موت سے چند لمحے قبل شیفالی کی شوہر سے کیا گفتگو ہوئی؟
اشاعت کی تاریخ: 1st, July 2025 GMT
بھارتی اداکارہ و ماڈل شیفالی جریوالا کی اچانک موت ان کے مداحوں کے لیے ایک صدمہ بن گئی۔ ان کی ابتدائی پوسٹ مارٹم رپورٹ میں یہ بات سامنے آئی تھی کہ بلڈ پریشر میں اچانک کمی اور اس کے بعد دل کا دورہ پڑنے کی وجہ سے ان کا انتقال ہو سکتا ہے۔
شیفالی کے قریبی ذرائع کے مطابق اسی رات انہوں نے اینٹی ایجنگ انجیکشن بھی لیا تھا، تاہم اس انجیکشن کا اس واقعے میں کیا کردار تھا اس کی تحقیقات بھی جاری ہیں۔
شیفالی کی قریبی دوست اور اداکارہ پوجا نے ایک انٹرویو کے دوران شیفالی کے آخری لمحات کے بارے میں بتایا ہے اور یہ بھی کہ اُن کے شوہر پراگ تیاگی سے ان کی آخری گفتگو کیا ہوئی تھی۔
یہ بھی پڑھیں: اداکارہ شیفالی جریوالا کو دل کا دورہ کیوں پڑا؟ پوسٹ مارٹم رپورٹ سامنے آگئی
پوجا نے بتایا کہ رات کے کھانے کے بعد شیفالی نے اپنے شوہر سے کہا کہ وہ اُن کے کتے کو چہل قدمی کے لیے لے جائیں۔ جیسے ہی پراگ نیچے گئے، گھریلو ملازمہ کی طرف سے کال آئی، جس میں کہا گیا کہ شیفالی کی طبیعت ٹھیک نہیں ہے۔
پوجا نے کہا اصل میں کیا ہوا، وہ پوسٹ مارٹم کے بعد پتہ چلے گا لیکن پراگ نیچے گراؤنڈ فلور پر کھڑے رہے تاکہ ملازمہ نیچے آ کر کتے کو لے جائے اور وہ اوپر جا سکیں۔ پھر جیسے ہی ملازمہ نیچے آئیں وہ فوراً واپس اوپر گئے۔ جب وہ فلیٹ میں پہنچے تو شیفالی کو بے ہوش پایا۔
پوجا نے مزید بتایا کہ پراگ نے انہیں بتایا تھا کہ اُس وقت شیفالی کی نبض چل رہی تھی، لیکن اُس کی آنکھیں نہیں کھل رہی تھیں اور اُس کا جسم جیسے مردہ ہو گیا تھا۔ اُسی وقت پراگ کو اندازہ ہو گیا کہ معاملہ سنگین ہے۔ وہ فوراً شیفالی کو اسپتال لے گئے لیکن اسپتال پہنچنے سے پہلے ہی وہ دم توڑ چکی تھیں۔
یہ بھی پڑھیں: ’کانٹا لگا‘ سے شہرت پانےو الی شیفالی جریوالا انتقال کر گئیں، موت کی وجہ کیا بنی؟
جب اُن سے پوچھا گیا کہ کیا شیفالی اینٹی ایجنگ ڈرپ لے رہی تھیں، تو پوجا نے وضاحت کی انہوں نے وٹامن سی کی آئی وی ڈرپ لگائی تھی لیکن یہ کوئی غیر معمولی بات نہیں ہے، یہ ڈرپس آج کل سب ہی لیتے ہیں۔ کووِڈ کے بعد لوگ باقاعدگی سے وٹامن سی لینا شروع ہو گئے ہیں۔ کچھ لوگ گولی لے لیتے ہیں اور کچھ لوگ آئی وی ڈرپ کے ذریعے لیتے ہیں اور شفالی نے اسے ڈرپ کے ذریعے لیا تھا۔
میزبان نے پوچھا سے سوال کیا کہ کیا شفیلی نے اپنی موت سے صرف چند گھنٹے پہلے آئی وی ڈرپ لی تھی تو پوجا نے اس کا جواب دیتے ہوئے کہا کہ مجھے اس بارے میں یقین نہیں ہے، لیکن جب میں وہاں کھڑی تھی تو پولیس نے اُس آدمی کو بلایا جس نے ڈرِپ دی تھی تاکہ یہ جان سکیں کہ وہ کون سی دوا لے رہی تھی، اور تب ہی یہ بات سامنے آئی کہ شیفالی نے اسی دن آئی وی ڈرپ لگائی تھی۔
واضح رہے کہ شیفالی کی آخری رسومات 28 جون کو اوشیوارہ ہندو شمشان گھاٹ میں ادا کی گئیں، جن میں اُن کے اہلِ خانہ اور فلم انڈسٹری کے قریبی دوستوں نے شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی وی ڈرپ اینٹی ایجنگ انجیکشن شیفالی جریوالہ شیفالی جریوالہ موت.ذریعہ: WE News
کلیدی لفظ: ا ئی وی ڈرپ اینٹی ایجنگ انجیکشن ا ئی وی ڈرپ رہی تھی پوجا نے ئی تھی کے بعد
پڑھیں:
بیوی کی لاش محفوظ رکھنے کے بعد نئی دوستی کیوں؟ شوہر کی ‘بے وفائی’ سوشل میڈیا پر زیر بحث
چین میں ایک شخص کی ذاتی زندگی نے سوشل میڈیا پر اخلاقی بحث چھیڑ دی ہے۔
57 سالہ گُوئی جون من نے اپنی بیوی ژان وین لیان کو 2017 میں وفات کے بعد کرائیونکس کے ذریعے منجمد کرایا تھا۔ وہ چین میں اس طریقے سے محفوظ کی جانے والی پہلی شخصیت بنی تھیں۔
یہ بھی پڑھیے: کوہستان کے برف پوش پہاڑوں سے حیرت انگیز خبر، 28 سال بعد برف سے لاش برآمد
ان کا جسم شانڈونگ یِن فنگ لائف سائنس ریسرچ انسٹی ٹیوٹ میں -190 ڈگری سینٹی گریڈ پر ایک بڑے کرائیونک ٹینک میں محفوظ ہے، جس کے لیے گُوئی نے 30 سال کا معاہدہ کیا تھا۔
تاہم، حالیہ انٹرویو میں سامنے آیا کہ گُوئی 2020 سے وانگ چون شیایا نامی خاتون کے ساتھ تعلق میں ہیں۔ انہوں نے بتایا کہ بیوی کے انتقال کے بعد وہ 2 سال تنہا رہے، مگر بعد میں انہیں محسوس ہوا کہ تنہائی مشکل ہے، جس کے بعد انہوں نے دوبارہ تعلق استوار کیا۔ ان کے مطابق یہ رشتہ ضرورت پر مبنی ہے اور نئی ساتھی ’دل میں داخل نہیں ہوئی’۔
یہ بھی پڑھیے: اداکار گووندا مشکل میں، بیوی سنیتا آہوجا کا بے وفائی اور ظلم کرنے کا الزام
اس انکشاف کے بعد چینی سوشل میڈیا پر بحث چھڑ گئی۔ کچھ صارفین نے کہا کہ اتنے برس بعد ان کے لیے نئی زندگی شروع کرنا فطری ہے اور مرحومہ کو سکون سے آرام کرنے دینا چاہیے۔ دوسری جانب ناقدین نے انہیں خود غرض اور بے وفا قرار دیا اور سوال اٹھایا کہ کیا ژان اس پر راضی ہوتیں؟ اور کیا یہ ان کے ساتھ انصاف ہے؟
کرائیونکس کیا ہے؟کرائیونکس میں جسم کو کرائیوپروٹیکٹینٹس کے ذریعے برف بننے سے بچا کر مائع نائٹروجن میں محفوظ کیا جاتا ہے۔ امید کی جاتی ہے کہ مستقبل میں ٹیکنالوجی ترقی پا کر ان جسموں کو دوبارہ زندہ کر سکے گی۔
یہ بھی پڑھیے: کوئی شخص بے وفائی کرے تو انسان کیا کرے؟ فرح اقرار الحسن کی نصیحت
دنیا بھر میں تقریباً 500 افراد کرائیونکس کے ذریعے محفوظ کیے گئے ہیں، مگر آج تک کسی انسان کو اس حالت سے زندہ نہیں کیا جا سکا۔
یہ واقعہ چین میں محبت، وفاداری اور نقصان کے بعد نئی زندگی شروع کرنے جیسے موضوعات پر وسیع بحث کا سبب بنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی ایوانِ نمائندگان میں تاریخی شٹ ڈاؤن ختم کرنے کے معاہدے پر آج ووٹنگ ہوگی