امریکی میڈیا میں فضول بحث چل رہی ہے، ڈاکٹر کامران بخاری
اشاعت کی تاریخ: 26th, June 2025 GMT
لاہور:
تجزیہ کار ڈاکٹر کامران بخاری کا کہنا ہے کہ امریکی میڈیا کے اندر بھی ایک فضول سی بحث چل رہی ہے کہ ایران کا جوہری پروگرام تباہ ہوا ہے یا نہیں ہوا ہے، حقیقت یہ ہے کہ جنگی نقصان کا تخمینہ (بی ڈی اے) یہ ٹائم لیتے ہیں پھر بیچ میں لیکس ہوتی ہیں پھر اخبارات کو مل جاتا ہے، پھر کہانیاں بن جاتی ہیں ، پھر انکار ہوتا ہے، تو یہ ایک سرکس لگ جاتی ہے اور جو اصل حقیقت ہے وہ سامنے نہیں آتی.
ایکسپریس نیوز کے پروگرام سٹیٹ کرافٹ میں گفتگو کرتے ہوئے انھوں نے کہا کہ جہاں تک میرا اپنا تجزیہ ہے جتنی بھی معلومات سامنے آئی ہیں اس سے مجھے اندازہ ہوا ہے کہ نقصان تو ہوا ہے اور ٹھیک ٹھاک ہوا ہے.
تجزیہ کار ڈاکٹر تیمور رحمن نے کہا کہ سب سے پہلی بات تو یہ ہے کہ نہ صرف بیس سال بلکہ تقریباً بتیس سالوں سے یہی ہم لوری سنتے آئے ہیں کہ ایران کے پاس بہت بڑے بڑے نیوکلیئر ویپنز ہیں، آرسنل پورا ایک، دو ہفتے میں پیدا ہو جائے گا یہ بالکل بکواس اور احمقانہ بات ہے، بہت عرصہ سے ایران نے یہ مینٹین کیا ہے کہ ہمارا پروگرام صرف انرجی کیلیے ہے، آئی اے ای اے نے دہائیوں سے اس کا معائنہ کیا ہے، ابھی حال ہی میں اپنی رپورٹ میں لکھا ہے کہ ہماری پاس جوہری ہتھیار بنانے کی کسی منظم پیش قدمی کے کوئی شواہد نہیں ہیں، یہ وہی قصہ کہانی ہے جو ہم نے عراق میں پہلے دیکھی تھی.
ماہر بین الاقوامی امور ڈاکٹر عادل سلطان نے کہا کہ رجیم چینج میرا خیال ہے یہ زیادہ تر پریشر ٹیکٹکس تھے جو ٹرمپ نے بیچ میںجس طرح وہ کرتا ہے کہ رجیم کو انڈر پریشر کرے، شاید وہ کیپوچولیٹ کر جائے، یہ وہ آپٹکس کیلیے کر رہے تھے، یہ آبجیکٹیو نہیں تھا، رجیم چینج کے سابق تجربات آپ دیکھ لیں تو ان کا کوئی مثبت نتیجہ نہیں نکلا، زیادہ تر افراتفری ہی پھیلی، ایران کو اگر وہ کرتے تو ان کو پتہ تھا کہ اگر وہ اس الجھن میں پڑے تو کافی مشکل ہو جائے گا، باقی رہی کہ اسرائیل نے ٹرمپ کو کس طرح قائل کیا آپ نے یہ ہمیشہ سے دیکھا ہے کہ امریکا اسرائیل کے مفادات کا تحفظ کرتا ہے تو اس لیے بظاہر ایسا لگ رہا تھا کہ اسرائیل بہت کوشش کر رہاہے مگر جس طرح سے کوریوگراف کیا گیا اس اٹیک کو، غالباً یہ کافی عرصے سے طے شدہ منصوبہ تھا۔
ذریعہ
ذریعہ: Express News
کلیدی لفظ: ہوا ہے
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار