190 ملین پاؤنڈ کیس: بانی پی ٹی آئی اور بشریٰ بی بی کی سزا معطلی پر نیب نے تیاری کیلئے مہلت مانگ لی
اشاعت کی تاریخ: 26th, June 2025 GMT
اسلام آباد(صغیر چوہدری )اسلام آباد ہائی کورٹ میں 190 ملین پاؤنڈ کیس میں سزا یافتہ بانی پی ٹی آئی اور بشری بی بی کی سزا معطلی درخواستوں پر سماعت کے دوران نیب کے سپیشل پراسیکیوٹر نے مہلت مانگ لی ۔
قائم مقام چیف جسٹس سرفراز ڈوگر اور جسٹس محمد آصف پر مشتمل ڈویژن بینچ نے کیس سماعت کی دوعان سماعت وزیر اعلیٰ خیبر پختون خواہ علی امین گنڈاپور، اپوزیشن لیڈرز عمر ایوب اور شبلی فراز کمرہ عدالت میں موجود تھے جبکہ بانی پی ٹی آئی کی بہنیں علیمہ خان، نورین نیازی اور عظمی خان بھی کمرہ عدالت میں موجود تھی جب عدالت نے دلائل کے لئے کہا تو درخواست گزاروں کی جانب سے وکیل بیرسٹر سلمان صفدر روسٹرم پر آ گئے ۔
نیب کی پراسیکیوشن ٹیم اور سپیشل پراسیکیوٹر جاوید ارشد بھی روسٹرم پر آ گئےجس پر چیف جسٹس نے استفسار کیا کہ ایک وکیل نے دلائل دینے ہیں تو اتنے وکلاء کیوں روسٹرم پر اکٹھے ہیں؟ یہ عدالت کا ڈیکورم نہیں ،باقی لوگ پیچھے جا کر بیٹھ جائیں، اگر یہ صورتحال رہی تو میں یہ کیس نہیں سنوں گا، اس دوران نئے تعینات نیب پراسیکیوٹر نے بانی پی ٹی آئی اور بشریٰ بی بی کی سزا معطلی درخواستوں پر تیاری کیلئے وقت مانگ لیا ۔
انہوں نے عدالت سے استدعا کی کہ انہیں کل ہی اسپیشل پراسیکیوٹر تعینات کیا گیا ہے، تیاری کیلئے وقت دیا جائے، طویل والیمز کا کیس ہے، تیاری کیلئے کم از کم چار ہفتے کا وقت دیا جائے، جس پر بیرسٹر سلمان صفدر نے کہا کہ سردار مظفر عباسی کی سربراہی میں نیب نے پراسکیوشن ٹیم نوٹیفائی کی،5 جون کو نیب پراسیکیوٹر رافع مقصود نے کہا کہ وہ ابھی بحث نہیں کریں گے، اس کیس میں خاتون کو بھی سزا ہے، خواتین کی سزا عام طور پر عدالتوں سے معطل ہو جاتی ہےگزارش ہے ہمیں اپنا کیس شروع کرنے کا موقع دے دیںشفافیت اس میں ہے کہ مجھے موقع دے دیں ،جس پر نیب سپیشل پراسیکیوٹر جاوید ارشد نے موقف اپنایا کہ مجھے بھی مناسب موقع ملنا چاہئے، میں اس کیس کا کبھی بھی حصہ نہیں رہا،مجھے موقع دے دیں تاکہ میں پڑھ کر ان کے کیس کے نوٹس لے لوں۔
جبکہ سلمان صفدر نے کہا کہ آج کافی دنوں کے بعد کیس لگا ہے، پیر کو آئندہ سماعت رکھ لیں اور مجھے سن لیں ، کیس بنا لیتے ہیں اپیل میں کیوں بھاگ جاتے ہیں، کیس بنایا ہے تو آئیں کھیلیں ، نیب اسپیشل پراسیکیوٹر نے جوابا کہا کیا کہ بالکل کھیلیں گے، نیب پراسیکیوٹر اس کیس رافع مقصود نے کہا کہ میں 14 سال قید کی سزا ہے اس کو بھی عام کیس کی طرح ڈیل کریں ، عدالت نے نیب کی جانب سے کیس کی تیاری کے لیے مہلت دینے کی استدعا منظور کرلی اور کہا کہ کیس کی آئندہ تاریخ سماعت کے بعد میں جاری کر دی جائے گی۔
ذریعہ
ذریعہ: Daily Mumtaz
کلیدی لفظ: بانی پی ٹی ا ئی تیاری کیلئے نے کہا کہ کی سزا
پڑھیں:
افغانوں کو شناختی کارڈ اجراء، دہشتگردوں سے مبینہ روابط، ملزموں کا ریمانڈ
کراچی (سٹاف رپورٹر) جوڈیشل مجسٹریٹ شرقی کی عدالت میں افغان شہریوں کے لیے مبینہ طور پر جعلی شناختی دستاویزات تیار کرنے کے مقدمے کی سماعت ہوئی۔ ایف آئی اے نے مقدمے میں گرفتار چار ملزم انعام الحق، فیاض احمد سانگی، جنید اور محمد عمر کو عدالت میں پیش کیا۔ تفتیشی افسر نے عدالت کو بتایا کہ ملزم افغان شہریوں کے لیے جعلی شناختی دستاویزات بنانے کی غرض سے سرکاری ریکارڈ میں رد و بدل کرتے تھے۔ عدالت نے ملزموںکو دو روزہ جسمانی ریمانڈ پر ایف آئی اے کے حوالے کر دیا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی