پاکستان میں اضافی درآمدی ٹیرف صنعتی ترقی میں بڑی رکاوٹ ہے، ورلڈ بینک
اشاعت کی تاریخ: 28th, May 2025 GMT
عالمی بینک نے پاکستان میں اضافی درآمدی ٹیرف کو صنعتی ترقی اور برآمدات کےلیے بڑی رکاوٹ قرار دے دیا۔
ورلڈ بینک نے درآمدی ٹیرف کے مختلف سلیبز میں کمی، ریگولیٹری اور ایڈیشنل کسٹم ڈیوٹیز ختم کرنے کی تجویز دی ہے۔
جاری رپورٹ میں کہا کہ گزشتہ دہائی میں ریگولیٹری اور اضافی کسٹمز ڈیوٹیز سمیت درآمدی ٹیرف میں 117 فیصد تک اضافہ ہوا، جس سے مارکیٹ میں مسابقت کم ہوئی، غیر مؤثر صنعتی حکمت عملی کو فروغ ملا، سرمایہ کاری پیداواری شعبوں کے بجائے بااثر گروہوں میں منتقل ہوئی، ملکی برآمدات بھی متاثر ہوئیں۔
عالمی بینک کی رپورٹ میں مزید کہا گیا کہ 1990 کی دہائی میں پاکستان کی برآمدات جی ڈی پی کا 15 فیصد تھیں، جو 2024 میں کم ہوکر 10 فیصد رہ گئیں، جو خطے میں کم ترین سطح ہے۔
ورلڈ بینک نے برآمدات اور سرمایہ کاروں کا اعتماد بڑھانے کے لیے زرمبادلہ کا آزاد نظام، سستی توانائی، آسان فنانسنگ، قومی ریگولیٹری ڈلیوری آفس، سرمایہ کاری ایکٹ کا نفاذ اور دیوالیہ پن کے قوانین میں بہتری کی سفارش کی
.ذریعہ: Nawaiwaqt
کلیدی لفظ: درا مدی ٹیرف برا مدات
پڑھیں:
اسٹیل ملز کی بحالی‘ پاکستان اور روس میں معاہدے پر دستخط
data-id="863a0a8" data-element_type="widget" data-widget_type="theme-post-content.default">
ماسکو (اے پی پی) وزیر اعظم کے معاون خصوصی برائے صنعت و پیداوار ہارون اختر خان کی قیادت میں وزارتِ صنعت و پیداوار کے وفد نے روس کے ساتھ ایک اہم پروٹوکول پر دستخط کئے ہیں جس کے تحت کراچی میں واقع پاکستان اسٹیل ملز کی بحالی اور جدید کاری کا فیصلہ کیا گیا ہے۔جمعہ کو وزارت صنعت و پیداوار کی طرف سے جاری بیان کے مطابق یہ معاہدہ وزارتِ صنعت و پیداوار پاکستان کے سیکرٹر ی سیف انجم اور روس کی جانب سے وادیم ویلیچکو نے دستخط کئے ۔ معاہدے کے تحت پاکستان اسٹیل ملز کو جدید خطوط پر استوار کیا جائے گا، جو پاکستان کی صنعتی ترقی میں ایک نئے باب کا آغاز ثابت ہوگا۔ہارون اختر خان نے کہا کہ1971 میں سوویت تعاون سے قائم ہونے والی پاکستان اسٹیل ملز اب ایک بار پھر روس کے تعاون سے بحال کی جا رہی ہے، جو وزیراعظم شہباز شریف کے وژن کی عملی تعبیر ہے۔انہوں نے مزید کہا کہ یہ شراکت داری پاکستان اسٹیل ملز کی ترقی، صنعتی پیداوار میں اضافے اور روزگار کے نئے مواقع پیدا کرنے کے لیے ایک سنگ میل ثابت ہوگی۔ ہارون اختر خان نے کہا کہ وزیراعظم شہباز شریف کے صنعتی وژن کے تحت ملک میں بند صنعتی یونٹس کو دوبارہ فعال کرنے کے لیے عملی اقدامات کیے جا رہے ہیں، جن کا مقصد قومی پیداوار میں اضافہ، برآمدات میں بہتری اور روزگار کے مواقع پیدا کرنا ہے۔یہ معاہدہ دونوں ممالک کے درمیان صنعتی تعاون کو مزید فروغ دے گا اور خطے میں پاکستان کے صنعتی مستقبل کے لیے ایک مضبوط بنیاد فراہم کرے گا۔
اسلام آباد: پاکستان اسٹیل ملز کی بحالی کے حوالے سے سیکرٹری صنعت و پیداوارسیف انجم اور روسی کمپنی کے جنرل ڈائریکٹروادیم ویلیچکو معاہدے پر دستخط کررہے ہیں
بھارت چین کے مذہبی معاملات میں مداخلت کر رہا ہے‘ چینی سفیر