وزراء میں وفاقی وزیر پاور اویس لغاری نمبر لے گئے ،وزیراعظم کی شاباش
اشاعت کی تاریخ: 31st, July 2025 GMT
اسلام آباد:وزیراعظم شہباز شریف نے وفاقی وزیر توانائی سردار اویس لغاری کی شاندار کارکردگی پر انہیں سراہا ہے اور باقاعدہ طور پر ایک تعریفی خط بھی ارسال کیا ہے۔ خط میں وزیراعظم نے کہا ہے کہ اویس لغاری نے توانائی شعبے میں اصلاحات اور گردشی قرضے کے خاتمے میں کلیدی کردار ادا کیا۔
وزیراعظم کے مطابق اویس لغاری کی قیادت میں 780 ارب روپے کے گردشی قرضے کا خاتمہ ممکن ہوا، جو توانائی شعبے کے لیے ایک بڑا سنگ میل ہے۔ مزید برآں، 35 آئی پی پیز کے ساتھ پرانے مہنگے معاہدے ختم کیے گئے اور نئے مفید معاہدے طے پائے، جن میں 6 آئی پی پیز کے ساتھ معاہدے مکمل طور پر ختم کرنا بھی شامل ہے۔
وزیراعظم نے کہا کہ ان اصلاحات سے قوم کو 3 کھرب روپے سے زائد کا براہِ راست فائدہ پہنچا، جبکہ بجلی کے نرخ میں 8 روپے 35 پیسے فی یونٹ کمی کے ذریعے عوام کو تاریخی ریلیف دیا گیا۔
اپنے خط میں وزیراعظم شہباز شریف نے اُمید ظاہر کی کہ اویس لغاری اور ان کی ٹیم اسی جذبے کے ساتھ کام جاری رکھے گی تاکہ توانائی کے شعبے میں مزید بہتری آئے اور ملک کی معاشی صورتحال میں استحکام پیدا ہو۔
ذریعہ
ذریعہ: Daily Mumtaz
کلیدی لفظ: اویس لغاری
پڑھیں:
فیفا نے ورلڈ کپ 2026 کی ٹیم آف دی ٹورنامنٹ کا اعلان کر دیا
فیفا نے ورلڈ کپ 2026 کے اختتام پر شاندار کارکردگی دکھانے والے کھلاڑیوں پر مشتمل ٹیم آف دی ٹورنامنٹ کا اعلان کر دیا ہے، جس میں عالمی فٹبال کے کئی نامور ستاروں کو پورے ایونٹ میں بہترین کھیل کی بنیاد پر شامل کیا گیا ہے۔
غیر ملکی خبر رساں ادارے رائٹرز کے مطابق منتخب ٹیم میں ارجنٹائن کے کپتان لیونل میسی، فرانس کے کپتان کیلیان ایمباپے اور ناروے کے اسٹار اسٹرائیکر ایرلنگ ہالینڈ کو فرنٹ لائن کا حصہ بنایا گیا ہے۔
مڈفیلڈ میں ورلڈ کپ کے گولڈن بال کے فاتح اور اسپین کے کپتان روڈری ، انگلینڈ کے جوڈ بیلنگھم اور فرانس کے مائیکل اولیسے کو جگہ دی گئی ہے، جنہوں نے پورے ٹورنامنٹ میں نمایاں کارکردگی کا مظاہرہ کیا۔
دفاعی لائن میں کیپ وردے کے گول کیپر ووزینیا کو منتخب کیا گیا ہے، جبکہ اسپین کے عالمی چیمپئن مارک کوکوریلا اور پیڈرو پورو ، فرانس کے ڈایو اوپامیکانو اور ارجنٹائن کے لیساندرو مارٹینیز بھی دفاع کا حصہ ہیں۔
فیفا کے مطابق ٹیم آف دی ٹورنامنٹ کا انتخاب کھلاڑیوں کی مجموعی کارکردگی، ٹیم پر اثراندازی اور پورے ایونٹ کے دوران مستقل بہترین کھیل کو مدنظر رکھتے ہوئے کیا گیا ہے۔
دوسری جانب فیفا نے ورلڈ کپ کے اختتام پر نئی عالمی رینکنگ بھی جاری کر دی ہے۔ نئی عالمی چیمپئن اسپین ایک درجہ ترقی کے بعد دنیا کی نمبر ایک ٹیم بن گئی، جبکہ رنر اپ ارجنٹائن ایک درجہ تنزلی کے بعد دوسرے نمبر پر چلی گئی۔
رینکنگ میں فرانس تیسرے اور انگلینڈ چوتھے نمبر پر برقرار ہیں، جبکہ برازیل اور مراکش ایک، ایک درجہ ترقی کے ساتھ بالترتیب پانچویں اور چھٹے نمبر پر پہنچ گئے ہیں۔
ادھر کرسٹیانو رونالڈو کی پرتگال دو درجے تنزلی کے بعد ساتویں نمبر پر آ گئی، جبکہ میزبان میکسیکو نے ورلڈ کپ میں عمدہ کارکردگی کی بدولت چار درجے ترقی کرکے ٹاپ ٹین میں جگہ بنا لی۔
ورلڈ کپ کے کوارٹر فائنل تک رسائی حاصل کرنے والی ناروے کی ٹیم نے بھی نمایاں پیش رفت کرتے ہوئے 12 درجے ترقی کی اور عالمی رینکنگ میں 19ویں پوزیشن حاصل کر لی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا