بھارت کو دفاعی محاذ پر دھچکا، برازیل نے آکاش میزائل ڈیل مسترد کردی
اشاعت کی تاریخ: 12th, July 2025 GMT
برازیل نے بھارت کے تیار کردہ آکاش میزائل ڈیفنس سسٹم کی خریداری کے مذاکرات ختم کرتے ہوئے ایک یورپی دفاعی نظام کو ترجیح دینے کا فیصلہ کیا ہے۔ یہ پیشرفت بھارت کے لیے ایک اہم سفارتی اور دفاعی دھچکا سمجھی جا رہی ہے، کیونکہ آکاش سسٹم کو بھارتی دفاعی صنعت کی برآمدات کا کلیدی جزو تصور کیا جاتا ہے۔
یہ بھی پڑھیں: مئی میں ہونے والی جھڑپ میں پاکستانی فضائیہ نے ہمارے جہاز تباہ کیے، بھارتی دفاعی اتاشی کا اعتراف
اکنامک ٹائمز کی رپورٹ کے مطابق، برازیلی فضائیہ نے یورپی کمپنی MBDA کے CAMM-ER میزائل سسٹم کا انتخاب کیا ہے، جو 45 کلومیٹر تک ہدف کو نشانہ بنانے کی صلاحیت رکھتا ہے۔ اس کے برعکس، بھارتی آکاش میزائل سسٹم کی حد صرف 25 سے 30 کلومیٹر تک محدود ہے۔
برازیلی حکام کو اس بات پر تشویش تھی کہ بھارت کی جانب سے پیش کیا گیا میزائل نظام جدید ترین آکاش-NG ورژن پر مبنی نہیں ہے، جو فی الحال تیاری کے مراحل میں ہے۔
MBDA کا تجویز کردہ Enhanced Modular Air Defence Solutions (EMADS) نظام جدید دفاعی خصوصیات سے لیس ہے، جن میں 360 ڈگری کوریج، سافٹ ورٹیکل لانچ ٹیکنالوجی اور جدید ریڈار سسٹمز شامل ہیں۔ یہ نظام برطانیہ، اٹلی اور پولینڈ میں پہلے ہی فعال کیا جا چکا ہے۔
رپورٹس کے مطابق، برازیل کے اس معاہدے کی مالیت تقریباً 920 ملین امریکی ڈالر (یعنی 5 ارب برازیلین ریئلز) ہو سکتی ہے۔
دلچسپ بات یہ ہے کہ گزشتہ سال ستمبر میں جی 20 سربراہی اجلاس کے موقع پر بھارتی وزیرِاعظم نریندر مودی اور برازیلی صدر لولا ڈی سلوا کے درمیان دفاعی تعاون بڑھانے پر اتفاق ہوا تھا۔ دونوں رہنماؤں نے سائبر سیکیورٹی، خلائی تحقیق اور دفاعی صنعت میں شراکت داری پر گفتگو کی تھی، تاہم آکاش میزائل کے معاہدے میں کوئی عملی پیشرفت نہ ہو سکی۔
یہ بھی پڑھیں: ہندوستان کی خارجہ اور سفارتی پالیسی ناکام ہی نہیں، تباہ ہوچکی ہیں، بھارتی دفاعی تجزیہ کار کا اعتراف
بھارتی دفاعی ماہرین کا کہنا ہے کہ برازیل کا یہ فیصلہ بھارت کے لیے خاصا مایوس کن ہے، بالخصوص ایسے وقت میں جب نئی دہلی اپنی دفاعی برآمدات کو فروغ دینے کی پالیسی پر عمل پیرا ہے۔ بھارت آکاش میزائل سسٹم کو ویتنام، فلپائن اور ارجنٹینا سمیت کئی ممالک کو فروخت کرنے کی کوشش کر رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آکاش میزائل بڑا دھچکا بھارت بھارتی معیشت ڈیل مسترد مذاکرات منقطع وی نیوز.
ذریعہ
ذریعہ: WE News
کلیدی لفظ: ا کاش میزائل بڑا دھچکا بھارت بھارتی معیشت ڈیل مسترد مذاکرات منقطع وی نیوز بھارتی دفاعی آکاش میزائل
پڑھیں:
وزیراعلی سندھ مراد علی شاہ کا مون سون کے پیش نظر انتظامیہ کو الرٹ رہنے کا حکم
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ اسلام ٹائمز۔ سندھ کے وزیر اعلی سید مراد علی شاہ کی ہدایت پر صوبائی ڈیزاسٹر مینجمنٹ اتھارٹی (پی ڈی ایم اے) نے سندھ بھر کی ضلعی انتظامیہ کو ہائی الرٹ کر دیا ہے اور تمام متعلقہ محکموں کو احتیاطی اور ہنگامی ردعمل کے اقدامات کرنے کی ہدایت کی ہے، کیونکہ بحیرہ عرب سے آنے والے مون سون کے طاقتور ہوائی سلسلے صوبے کو متاثر کر رہے ہیں۔ پی ڈی ایم اے کی جانب سے جاری کردہ موسمیاتی ایڈوائزری کے مطابق، پاکستان محکمہ موسمیات (پی ایم ڈی) کی پیش گوئی کی بنیاد پر ملک میں داخل ہونے والے مون سون کے طاقتور ہوائی سلسلے، بالائی اور وسطی علاقوں کو متاثر کرنے والے مغربی موسمی نظام کے ساتھ مل کر، 23 جولائی سے 25 جولائی تک سندھ کے کئی اضلاع میں وسیع پیمانے پر بارش، گرج چمک اور بعض مقامات پر موسلا دھار بارش کا سبب بن سکتے ہیں۔
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ وزیر اعلی نے ڈویژنل کمشنرز اور بلدیاتی اداروں کو مزید ہدایت کی کہ وہ نشیبی علاقوں، شہری مراکز اور حساس مقامات کی کڑی نگرانی کریں، امدادی سامان اور آلات کی دستیابی یقینی بنائیں اور موسمیاتی پیش گوئی کی مدت کے دوران تمام محکموں کے درمیان بلاتعطل رابطہ برقرار رکھیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی