ظلم و ناانصافی کیخلاف جدوجہد تیز کرینگے ٗ بلدیاتی اداروں کو اختیارات منتقل کیے جائیں ٗمنعم ظفر خان
اشاعت کی تاریخ: 13th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر) امیر جماعت اسلامی کراچی منعم ظفر خان نے کہا ہے کہ بلدیاتی اداروں کو اختیارات ووسائل منتقل کیے بغیر عوامی مسائل حل نہیں ہوسکتے، کراچی میں بجلی وپانی ،سڑکوں کی خستہ حالی ،ٹرانسپورٹ اور تعلیم سمیت بے شمار مسائل ہیں جنہیں حل کرنا وفاقی وصوبائی حکومتوں اور حکمران پارٹیوں کی ذمے داری ہے ۔عوام کے حقوق کے لیے جدوجہد اور مزاحمت جاری رکھیں گے، اہل غزہ وفلسطین کی حمایت وعوامی خدمت کا سفر جاری رہے گا۔ حکمرانوں نے ہر شعبے میں ظلم اور لوٹ مار کا بازار گرم کر رکھا ہے،حقوق کراچی مہم کو از سر نو منظم اورتیز کریں گے۔ان خیالات کا اظہار انہوں نے جماعت اسلامی ضلع غربی کے تحت مہم چرم قربانی میں حصہ لینے والے کارکنان وطلبہ کے اعزاز میں استقبالیہ سے خطاب کرتے ہوئے کیا۔استقبالیہ سے امیرجماعت اسلامی ضلع غربی مدثر انصاری ، جمعیت اتحاد العلما کراچی کے ناظم اعلیٰ مولانا عبد الوحید ،سیکرٹری ضلع عبد الحنان خان ودیگر نے بھی خطاب کیا۔اس موقع پر نمایاں کارکردگی دکھانے والے طلبہ وکارکنان کو ستائشی ویادگاری شیلڈ پیش کی گئی۔منعم ظفر خان نے بنگلا دیش کی صورتحال کا تذکرہ کرتے ہوئے کہا کہ مصائب اور مشکلات اہل حق کو کمزور نہیں کرتیں،ان کے ذریعے وہ کندن بن کر نکلتے ہیں، پوری دنیانے اہل غزہ کی عزیمت کو اپنی آنکھوں سے دیکھا ہے، غزہ میں ناقابل یقین داستانیں رقم ہوئی ہیں اوریہی مومن کا شعارہے،ہم اقامت دین کی جدوجہد کے داعی ہیں اوراللہ کی رضا اصل مقصود ہے۔ کارکنان نے عید الاضحی پر ضرورت مندوں کے لیے اپنی عید قربان کی اور بڑی تعداد میں کھالیں جمع ہوئیں جس پر وہ خراج تحسین کے مستحق ہیں۔ مدثر انصاری نے کہا کہ ملک میں قرآن کی بالادستی نہیں، اللہ کے احکامات سے اعلانیہ روگردانی کی جارہی ہے، سودی نظام چل رہا ہے ،ہر ادارہ ظلم کرنے پرتلا ہوا ہے، کے الیکٹرک ہو، واٹر بورڈ یا کوئی دوسرا حکومتی ادارہ ہو سب کی روش ظالمانہ ہے، جماعت اسلامی اس ظلم کو برداشت نہیں کرسکتی، ہم اللہ سے بغاوت پرمبنی نظام کو قبول نہیں کریں گے، کلمہ پڑھنے والا کبھی ظلم برداشت نہیں کرسکتا،ہماری جدو جہد کا مقصد اللہ کی حاکمیت کو قائم کرنا ہے، مدثر انصاری نے کھالوں میں اضافے پر عوام سے اظہار تشکر کرتے ہوئے اسے کارکنان کی محنت وجدوجہد کا ثمر قرار دیا ۔مولانا عبد الوحید نے کہا کہ انسانوں کی مدد اللہ کی رضا کا ذریعہ ہونی چاہیے، اخلاص کے ساتھ جدو جہد ہی کامیابی کی ضمانت ہے، اہل کراچی نے جماعت اسلامی اور الخدمت پر اعتماد کا اظہار کیا ہے۔
امیر جماعت اسلامی کراچی منعم ظفر خان ، امیر ضلع غربی مدثر حسین انصاری ضلع غربی کے تحت مہم چرم قربانی میں حصہ لینے والے کارکنان و طلبہ کے اعزاز میں دیے گئے استقبالیہ سے خطاب کررہے ہیں
.
ذریعہ
ذریعہ: Jasarat News
پڑھیں:
برطانیہ؛ 70 ارکانِ کا نئے وزیراعظم کو خط؛ اسرائیل کیخلاف سخت اقدامات کا مطالبہ
برطانیہ کے 70 سے زائد ارکانِ پارلیمنٹ نے نئے وزیراعظم اینڈی برنہم سے مطالبہ کیا ہے کہ وہ غزہ میں اسرائیلی کارروائیوں کے حوالے سے اقوامِ متحدہ کے آزاد تحقیقاتی کمیشن کے نتائج کو باضابطہ طور پر تسلیم کریں اور اسرائیل کے خلاف فوری اور مؤثر اقدامات کریں۔
عالمی خبر رساں ادارے کے مطابق خط میں نشاندہی کی گئی ہے کہ گزشتہ ماہ جاری ہونے والی اقوامِ متحدہ کی آزاد تحقیقاتی رپورٹ میں یہ نتیجہ اخذ کیا گیا تھا کہ غزہ میں اسرائیلی فوج کی کارروائیاں نسل کشی کے زمرے میں آتی ہیں اور رپورٹ میں خاص طور پر اسرائیلی حملوں میں بچوں کو دانستہ طور پر نشانہ بنانے کی تصدیق بھی تھی۔
ارکان پارلیمان نے کھلے خط میں نو منتخب وزیراعظم سے مطالبہ کیا کہ وہ بین الاقوامی عدالتِ انصاف کی جولائی 2024 کی مشاورتی رائے پر بھی عمل درآمد کو یقینی بنانے کے لیے عملی اقدامات کریں۔
برطانوی ارکانِ پارلیمنٹ کے بقول عالمی عدالت نے اسرائیل پر زور دیا تھا کہ وہ فوری طور پر مقبوضہ فلسطینی علاقوں سے اپنی موجودگی ختم کرے، تمام اسرائیلی بستیاں ختم کرے، متاثرہ فلسطینیوں کو معاوضہ ادا کرے اور بے گھر ہونے والے فلسطینیوں کی واپسی میں تعاون کرے۔
عدالت نے اپنی رائے میں یہ بھی کہا تھا کہ دنیا کے تمام ممالک پر ذمہ داری عائد ہوتی ہے کہ وہ ایسے اقدامات سے گریز کریں جو اسرائیلی قبضے کو برقرار رکھنے یا اس میں معاونت کا سبب بنیں۔
خط میں برطانوی حکومت سے مطالبہ کیا گیا ہے کہ اسرائیل پر مکمل اسلحہ پابندی عائد کی جائے، اسرائیلی حکام کے خلاف پابندیاں لگائی جائیں اور ایسی ہر قسم کی تجارت پر پابندی عائد کی جائے جو مقبوضہ فلسطینی علاقوں میں قائم اسرائیلی بستیوں کو فائدہ پہنچاتی ہو۔
ارکانِ پارلیمنٹ کا کہنا ہے کہ برطانیہ کو بین الاقوامی قوانین اور انسانی حقوق سے متعلق اپنی ذمہ داریوں کو پورا کرتے ہوئے واضح اور مؤثر پالیسی اختیار کرنی چاہیے۔
I'm one of 80 MPs & Peers calling on the PM to:
- Recognise the UN’s findings on genocide & implement the ICJ ruling in full
- Impose sanctions including a full arms embargo
- Ban trade that supports Israel’s illegal settlements
End Britain’s complicity in genocide, now. pic.twitter.com/TjtJ0yj2Qq
فلسطین سالیڈیرٹی کمپین کے نائب ڈائریکٹر پیٹر لیری نے ارکانِ پارلیمنٹ کے خط کا خیرمقدم کرتے ہوئے کہا تھا کہ برطانوی حکومت نے طویل عرصے سے نسل کشی کنونشن اور بین الاقوامی عدالتِ انصاف کے مؤقف کو نظر انداز کیا ہے۔
انھوں نے الزام عائد کیا ہے کہ برطانیہ مسلسل ایسی پالیسیاں اپناتا رہا ہے جن سے فلسطینی عوام کے خلاف اسرائیلی کارروائیوں کو عملی یا سفارتی حمایت ملتی رہی۔
خیال رہے کہ اسرائیل غزہ میں نسل کشی کے الزامات کو مسترد کرتا ہے اور مؤقف اختیار کرتا آیا ہے کہ اس کی فوجی کارروائیاں حماس اور دیگر مسلح گروہوں کے خلاف ہیں جبکہ شہری ہلاکتوں سے بچنے کے لیے اقدامات کیے جاتے ہیں۔
واضح رہے کہ اقوامِ متحدہ اور متعدد بین الاقوامی انسانی حقوق کی تنظیمیں اسرائیلی دعوؤں کو مسترد کرتے ہوئے غزہ میں بڑے پیمانے پر شہریوں، خصوصاً خواتین اور بچوں کے جانی نقصان پر مسلسل تشویش کا اظہار کر رہی ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار