جائیداد بیچنے پر فیڈرل ایکسائز ڈیوٹی ختم کرنے کی تجویز منظور
اشاعت کی تاریخ: 17th, June 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد (صباح نیوز) سینیٹ کی قائمہ کمیٹی برائے خزانہ نے پراپرٹی کی فروخت پر فیڈرل ایکسائز ڈیوٹی ختم کرنے کی تجویز منظور کرلی، کمیٹی نے ٹیکس بار یا الیکٹرونک مہر کے بغیر اشیا کی فروخت پر پابندی اور جعلی بار کوڈ لگانے پر سگریٹس کو ضبط کرنے کی تجاویز بھی منظور کرلیں۔ سینیٹ کی قائمہ کمیٹی برائے خزانہ کا اجلاس سینیٹر سلیم مانڈوی والا کی زیر صدارت ہوا، وزیر خزانہ محمد اورنگزیب نے کہا کہ ٹیکس فراڈ کی کوشش پر گرفتاری کی تجویز کو بجٹ سے نکال دیا گیا ہے۔ اجلاس میں ٹیکس فراڈ میں ملوث افراد پر سزائوں اور جرمانے کی تجاویز پر غور کیا گیا، سینیٹر فاروق نائیک نے تجویز دی کہ ٹیکس فراڈ میں ملوث افراد کے لیے 10سال کی سزا کم کرکے 5 سال کی جائے، ٹیکس فراڈ میں ملوث افراد کے خلاف سخت سزائوں کو کم کیا جائے، ٹیکس فراڈ میں ملوث افراد کو 3 شوکاز نوٹسز جاری اور تفتیش کے بعد گرفتار کرنے کا اختیار دیا جائے۔ کمیٹی نے ٹیکس بار یا الیکٹرونک مہر کے بغیر اشیا کی فروخت پر پابندی، ٹیکس آڈیٹرز پر معلومات لیک کرنے پر پابندی، آڈٹ اوور سائٹ بورڈ کو آڈیٹرز کی انسپکشن کا اختیار دینے کی تجویز منظور کرلی۔
.
ذریعہ
ذریعہ: Jasarat News
کلیدی لفظ: ٹیکس فراڈ میں ملوث افراد کی تجویز
پڑھیں:
کراچی میں موٹر سائيکل چوری میں ملوث خاتون گرفتار
اسکرین گریب/ ایکسکراچی میں موٹر سائيکل چوری میں ملوث خاتون کو گرفتار کرلیا گیا۔
سولجر بازار کے علاقے میں پولیس نے کارروائی کرکے موٹر سائیکل لفٹنگ میں ملوث خاتون ملزمہ کو گرفتار کیا ہے، پولیس کے مطابق خفیہ اطلاع پر کارروائی کرکے ملزمہ کو گرفتار کیا گیا ہے۔
پولیس کا کہنا ہے کہ ملزمہ کی گرفتاری سی سی ٹی وی فوٹیج کی مدد سے عمل میں آئی ہے، ملزمہ اپنے شوہر کے ہمراہ موٹر سائیکل لفٹنگ کی درجنوں وارداتوں میں ملوث رہی ہے۔
سی سی ٹی وی فوٹیج میں دونوں میاں بیوی کو موٹر سائیکل لے جاتے ہوئے دیکھا جا سکتا ہے، ملزمہ کے قبضے سے ایک موٹر سائیکل بھی برآمد کی گئی ہے۔
پولیس کا کہنا ہے کہ گرفتار ملزمہ اور فرار شوہر کے خلاف ضابطے کے تحت مقدمہ درج کیا گیا مزید تفتیش جاری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار