نوشکی میں فائرنگ سے پولیو ٹیم کی سکیورٹی پر مامور پولیس اہلکار شہید
اشاعت کی تاریخ: 27th, May 2025 GMT
کوئٹہ:
نوشکی میں نامعلوم ملزمان نے فائرنگ کرکے پولیو ٹیم کی سکیورٹی پر مامور پولیس اہل کار کو شہید کردیا۔
پولیس ذرائع کے مطابق فائرنگ کا واقعہ نوشکی کے علاقے کلی محمد حسنی میں پیش آیا، جس میں گولی لگنے سے ایک پولیس اہل کار زخمی ہوا اور بعد ازاں جانبر نہ ہو سکا۔
ترجمان بلوچستان حکومت نے تصدیق کی ہے کہ نوشکی میں پولیو ٹیم کی سکیورٹی پر فائرنگ سے ایک پولیس اہلکار وحید احمد ولد محمد ہاشم شہید ہوا ہے، جس کا تعلق جمال آباد نوشکی سے تھا۔
انہوں نے کہا کہ پولیو مہم ایک قومی فریضہ ہے، اس پر حملہ ناقابل برداشت ہے۔ یہ حملہ قومی مہم کو سبوتاژ کرنے اور خوف و ہراس پھیلانے کی سازش ہے۔ تخریب کاروں کے خلاف کارروائی میں مزید تیزی لائی جائے گی۔
وزیراعظم اور وزیر داخلہ کی مذمت
دوسری جانب وزیر اعظم شہباز شریف نے نوشکی میں انسداد پولیو مہم ٹیم پر فائرنگ کے واقعے کی مذمت کرتے ہوئے اہل کار عبدالوحید کی شہادت پر افسوس کا اظہار کیا۔ انہوں نے شہید کے اہل خانہ سے اظہار تعزیت اور ان کے لیے صبر کی دعا کی۔
شہباز شریف نے اپنے بیان میں کہا کہ بچوں کا مستقبل محفوظ بنانے کے لیے نکلنے والی پولیو ٹیم پر حملہ ناقابل برداشت ہے۔ پولیو کی مہم کے خلاف شر پسند عناصر کے ساتھ سختی سے نمٹا جائے گا۔
علاوہ ازیں وفاقی وزیرداخلہ محسن نقوی نے بھی نوشکی میں انسداد پولیو ٹیم پر فائرنگ کےواقعے کی مذمت کی اور شہید کو خراج عقیدت پیش کرتے ہوئے اہل خانہ سے دلی ہمدردی و تعزیت کا اظہار کیا۔
انہوں نے اپنے بیان میں کہا کہ پولیس اہلکار عبدالوحید نے شہادت کا عظیم رتبہ پایا ہے۔ شہید کے سوگوار خاندان کے ساتھ کھڑے ہیں۔
.ذریعہ: Express News
کلیدی لفظ: نوشکی میں پولیو ٹیم پولیس اہل
پڑھیں:
آزاد کشمیر میں عوامی ایکشن کمیٹی کے مظاہرے میں پولیس اہلکاروں پر تشدد، اہلکار زخمی
ایک زخمی پولیس اہلکار نے بتایا کہ مظاہرین نے ان سے اسلحہ چھین لیا، فائرنگ کی اور آنسو گیس بھی استعمال کی گئی۔ انہوں نے کہا کہ عوامی ایکشن کمیٹی کے کارکنان نے پولیس پر تشدد کیا جس کے نتیجے میں ایس پی بھی زخمی ہوئے۔
حکومت کی کوششیں اور امن کی اپیل
آزاد کشمیر حکومت نے عوامی ایکشن کمیٹی کو مذاکرات کی دعوت دی اور کہا کہ پُر امن احتجاج کریں، ہمیں کوئی اعتراض نہیں۔
تشدد کی وارداتیں
عوامی ایکشن کمیٹی کے کارکنان نے پولیس اہلکاروں پر کیل لگے ڈنڈوں سے حملہ کیا، جس سے متعدد اہلکار زخمی ہوئے۔
یہ واقعہ آزاد کشمیر میں جاری احتجاجات اور حکومتی مذاکرات کی کشیدگی کو ظاہر کرتا ہے، اور مقامی حکام نے کہا ہے کہ متاثرہ اہلکاروں کی مکمل دیکھ بھال اور قانونی کارروائی کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کراچی، قائد آباد میں پولیس مقابلہ، ڈاکو زخمی حالت میں گرفتار، ایک فرار