بچوں کووالد سے رابطے کی اجازت نہیں ،گرفتاری کی دھمکیاں دی جارہی ہیں ،جمائمہ خان
اشاعت کی تاریخ: 10th, July 2025 GMT
لندن(نیوز ڈیسک)لندن سے تعلق رکھنے والی جمائمہ گولڈ اسمتھ، جو پاکستان تحریک انصاف کے بانی اور سابق وزیراعظم عمران خان کی سابقہ اہلیہ ہیں، ایک بار پھر اپنے بچوں کے حق کے لیے آواز بلند کرتی نظر آئیں۔ سوشل میڈیا پلیٹ فارم “ایکس” (سابقہ ٹوئٹر) پر جاری اپنے ایک بیان میں انہوں نے دعویٰ کیا ہے کہ ان کے بیٹے قاسم اور سلمان کو نہ صرف اپنے والد سے بات کرنے کی اجازت نہیں دی جا رہی، بلکہ پاکستان آنے کی صورت میں انہیں گرفتاری کی دھمکیاں دی جا رہی ہیں۔
جمائمہ نے کہا کہ عمران خان گزشتہ دو برس سے قید تنہائی میں زندگی گزار رہے ہیں اور ان کے بیٹوں کو یہاں تک کہ ایک فون کال کی سہولت بھی میسر نہیں۔ انہوں نے اس صورتحال کو “سیاسی مخالفت سے نکل کر ذاتی انتقام کی شکل” قرار دیا۔
ان کے مطابق، بچوں کو یہ باور کروایا جا رہا ہے کہ اگر وہ پاکستان آ کر اپنے والد سے ملنے کی کوشش کریں گے تو انہیں بھی قانونی شکنجے میں کَس لیا جائے گا۔ جمائمہ نے اس طرز عمل کو انسانی حقوق کی کھلی خلاف ورزی قرار دیتے ہوئے عالمی برادری اور پاکستانی عوام سے اپیل کی کہ وہ اس ناانصافی پر آواز اٹھائیں۔
دوسری جانب، عمران خان کے چھوٹے بیٹے قاسم خان نے بھی اپنے ایکس اکاؤنٹ پر اپنے جذبات کا اظہار کرتے ہوئے بتایا کہ نہ صرف انہیں اپنے والد سے گفتگو کی اجازت نہیں دی جا رہی، بلکہ ان کے والد کو اپنے ذاتی معالج تک رسائی بھی نہیں دی گئی۔
قاسم کا کہنا تھا: “اپنے والد کی آواز سنے ہوئے ایک سال سے زائد کا عرصہ گزر چکا ہے۔ ہم نہ اُن سے مل سکتے ہیں، نہ فون پر بات، اور نہ ہی اُن کی صحت کے بارے میں معلومات ملتی ہیں۔ یہ سلوک کسی قیدی کے ساتھ نہیں، ایک باپ اور اس کے بچوں کے درمیان تعلق کو کچلنے کی کوشش ہے۔”
یہ صورت حال اس وقت سامنے آئی ہے جب عمران خان ملک کی سیاسی تاریخ کے نازک ترین دور سے گزر رہے ہیں۔ قید میں قید صرف ایک سیاستدان نہیں، بلکہ ایک والد، ایک شوہر اور ایک انسان بھی ہے — جس کا رشتہ اس کے بچوں سے اب ’قانونی مجبوریوں‘ کی نذر ہو رہا ہے۔
My children are not allowed to speak on the phone to their father @ImranKhanPTI.
Pakistan’s government has now said if they go there to try to see him, they too will be arrested and put behind bars.
This doesn’t… https://t.co/ccM7QFPmlV pic.twitter.com/z2v6PKgHto
— Jemima Goldsmith (@Jemima_Khan) July 10, 2025
Post Views: 2
ذریعہ: Daily Mumtaz
پڑھیں:
بانی پی ٹی آئی کے بیٹے پاکستان آئیں گے یا نہیں؟ جمائما گولڈ اسمتھ کا مؤقف سامنے آگیا
فائل فوٹوبانی پی ٹی آئی کی سابق اہلیہ جمائما گولڈ اسمتھ نے کہا ہے کہ ان کے بچوں کو اپنے والد سے فون پر بات کرنے کی اجازت نہیں۔
سوشل میڈیا پر لکھے پیغام میں جمائما گولڈ اسمتھ نے کہا کہ پاکستان کی حکومت نے اب کہا ہے کہ اگر بچے ان سے ملنے کے لیے وہاں جائیں گے تو انہیں بھی گرفتار کر کے جیل میں ڈال دیا جائے گا۔
جمائما گولڈ اسمتھ نے مزید کہا کہ یہ کسی جمہوریت یا ایک فعال ریاست میں نہیں ہوتا۔ یہ سیاست نہیں ذاتی انتقام ہے۔
یاد رہے کہ آج سینیٹر عرفان صدیقی نے کہا تھا کہ بانی پی ٹی آئی اپنے بچوں کو سیاست میں لانا چاہتے ہیں، ان کے بچے ضرور پاکستان آئیں، تحریک چلانا چاہتے ہیں تو چلائیں۔
عرفان صدیقی نے کہا تھا کہ بانی پی ٹی آئی کے بچے قانون کے دائرے میں رہ کر کام کریں تو اعتراض نہیں، ان کے بچوں کے آنے سے کوئی طوفان نہیں آئے گا۔
روس کا یوکرین پر سب سے بڑا ڈرون حملہ، میزائل بھی فائر کیے