حج 2026 کیلئے عازمین کی رجسٹریشن شروع کردی گئی
اشاعت کی تاریخ: 27th, June 2025 GMT
اسلام آباد(ویب ڈیسک ) وفاقی حکومت کی جانب سے حج 2026 کے لیے رجسٹریشن کا آغاز کردیا گیا ہے۔
وزارت مذہبی امور کا کہنا ہے کہ عازمین حج کی رجسٹریشن 9 جولائی تک جاری رہے گی جبکہ حج رجسٹریشن کیلئے کوئی فیس نہیں ہوگی۔
وزارت مذہبی امور کے مطابق حج 2026 کیلئے قبل از وقت سرکاری اور نجی دونوں اسکیموں کیلئے عازمین حج کی رجسٹریشن کرانا لازمی ہے۔بیرون ملک میں رہنے والے پاکستانیوں کیلئے بھی رجسٹریشن کرانا لازمی ہے۔ اس سال پرائیویٹ اسکیم سے رہ جانے والے عازمین کیلئے بھی رجسٹریشن لازمی ہوگی۔
وزارت مذہبی امور کا کہنا ہے کہ صرف رجسٹریشن کروانے والے ہی حج کیلئے اہل ہونگے۔ حج 2026 کی رجسٹریشن ملک بھر میں منظور شدہ 15 بینکوں سے کرائی جا سکتی ہے۔ حج رجسٹریشن کے بعد عازمین سرکاری یا نجی حج اسکیم منتخب کریں گے۔
وزارت مذہبی امور کے مطابق حج 2026 کے اخراجات اور دیگر شرائط و ضوابط حج پالیسی کے مطابق الگ سے جاری کیے جائیں گے۔
وزارت مذہبی امور کا کہنا ہے کہ حج رجسٹریشن سعودی عرب کی ہدایت پر کی جا رہی ہے، حج رجسٹریشن کے اعداد و شمار سے سعودی حکومت کو آگاہ کیا جائے گا،جس کی بنیاد پر حکومت سعودی عرب حج کوٹا مقرر کرے گی۔
مزیدپڑھیں:سال 2024 میں 70 لاکھ سے زائد اسٹریمنگ اکاؤنٹس کا ڈیٹا چوری ہوا: کیسپرسکی رپورٹ
ذریعہ: Daily Ausaf
کلیدی لفظ: کی رجسٹریشن
پڑھیں:
27ویں ترمیم کی منظوری کا معاملہ؛ نمبر گیم پوری کرنے کیلئے حکومت نے پلان بی پر کام شروع کردیا
27 ویں ترمیم کی منظوری کے سلسلے میں حکومت نمبر گیم پوری کرنے کیلئے متحرک ہوگئی، نمبر گیم پوری کرنے کیلئے حکومت نے پلان بی پر کام شروع کردیا۔
رپورٹ کے مطابق حکومت نے نمبر گیم پوری کرنے کیلئے پی ٹی آئی اور جے یو آئی ممبران سے رابطے کیے ہیں۔
ان رابطوں کے بعد حکومت نے اپوزیشن کے 3 ممبران کو ووٹ کے لیے راضی کرنے کا دعویٰ کیا ہے اور کہا ہے کہ حکومت کی جانب سے کی گئی کوششوں سے ایک اضافی سینیٹر بھی راضی ہوگیا۔
سندھ کا این ایف سی ایوارڈ اور 18ویں ترمیم رول بیک کی مخالفت کا اعلان