اسپتالوں کو لوڈشیڈنگ سے استثنیٰ کیلئے کے-الیکٹرک سے بات چیت جاری ہے، میئر کراچی
اشاعت کی تاریخ: 25th, May 2025 GMT
کراچی:
میئر کراچی مرتضیٰ وہاب نے کہا ہے کہ شہر میں جاری بدترین لوڈشیڈنگ کے پیش نظر اسپتالوں کو لوڈ شیڈنگ سے استثنیٰ کے لیے کے-الیکٹر سے بات چیت جاری ہے۔
سوبھراج اسپتال کراچی میں نیونیٹل آئی سی یو کے افتتاح کے موقع میئر کراچی مرتضیٰ وہاب نے کہا ہے کہ اسپتالوں کو لوڈشیڈنگ سے مستثنیٰ قرار دلوانے کے لیے کے-الیکٹرک سے بات چیت جاری ہے۔
مرتضیٰ وہاب نے کہا کہ مستقبل میں بجلی کے بحران سے بچنے کے لیے سولرائزیشن منصوبے پر بھی کام تیز کر دیا گیا ہے۔
کراچی میں جاری طویل دورانیے کی بجلی کی بندش نہ صرف شہریوں کے لیے پریشانی کا باعث بن رہی ہے بلکہ اسپتالوں میں داخل مریضوں کے لیے بھی اذیت بن رہی ہے اور اسی صورت حال کے پیش نظر میئر کراچی نے کے-الیکٹرک سے اسپتالوں کو لوڈشیڈنگ سے استثنیٰ کی بات کی ہے۔
میئر کراچی نے اس موقع پر زور دیا کہ اسپتالوں میں بجلی کی بلا تعطل فراہمی ناگزیر ہے، اور اس کے لیے محکمہ صحت کے ساتھ مل کر کے-الیکٹرک سے مسلسل رابطے میں ہیں تاکہ لوڈشیڈنگ سے استثنیٰ کی لائن حاصل کی جا سکے جبکہ سولر سسٹمز کی تنصیب پر بھی کام ہو رہا ہے۔
وزیر صحت سندھ ڈاکٹر عذرا فضل پیچوہو نے سوبھراج اسپتال میں جدید نوزائیدہ نگہداشت یونٹ کا افتتاح کیا، اس موقع پر سیکریٹری صحت ریحان بلوچ، ایس آئی سی ایچ این کے ایگزیکٹو ڈائریکٹر ڈاکٹر جمال رضا اور سابق نگراں وزیر صحت ڈاکٹر سعد خالد نیاز بھی موجود تھے۔
ڈاکٹر عذرا فضل نے کہا کہ اب سوبھراج اسپتال میں پیدا ہونے والے بچوں کو جناح یا سول اسپتال منتقل کرنے کی ضرورت نہیں ہوگی کیونکہ یہاں جدید سہولیات سے آراستہ آئی سی یو دستیاب ہے، یونٹ میں 25 انکیوبیٹرز اور وینٹی لیٹرز موجود ہیں، جہاں 600 گرام تک کے کم وزن بچے زیرِ علاج ہیں۔
ان کا کہنا تھا کہ کورنگی کے بعد اعظم بستی اور جامشورو میں بھی نیونیٹل یونٹس قائم کیے جا رہے ہیں تاکہ کم وزن بچوں کی اموات میں کمی لائی جا سکے۔
.
ذریعہ
ذریعہ: Express News
کلیدی لفظ: کے الیکٹرک سے اسپتالوں کو لوڈشیڈنگ سے میئر کراچی نے کہا کے لیے
پڑھیں:
خطے میں تنازعات کے پُرامن حل کیلئے کوششیں جاری رکھیں گے: اسحاق ڈار
اسحاق ڈار---فائل فوٹونائب وزیرِ اعظم اسحاق ڈار نے کہا ہے کہ امریکا ایران تنازع میں پاکستان کی ثالثی کوششوں کو یورپی یونین کی جانب سے سراہا گیا ہے، پاکستان خطے میں امن، سفارت کاری اور تنازعات کے پُرامن حل کے لیے اپنی کوششیں جاری رکھے گا۔
یورپی یونین کی رہنما کایا کالاس کے ساتھ مشترکہ پریس کانفرنس میں انہوں نے کہا کہ آخری یورپی یونین وزٹ 7 سال پہلے ہوا تھا، ہم پچھلے سال بھارت پاکستان جنگ اور ایران امریکا تنازع کے دوران قریبی رابطے میں رہے، آج ہم نے مشترکہ طور پر اسٹریٹیجیک مذاکرات کی صدارت کی، ہم نے پچھلے سال نومبر میں مشترکہ اسٹریٹیجیک مذاکرات کیے تھے، امریکا ایران تنازع کے دوران یورپی یونین کے تعاون کا مشکور ہوں۔
اسحاق ڈار نے کہا کہ ہم نے سیکیورٹی ایشوز اور دہشت گردی کے امور پر بھی بات کی، فتنہ الخوارج اور فتنہ الہندوستان کی افغانستان میں موجودگی پر بھی بات کی، پاکستان اور یورپی یونین کے تعلقات میں مثبت پیشرفت جاری ہے، کایا کالاس کا دورہ اس کا واضح ثبوت ہے۔
یورپی یونین کی خارجہ امور اور سیکیورٹی پالیسی کی سربراہ نے امریکا ایران تنازع کے حل کے لیے پاکستان کےثالثی اقدامات کی تعریف کر دی۔
ان کا کہنا ہے کہ پاکستان اور یورپی یونین کے درمیان آٹھواں اسٹریٹجک ڈائیلاگ اعلیٰ ترین ادارہ جاتی مکالمہ ہے، پاکستان اور یورپی یونین کے درمیان تجارت، سرمایہ کاری اور ترقیاتی تعاون کے فروغ پر اتفاق ہوا، جی ایس پی پلس فریم ورک کے تحت پاکستان اور یورپی یونین کا تجارتی تعاون دونوں فریقوں کے لیے فائدہ مند ہے، اسلام آباد میں پاکستان یورپی یونین بزنس فورم کا انعقاد دو طرفہ اقتصادی تعلقات کے فروغ میں اہم پیش رفت ہے۔
نائب وزیرِ اعظم نے کہا کہ مقبوضہ کشمیر تنازع کا حل کشمیری عوام کی خواہشات اور اقوامِ متحدہ کی قراردادوں کے مطابق ہونا چاہیے، انڈس واٹرز معاہدہ برقرار ہے، حالیہ عدالتی فیصلے نے پاکستان کے مؤقف کی تائید کی ہے، افغان سر زمین سے دہشت گرد عناصر کی پاکستان میں کارروائیاں بدستور ہماری بڑی تشویش ہیں، پاکستان اور یورپی یونین نے دو طرفہ تعلقات کو جامع اور باہمی مفاد پر مبنی شراکت داری میں تبدیل کرنے کے عزم کا اعادہ کیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ