صدر ٹرمپ کی جانب سے اضافی ٹیرف عائد کرنے پر بھارت کا ردعمل سامنے آگیا
اشاعت کی تاریخ: 6th, August 2025 GMT
امریکا کی جانب سے روس سے تیل خریدنے پر بھارت کی درآمدات پر اضافی 25 فیصد ٹیکس عائد کیے جانے کے بعد نئی دہلی نے سخت ردعمل دیتے ہوئے اس اقدام کو ’غیرمنصفانہ، غیرمناسب اور غیرمنطقی‘ قرار دیا ہے۔
بھارتی وزارت خارجہ نے اپنے بیان میں کہا ہے کہ بھارت قومی مفادات کے تحفظ کے لیے ہر ممکن قدم اٹھائے گا۔
یہ بھی پڑھیں: تجارتی جنگ: ڈونلڈ ٹرمپ کا بھارت پر مزید 25 فیصد ٹیرف عائد، مجموعی ٹیرف 50 فیصد ہوگیا
وزارت خارجہ نے امریکی اقدام کو ’انتہائی افسوسناک‘ قرار دیتے ہوئے کہاکہ بھارت کی توانائی کی ضروریات کو پورا کرنے کے لیے روسی تیل کی درآمد مارکیٹ کی ضروریات اور 1.
واضح رہے کہ امریکی صدر ڈونلڈ ٹرمپ نے بھارت پر مزید 25 فیصد درآمدی ٹیکس عائد کرنے کا اعلان کردیا ہے، جس کے بعد مجموعی ٹیرف 50 فیصد تک پہنچ گیا، یہ اضافی ٹیکس 27 اگست سے نافذ العمل ہوں گے۔
ٹرمپ نے اپنے ایگزیکٹو آرڈر میں کہاکہ بھارت براہِ راست یا بالواسطہ طور پر روسی تیل درآمد کررہا ہے اور یہ اقدام روسی معیشت کو تقویت دے رہا ہے، جو کہ یوکرین کے خلاف جنگ میں مصروف ہے۔
انہوں نے بھارت پر بھاری مقدار میں روسی تیل خریدنے اور اسے منافع کے لیے اوپن مارکیٹ میں بیچنے کا الزام بھی عائد کیا۔
ٹرمپ نے مزید کہاکہ انہیں اس بات کی پرواہ نہیں کہ روسی جنگی مشین یوکرین میں کتنے لوگوں کو قتل کررہی ہے۔ اس لیے میں بھارت پر عائد درآمدی محصولات میں خاطر خواہ اضافہ کررہا ہوں۔
امریکی صدر نے خبردار کیا کہ اگر کسی بھی ملک نے اس اقدام پر جوابی کارروائی کی تو وہ اس حکم میں مزید ترمیم کرسکتے ہیں تاکہ اس کی افادیت یقینی بنائی جا سکے۔
یہ بھی پڑھیں: ٹرمپ ٹیرف برقرار، امریکی اپیلز کورٹ نے عارضی طور پر معطلی کا فیصلہ مؤخر کردیا
ادھر روس نے اپنے ایک بیان میں کہا ہے کہ ہم بہت سے ایسے بیانات سن رہے ہیں جو درحقیقت دھمکیاں ہیں اور مختلف ممالک کو روس کے ساتھ تجارتی تعلقات منقطع کرنے پر مجبور کرنے کی کوشش ہے، ہم ایسے بیانات کو قانونی نہیں سمجھتے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اضافی ٹیرف امریکی صدر بھارتی مفادات کا تحفظ ڈونلڈ ٹرمپ غیرمنصفانہ وی نیوزذریعہ: WE News
کلیدی لفظ: اضافی ٹیرف امریکی صدر بھارتی مفادات کا تحفظ ڈونلڈ ٹرمپ غیرمنصفانہ وی نیوز بھارت پر کے لیے
پڑھیں:
پاک بھارت جنگ کے دوران آٹھ طیارے مار گرائے گئے، امریکی صدر ٹرمپ کا دعویٰ
واشنگٹن: امریکی صدر ڈونلڈ ٹرمپ نے دعویٰ کیا ہے کہ پاک بھارت جنگ کے دوران آٹھ طیارے مار گرائے گئے تھے۔
امریکی صدر نے دنیا بھر میں اپنے تجارتی اور سفارتی اقدامات کا ذکر کرتے ہوئے کہا ہے کہ وہ بھارت و پاکستان کے درمیان جاری تنازعے کو ختم کرنے میں کامیاب رہے۔
ایک بزنس فورم میں انہوں نے بتایا کہ ان کے ہاتھ میں ایک معاہدے کی دستاویز تھی، جب انہیں خبریں موصول ہوئیں کہ “سات یا آٹھ طیارے مار گرائے گئے”۔
صدر ٹرمپ نے کہا کہ وہ اس معاہدے کو اس لیے رک گئے کیونکہ وہ نہیں چاہتے تھے کہ اس دوران دونوں پڑوسی ملک جنگ کی راہ اختیار کریں۔
انہوں نے مزید دعویٰ کیا کہ ان کے دباؤ کے نتیجے میں دونوں ممالک نے امن کی راہ اختیار کی۔
تاہم، بھارت نے ان الزامات کی تردید کی ہے اور کہا ہے کہ تنازعے پر کوئی تیسرے فریق کا کردار نہیں تھا۔
رواں سال 22لاکھ ایکڑ اراضی پر گندم کی کاشت کی جائے گی: وزیراعلیٰ سندھ