نوشکی میں فائرنگ سے پولیو ٹیم کی سکیورٹی پر مامور پولیس اہلکار شہید
اشاعت کی تاریخ: 27th, May 2025 GMT
کوئٹہ:
نوشکی میں نامعلوم ملزمان نے فائرنگ کرکے پولیو ٹیم کی سکیورٹی پر مامور پولیس اہل کار کو شہید کردیا۔
پولیس ذرائع کے مطابق فائرنگ کا واقعہ نوشکی کے علاقے کلی محمد حسنی میں پیش آیا، جس میں گولی لگنے سے ایک پولیس اہل کار زخمی ہوا اور بعد ازاں جانبر نہ ہو سکا۔
ترجمان بلوچستان حکومت نے تصدیق کی ہے کہ نوشکی میں پولیو ٹیم کی سکیورٹی پر فائرنگ سے ایک پولیس اہلکار وحید احمد ولد محمد ہاشم شہید ہوا ہے، جس کا تعلق جمال آباد نوشکی سے تھا۔
انہوں نے کہا کہ پولیو مہم ایک قومی فریضہ ہے، اس پر حملہ ناقابل برداشت ہے۔ یہ حملہ قومی مہم کو سبوتاژ کرنے اور خوف و ہراس پھیلانے کی سازش ہے۔ تخریب کاروں کے خلاف کارروائی میں مزید تیزی لائی جائے گی۔
وزیراعظم اور وزیر داخلہ کی مذمت
دوسری جانب وزیر اعظم شہباز شریف نے نوشکی میں انسداد پولیو مہم ٹیم پر فائرنگ کے واقعے کی مذمت کرتے ہوئے اہل کار عبدالوحید کی شہادت پر افسوس کا اظہار کیا۔ انہوں نے شہید کے اہل خانہ سے اظہار تعزیت اور ان کے لیے صبر کی دعا کی۔
شہباز شریف نے اپنے بیان میں کہا کہ بچوں کا مستقبل محفوظ بنانے کے لیے نکلنے والی پولیو ٹیم پر حملہ ناقابل برداشت ہے۔ پولیو کی مہم کے خلاف شر پسند عناصر کے ساتھ سختی سے نمٹا جائے گا۔
علاوہ ازیں وفاقی وزیرداخلہ محسن نقوی نے بھی نوشکی میں انسداد پولیو ٹیم پر فائرنگ کےواقعے کی مذمت کی اور شہید کو خراج عقیدت پیش کرتے ہوئے اہل خانہ سے دلی ہمدردی و تعزیت کا اظہار کیا۔
انہوں نے اپنے بیان میں کہا کہ پولیس اہلکار عبدالوحید نے شہادت کا عظیم رتبہ پایا ہے۔ شہید کے سوگوار خاندان کے ساتھ کھڑے ہیں۔
.ذریعہ: Express News
کلیدی لفظ: نوشکی میں پولیو ٹیم پولیس اہل
پڑھیں:
قصبہ ایم پی آر کالونی میں فائرنگ سے خاتون جاں بحق
کراچی:قصبہ ایم پی آر کالونی میں فائرنگ سے خاتون جاں بحق ہوگئی، پولیس کے مطابق خاتون کو غیرت کے نام پر قتل کیا گیا تفتیش شروع کردی ہے۔
ایکسپریس نیوز کے مطابق اورنگی ٹاؤن کے علاقے قصبہ ایم پی آر کالونی میں فائرنگ سے خاتون جاں بحق ہوگئی جس کی لاش چھیپا ایمبولینس کے ذریعے عباسی شہید اسپتال منتقل کی گئی۔
پولیس کے مطابق جاں بحق خاتون کی شناخت 20 سالہ سونیا زوجہ رحمت اللہ کے نام سے کی گئی۔
ایس ایچ او اورنگی ٹاؤن انسپکٹر آغا اسلم نے واقعے کی حقیقت بتانے سے گریز کرتے ہوئے بتایا کہ خاتون نے گھر سے بھاگ کر شادی کی تھی کچھ عرصہ قبل سسرال سے کہیں چلی گئی تھی اب واپس آئی تو سسرالیوں نے قتل کردیا، خاتون کی کوئی اولاد نہیں تھی۔
شوہر نے یا کس نے قتل کیا اس حوالے سے بھی بتانے سے بھی ایس ایچ او نے گریز کیا ان کا کہنا تھا کہ ایم پی آر کالونی جرائم پیشہ افراد کا علاقہ ہے جہاں پولیس بھی جانے سے گریز کرتی ہے اس علاقے میں واقعہ پیش آیا ہے، انویسٹی گیشن پولیس واقعے کی تحقیقات کر رہی ہے۔
دنیاکاپہلا پی ایچ ڈی فوڈ ڈیلیوری رائیڈر