹھنے کی ضرورت ہے، انڈیا یک طرفہ طور پر اس معاہدے کو معطل نہیں کر سکتا۔ وفاقی وزیر نے کہا کہ ہم نے انڈیا کو لکھا ہے کہ آئیں مل بیٹھ کر بات کریں، انڈیا نے ابھی تک ہماری آفر کا جواب نہیں دیا ہے۔
وفاقی وزیر برائے آبی وسائل میاں معین وٹو نے کہا کہ پانی ہماری لائف لائن ہے اور اس مسئلے پر ہم کسی لچک کا مظاہرہ نہیں کریں گے، ہم انڈس واٹر ٹریٹی کو استعمال کرتے ہوئے ہم معاملے کو بین الاقوامی سطح پر اٹھائیں گے، اس وقت تمام دریاوں میں پانی کا بہاو نارمل ہے، دریائے جہلم میں دو دن کیلئے پانی روکا گیا تھا، انڈیا کی نیت پاکستانی پانی پر ٹھیک نہیں اور وہ کوئی بھی انتہائی قدم اٹھا سکتا ہے۔ انہوں نے کہا ہم انڈیا کی آبی جارحیت کو روکنے کیلئے کسی بھی سطح تک جا سکتے ہیں، ہم اپنا حق استعمال کرنے میں حق بجانب بھی ہونگے۔ وفاقی وزیر نے کہا کہ ہم صوبوں کے درمیان پانی کے مسئلے کو حل کرنے کے لئے ایک ٹیکنیکل کمیٹی قائم کر رہے ہیں، ہم اتنا کمزور ملک نہیں کہ کسی بھی سطح پر اپنا دفاع نہ کر سکیں، ہمیں انڈیا کے ساتھ تنازعے میں ہر فورم پر فتح ہوئی ہے، انڈیا چاہے بھی تو اگلے دو سال تک ہمارا پانی نہیں روک سکتا۔ انہوں نے کہا کہ ہم پانی کے مسئلے کو ہنگامی بنیادوں پر حل کرنے کی کوشش کر رہے ہیں۔
سینئر سیاستدان محسن لغاری نے کہا کہ آبی وسائل کے معاملات کو جوش کے بجائے ہوش سے آگے بڑھانا ہوگا، 1948 میں بھارت نے پاکستان کا پانی بند کر دیا، جس کے بعد انڈس واٹر ٹریٹی بنی۔ انڈس واٹر ٹریٹی ختم کرنا عالمی معاہدوں کیلئے خطرناک مثال ہوگی۔ سینئر صحافی مجیب الرحمن شامی نے کہا کہ پاکستان اور بھارت کے پانی کے علاوہ بھی کافی ایشوز حل طلب ہیں، پانی کا ایشو تو انڈس واٹر ٹریٹی کے بعد حل ہوگیا تھا، پھر سے حل ہوئے ایشوز کو دوبارہ جنم نہیں لینا چاہیے۔ انہوں نے کہا کہ آئیڈیل تو دونوں ممالک کیلئے یہی ہے۔ انہوں نے کہا کہ بھارتی آبی جارحیت دونوں ممالک کیلئے مزید مشکلات پیدا کرے گی۔ سینئر صحافی سہیل وڑائچ نے کہاکہ پانی کے مسائل پر پہلے اندرونی طور پر تمام معاملات کو حل کرنا ہوگا، جبکہ غداری کے فتوے دینا بند کرنا ہونگے، کسی کو دوسرے کی حب الوطنی پر شک نہیں ہونا چاہیے۔
ماہرین آبی امور کا کہنا تھاکہ پاکستان کو سمندر میں گرنے والے پانی کو استعمال میں لانے اشد ضرورت ہے، پانی کے مسئلے پر اندرونی معاملات کو فی الفور ختم ہونا چاہیے، بھارت ضائع ہونیوالے پانی کو جواز بنا کر استعمال کرنے کا دعویٰ دار بنتا ہے پاکستان کو انڈس واٹر ٹریٹی کا ایشو پر ہر عالمی فورم پر اٹھانا چاہیے۔ سیمینار میں چیئرمین انسٹیٹیوٹ آف انٹرنیشنل ریلیشنز اینڈ میڈیا ریسرچ سید محمد مہدی، ایگزیکٹو ڈائریکٹر آئی آئی آر ایم آر یاسر حبیب خان، سینئر صحافی ذوالفقار مہتو، ڈائریکٹر ارسا امجد سعید سمیت دیگر نے اظہار خیال کی۔
ذریعہ: Islam Times
کلیدی لفظ: انڈس واٹر ٹریٹی میاں معین وٹو انہوں نے کہا سینئر صحافی وفاقی وزیر نے کہا کہ پانی کے
پڑھیں:
محمدفاروق فرحان کی وفد کے ہمراہ سی ای او واٹر کارپوریشن سے ملاقات
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) سندھ اسمبلی میں جماعت اسلامی کے پارلیمانی لیڈر محمد فاروق فرحان نے وفد کے ہمراہ سی ای او کراچی واٹر اینڈ سیوریج کارپوریشن اسد اللہ خان سے تفصیلی ملاقات کی ہے۔ پارلیمانی لیڈر کے ہمراہ چیئرمین ٹاؤن میونسپل کارپوریشن ماڈل کالونی ظفر احمد خان اور امیر ضلع ائر پورٹ محمد اشرف بھی موجود تھے۔ محمد فاروق فرحان نے پی ایس 91شاہ فیصل الفلاح رفا ہ عام، جامعہ ملیہ گرین ٹائون کی آبادیوں اور ماڈل کالونی ٹاؤن کے پانی اور سیوریج کے مسائل کو فوری طور پر حل کرنے کے حوالے سے ملاقات کی ہے۔ ملاقات میں پی ایس 91 اور ٹی ایم سی ماڈل کالونی کے پانی و سیوریج کے سنگین مسائل زیرِ بحث آئے۔ سی او او اسد اللہ خان نے منتخب نمائندوں کو پیش آنے والے مسائل کے حل کی یقین دہانی کرائی ہے اور آج بروز بدھ سے ہی فوری طور پر وینچنگ اور لائنوں کی صفائی کا کام شروع کرنے کی یقین دہانی کرائی ہے۔
مظفرآباد، توہیں عدالت پر ڈسٹرکٹ اینڈ سیشن جج کمرہ عدالت سے گرفتار