اے ایف سی فٹسال ایشین کپ 2026 کوالیفائرز میں پاکستان کی پہلی مرتبہ شرکت، مشکل گروپ میں شامل
اشاعت کی تاریخ: 27th, June 2025 GMT
پاکستان فٹسال ٹیم پہلی بار اے ایف سی فٹسال ایشین کپ انڈونیشیا 2026 کے کوالیفائرز میں شرکت کے لیے تیار ہے، جہاں اسے ایک مشکل گروپ اسٹیج کا سامنا ہوگا، کیونکہ حال ہی میں اعلان کردہ آفیشل قرعہ اندازی کے مطابق پاکستان کو گروپ ڈی میں شامل کیا گیا ہے۔
اس گروپ میں پاکستان کا مقابلہ ایشیا کی مضبوط ٹیموں عراق، چائنیز تائپے اور میزبان سعودی عرب سے ہوگا، جو فٹسال کے میدان میں پہلے ہی نمایاں مقام رکھتے ہیں۔
یہ کوالیفائرز 20 سے 24 ستمبر کے دوران کھیلے جائیں گے، جن میں مجموعی طور پر 31 ٹیمیں حصہ لیں گی، اور 16 ٹیمیں ٹورنامنٹ کے فائنل راؤنڈ کے لیے کوالیفائی کریں گی۔
AFC Futsal Asian Cup™ Indonesia 2026 Qualifiers Group Stage.
The AFC Futsal Asian Cup™ Indonesia 2026 Qualifiers will take place from 16–24 September 2025.
Nonthaburi, Kuantan, and Yangon will be the venues for the Qualifiers in Southeast Asia.#ACFutsal2026 | #AseanFutsal pic.twitter.com/P42Nn3ieYd
— Asean Futsal (@AseanFutsal) June 26, 2025
ٹورنامنٹ کے فائنل مرحلے میں رسائی کے لیے، ہر گروپ کی ٹاپ ٹیم اور 7 بہترین رنر اپس کے ساتھ میزبان ملک انڈونیشیا کو شامل کیا جائے گا، یہ مقابلہ 27 جنوری سے 7 فروری 2026 تک انڈونیشیا میں منعقد ہوگا۔
پاکستان کو فائنل مرحلے تک پہنچنے کے لیے یا تو گروپ میں پہلی پوزیشن حاصل کرنا ہوگی یا تمام گروپوں میں شامل 7 بہترین دوسری پوزیشن والی ٹیموں میں جگہ بنانی ہوگی۔
عراق کی اعلیٰ رینکنگ اور سعودی عرب کے ہوم گراؤنڈ کا فائدہ مدنظر رکھتے ہوئے، پاکستان کو اپنے تمام 3 میچز میں شاندار کارکردگی دکھانا ہوگی۔
یہ بھی پڑھیں:
گزشتہ چند برسوں میں پاکستان کے فٹسال پروگرام میں خاصی ترقی ہوئی ہے، اور اب نچلی سطح سے ابھرنے والے کئی کھلاڑی قومی ٹیم تک پہنچ چکے ہیں۔
تاہم، سعودی عرب اور عراق جیسی مضبوط ٹیموں کا سامنا کرنا پاکستان کے لیے ایک کٹھن راستہ ثابت ہوگا، اس کے باوجود، ان کوالیفائرز میں شرکت پاکستان کے لیے ایک اہم سنگِ میل کی حیثیت رکھتی ہے، جو ایشیا میں اپنی شناخت بنانے کی کوششوں کا حصہ ہے۔
اگر گرین شرٹس ستمبر میں اچھی کارکردگی دکھاتے ہیں تو یہ نہ صرف کوالیفکیشن کے امکانات کو بہتر بنا سکتی ہے بلکہ ایشیائی فٹسال میں پاکستان کے ابھرتے ہوئے کردار کو بھی مزید مستحکم کر سکتی ہے۔
اے ایف سی فٹسال ایشین کپ 2026 کوالیفائرز کے گروپسگروپ اے: کویت (میزبان)، آسٹریلیا، منگولیا، بھارت
گروپ بی: تھائی لینڈ (میزبان)، جنوبی کوریا، بحرین، برونائی
گروپ سی: جاپان، تاجکستان (میزبان)، مکاؤ، کمبوڈیا
گروپ ڈی: عراق، سعودی عرب (میزبان)، چائنیز تائپے، پاکستان
گروپ ای: ویتنام، لبنان، چین (میزبان)، ہانگ کانگ
گروپ ایف: ازبکستان، کرغزستان (میزبان)، تیمور لیسٹے، فلسطین
گروپ جی: ایران، ملائیشیا (میزبان)، متحدہ عرب امارات، بنگلہ دیش
گروپ ایچ: افغانستان، میانمار (میزبان)، مالدیپ
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈونیشیا اے ایف سی فٹسال ایشین کپ پاکستان تائپے سعودی عرب عراق فائنل راؤنڈ فٹسال قرعہ اندازی کوالیفائرز کوالیفائیذریعہ: WE News
کلیدی لفظ: انڈونیشیا پاکستان تائپے فائنل راؤنڈ فٹسال کوالیفائرز کوالیفائی میں پاکستان پاکستان کے کے لیے
پڑھیں:
کراچی، نارتھ کراچی سیکٹر الیون سی ایک مرتبہ پھر بجلی کی بندش سے تاریکی میں ڈوب گیا
کراچی:شہر قائد میں نارتھ کراچی سیکٹر الیون سی کے رہائشی علاقے میں ایک مرتبہ پھر بجلی کی طویل بندش کے باعث شہریوں کو شدید مشکلات کا سامنا ہے۔
علاقہ مکینوں کے مطابق روزانہ رات کے اوقات میں بجلی کی فراہمی معطل کر دی جاتی ہے جس سے علاقے میں تاریکی چھا جاتی ہے اور لوگوں کی روزمرہ زندگی متاثر ہوتی ہے۔
علاقہ مکینوں نے شکایت کی ہے کہ بجلی کی بندش کی وجہ سے ان کے لیے کھڑکیاں اور دروازے کھولنا مشکل ہو گیا ہے، کیونکہ رات کے وقت ڈینگی مچھر کا خوف ہوتا ہے۔
لوگوں کا کہنا ہے کہ بجلی نہ ہونے کی وجہ سے گھروں میں تازہ ہوا کے لیے کھڑکیاں کھولنا پڑتی ہیں، جو کہ ڈینگی وائرس کے پھیلاؤ کا خطرہ بڑھا دیتی ہیں۔
رہائشیوں کا کہنا ہے کہ بجلی کی فراہمی معطل ہونے کے ساتھ ساتھ ڈینگی وائرس کے خوف کا سامنا بھی ہے۔ جب کھڑکیاں اور دروازے بند نہیں کیے جا سکتے تو مچھر حملہ آور ہوتے ہیں جس سے بیماریوں کے پھیلنے کا خطرہ بڑھ جاتا ہے۔
علاقہ مکینوں نے متعلقہ حکام سے مطالبہ کیا ہے کہ ان کے علاقے میں بجلی کی فراہمی میں مسلسل تعطل کو فوری طور پر دور کیا جائے تاکہ وہ اپنی زندگی کو بہتر طور پر گزار سکیں اور صحت کے خطرات سے محفوظ رہیں۔
پاکستان کا جنوبی افریقا کیخلاف ٹاس جیت کر بیٹنگ کا فیصلہ