کے الیکٹرک سستی وفاقی بجلی لینے سے گریزاں، نیپرا کا انکشاف
اشاعت کی تاریخ: 10th, July 2025 GMT
data-id="863a0a8" data-element_type="widget" data-widget_type="theme-post-content.default">
نیشنل الیکٹرک پاور ریگولیٹری اتھارٹی (نیپرا) نے ایک بار پھر کراچی الیکٹرک (کے الیکٹرک) کی کارکردگی پر سوالات اٹھا دیے ہیں۔
ذرائع کے مطابق نیپرا نے نشاندہی کی ہے کہ کے الیکٹرک کو وفاق سے سستی بجلی دستیاب ہونے کے باوجود وہ اسے مکمل طور پر حاصل نہیں کر رہی۔ اپریل میں کے الیکٹرک کو 1600 میگاواٹ بجلی دستیاب تھی لیکن اس نے صرف 1014 میگاواٹ حاصل کی، جس کے باعث اسے مہنگی بجلی پر انحصار کرنا پڑا۔
نیپرا کے ٹیکنیکل ممبر رفیق شیخ نے کہا کہ کے الیکٹرک کی کارکردگی مسلسل تنزلی کا شکار ہے، جس کی وجہ سے ادارے کو مالی مشکلات کا سامنا ہے۔ ان کے مطابق اگر سسٹم میں بہتری لائی جائے تو صارفین پر پڑنے والا بوجھ کم کیا جا سکتا ہے۔
رفیق شیخ کا کہنا تھا کہ اپریل کے دوران کے الیکٹرک نے اپنے پاور پلانٹس کو بھی مکمل صلاحیت کے مطابق نہیں چلایا، جو بجلی کی پیداوار کے شعبے میں ناقص کارکردگی کی عکاسی کرتا ہے۔ انہوں نے زور دیا کہ کے الیکٹرک کو اپنی آپریشنل کارکردگی بہتر بنانے کے لیے فوری اقدامات کرنا ہوں گے۔
.
ذریعہ
ذریعہ: Jasarat News
کلیدی لفظ: کے الیکٹرک
پڑھیں:
کراچی: بچی کیساتھ زیادتی و قتل کے ملزم کی پولیس کے ہاتھوں ہلاکت، اہلخانہ کا لاش لینے سے انکار
فائل فوٹوکراچی کے علاقے جیکسن میں 6 سالہ بچی کے قتل اور زیادتی میں ملوث ملزم گزشتہ روز پولیس مقابلے میں مارا گیا، اہلخانہ نے ملزم کی میت وصول کرنے سے انکار کردیا۔
ترجمان ایدھی کا کہنا ہے کہ اہلخانہ نے ملزم کی میت وصول کرنے سے انکار کردیا، میت کو مواچھ گوٹھ قبرستان میں سپردِ خاک کردیا گیا۔
ڈپٹی انسپکٹر جنرل (ڈی آئی جی) ساؤتھ اسد رضا کے مطابق 6 سالہ بچی کی لاش گزشتہ روز جیکسن کے علاقے سے ملی تھی، ملزم کی گرفتاری کے لیے جیسے ہی پولیس پہنچی، اُس نے پولیس پر فائرنگ کردی تھی۔
پولیس کا کہنا ہے کہ بچی کل دوپہر کو لاپتا ہوئی تھی، آج اس کی لاش ملی، ابتدائی پوسٹ مارٹم میں بھی بچی کے ساتھ زیادتی کی تصدیق ہوگئی تھی۔
ڈی آئی جی کا کہنا تھا کہ پولیس کے ساتھ فائرنگ کے تبادلے میں ملزم ہلاک ہوگیا، جس کے پاس سے اسلحہ برآمد ہوا۔
پولیس کا کہنا تھا کہ بچی دو روز قبل لاپتا ہوئی تھی، گزشتہ روز اس کی لاش ملی، ابتدائی پوسٹ مارٹم میں بھی بچی کے ساتھ زیادتی کی تصدیق ہوگئی تھی۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم