غزہ میں نسل کشی پر خاموش نہیں رہیں گے، اٹلی کا اسرائیل کو دو ٹوک پیغام
اشاعت کی تاریخ: 29th, May 2025 GMT
روم : اٹلی کے وزیرِ خارجہ انتونیو تاجانی نے غزہ پر اسرائیل کے جاری حملوں کو "ناقابل قبول" قرار دیتے ہوئے فوری طور پر بند کرنے کا مطالبہ کیا ہے۔
اطالوی پارلیمنٹ میں خطاب کرتے ہوئے انہوں نے کہا کہ اسرائیل کی جوابی کارروائی اب انتہائی خطرناک اور ناقابلِ برداشت صورت اختیار کر چکی ہے۔
تاجانی نے واضح الفاظ میں کہا: "غزہ پر بمباری بند ہونی چاہیے، انسانی امداد فوری بحال کی جائے اور بین الاقوامی انسانی قوانین کا احترام لازم ہے۔"
اٹلی، جو اسرائیل کا روایتی اتحادی سمجھا جاتا ہے، اب اپنی دائیں بازو کی حکومت کے اندر بھی غزہ میں جاری جنگ پر بے چینی کا شکار ہے۔ غزہ کی وزارتِ صحت کے مطابق اب تک اسرائیلی حملوں میں 54 ہزار سے زائد فلسطینی شہید ہو چکے ہیں۔
اپوزیشن جماعتوں نے 7 جون کو روم میں اسرائیل کے خلاف مظاہرے کا اعلان کیا ہے، جس میں اسرائیل پر پابندیاں لگانے اور فلسطینی ریاست کو تسلیم کرنے کا مطالبہ کیا جائے گا۔
تاجانی نے مزید کہا کہ اٹلی فلسطینی ریاست کے قیام کے حق میں ہے، لیکن یہ مذاکرات کے ذریعے ہی ممکن ہے۔ انہوں نے اسرائیل سے بات چیت جاری رکھنے کی حمایت کی، مگر خبردار کیا کہ:"فلسطینیوں کی جبری بے دخلی کبھی قابلِ قبول نہیں ہو سکتی۔"
انہوں نے اس بات کا بھی عندیہ دیا کہ اٹلی مستقبل میں کسی عرب قیادت میں امن مشن میں شرکت کر سکتا ہے، اگر اس کا فیصلہ عالمی سطح پر ہوتا ہے۔
.
ذریعہ: Express News
پڑھیں:
فلسطینی ریاست کے قیام کی شرط پر انڈونیشیا اسرائیل کو تسلیم کرنے کو تیار
اسلام آباد (اُردو پوائنٹ ۔ DW اردو۔ 28 مئی 2025ء) دنیا کی سب سے زیادہ مسلم آبادی والے ملک انڈونیشیا کے اسرائیل کے ساتھ کوئی رسمی تعلقات نہیں ہیں اور اس نے مسلسل دہائیوں سے جاری تنازع کے دو ریاستی حل پر زور دیا ہے۔
جکارتہ میں فرانسیسی صدر ایمانوئل ماکروں سے بات چیت کے بعد صدر پرابوو سوبیانتو نے ایک نیوز کانفرنس میں کہا، ’’مختلف مواقع پر، میں نے کہا ہے کہ انڈونیشیا سمجھتا ہے کہ دو ریاستی حل اور فلسطین کی آزادی ہی حقیقی امن کے حصول کا واحد راستہ ہے۔
“فرانس فلسطینی ریاست کو تسلیم کرنے کے لیے پرعزم، وزیر خارجہ
فرانسیسی صدر ایمانوئل ماکروں ان دنوں جکارتہ کے دورے پر ہیں۔
انہوں نے مزید کہا، ’’میں نے اس بات پر بھی زور دیا کہ ہمیں اسرائیل کے حقوق کو تسلیم کرنا اور ایک خودمختار ملک کے طور اس کی ضمانت دینا چاہیے۔
(جاری ہے)
“
اسرائیل فلسطین تنازعے پر پیرس اجلاسایمانوئل ماکروں اور پرابوو سوبیانتو کے درمیان بات چیت کے بعد جاری ایک مشترکہ بیان میں، فرانس اور انڈونیشیا نے ایک بین الاقوامی کانفرنس میں اسرائیل اور فلسطینیوں کے درمیان ’’باہمی تسلیم“ پر پیش رفت پر زور دیا۔
اگلے ماہ ہونے والی اس کانفرنس کا مقصد دو ریاستی حل کے خیال کو زندہ کرنا ہے۔ پیرس اس اجلاس کی مشترکہ صدارت کرے گا۔مشرق وسطیٰ کے تنازعے کا دو ریاستی حل: اقوام متحدہ کا سمٹ بلانے کا اعلان
مشترکہ بیان میں کہا گیا ہے، ’’کانفرنس کو... اس تنازعے کے پرامن حل کے سیاسی امکان کو بحال کرنا چاہیے، جس سے فلسطینی ریاست کے قیام، (اور) اسرائیل اور فلسطین کے درمیان باہمی تسلیم کی طرف ایک قابل واپسی راستے کی اجازت مل سکے۔
“انڈونیشیا میں فلسطینی کاز کی حمایت عروج پر ہے اور اس حوالے سے وہاں اکثر مظاہرے ہوتے رہتے ہیں۔
مسلم دنیا فلسطین کے معاملے پر متحد ہو جائے، انڈونیشیا
خیال رہے کہ سن دو ہزار تیئیس میں فیفا نے انڈونیشیا سے انڈر 20 ورلڈ کپ کی میزبانی چھین لی جب کچھ ممتاز سیاست دانوں نے اسرائیل کو ٹورنامنٹ سے باہر کرنے کا مطالبہ کیا اور اسرائیلی ٹیم کی میزبانی سے انکار کر دیا۔
فرانس اور انڈونیشیا میں معاہدوں پر دستخطفرانس اور انڈونیشیا نے بدھ کو دفاع، تجارت، زراعت، ڈیزاسٹر مینجمنٹ، ثقافت اور ٹرانسپورٹ سمیت متعدد شعبوں میں تعاون کے سلسلے میں مفاہمت کی یادداشتوں پر دستخط کئے۔
فرانسیسی صدر نے بعد میں سرمایہ کاروں اور طلباء سے ملاقات کی اور ایک سرکاری عشائیہ میں شرکت کریں گے۔
جمعرات کو وہ دنیا کے سب سے بڑے بودھ مندر کا دورہ کرنے کے لیے انڈونیشیا کے جاوا جزیرے پر یوگیاکارتا جائیں گے۔
اپنے چھ روزہ دورے کے اختتام سے قبل وہ سنگاپور بھی جائیں گے۔ڈونلڈ ٹرمپ کی جانب سے محصولات عائد کرنے اور چین کے ساتھ امریکہ کے معاشی تصادم کے پیش نظر، ماکروں فرانسیسی کمپنیوں کے لیے، خاص طور پر دفاع، توانائی اور اہم معدنیات کے شعبوں میں ’’تیسری راہ“ تلاش کرنے کی کوشش کر رہے ہیں۔
ماکروں نے کہا کہ انڈونیشیا سے فرانسیسی کمپنی ڈسالٹ ایوی ایشن کو رفائل طیاروں کے لیے آرڈر ملیں گے، جس کے چیف ایرک ٹریپیئر فرانسیسی وفد میں شامل ہیں۔
جکارتہ نے پہلے روس سے لڑاکا طیارے حاصل کیے ہیں، لیکن حالیہ برسوں میں اس نے رفائل طیارے خریدے ہیں۔
ادارت: صلاح الدین زین
ایبٹ آباد، توہین رسالت کے ملزم کو عمر قید،2لاکھ روپے جرمانہ کی سزا