نواز شریف سے خواجہ آصف کی ملاقات، ملکی سیاسی صورتحال پر گفتگو
اشاعت کی تاریخ: 8th, August 2025 GMT
مسلم لیگ (ن) کے صدر اور سابق وزیراعظم نواز شریف سے وزیر دفاع خواجہ آصف نے اہم ملاقات کی، جس میں ملک کی موجودہ سیاسی صورتحال سمیت باہمی دلچسپی کے امور پر تبادلہ خیال کیا گیا۔
یہ ملاقات ایسے وقت میں ہوئی ہے جب حالیہ دنوں خواجہ آصف کے استعفے سے متعلق سوشل میڈیا اور میڈیا پر چہ مگوئیاں جاری تھیں، جن کی انہوں نے باقاعدہ تردید کی تھی۔ تردید کے بعد جمعے کے روز ان کی نواز شریف سے ملاقات کو سیاسی حلقوں میں خاص اہمیت دی جا رہی ہے۔
ملاقات کے دوران ملکی سیاسی منظرنامے، حکومتی کارکردگی اور دیگر اہم معاملات پر تفصیلی گفتگو ہوئی۔
یاد رہے کہ چند روز قبل خواجہ آصف نے بیوروکریسی سے متعلق ایک بیان میں دعویٰ کیا تھا کہ ملک کی نصف سے زائد بیوروکریسی نے پرتگال میں جائیدادیں حاصل کر لی ہیں اور شہریت کے حصول کی کوششیں کر رہی ہے، جس پر مختلف حلقوں میں بحث کا سلسلہ شروع ہوا۔
Post Views: 8.ذریعہ: Daily Mumtaz
کلیدی لفظ: خواجہ ا صف
پڑھیں:
اظہر جاوید سماء ٹی وی پاکستان کے برطانیہ میں بیورو چیف مقرر
لندن (ڈیلی پاکستان آن لائن ) معروف صحافی اور سینئر میڈیا پروفیشنل اظہر جاوید کو سماء ٹی وی پاکستان کا بیورو چیف برائے برطانیہ تعینات کر دیا گیا ہے۔
تفصیلات کے مطابق اظہر جاوید کو براڈکاسٹ جرنلزم میں 28 سال سے زائد کا تجربہ حاصل ہے، اور وہ سیاسی رپورٹنگ، نیوز روم لیڈرشپ اور بین الاقوامی میڈیا آپریشنز کے شعبوں میں وسیع مہارت رکھتے ہیں۔
اپنے شاندار کیریئر کے دوران انہوں نے پاکستان کے کئی بڑے میڈیا اداروں میں اہم عہدوں پر خدمات انجام دیں، جن میں اے آر وائی نیوز میں بیورو چیف برطانیہ و یورپ، دنیا میڈیا گروپ میں ہیڈ آف انٹرنیشنل نیوز آپریشنز، جیو نیوز کے یوکے نمائندہ اور آزاد ڈیجیٹل پاکستان کے رپورٹر شامل ہیں۔
ہتک عزت دعویٰ ؛وفاقی وزیر اطلاعات عطا اللہ تارڑ بطور گواہ سیشن کورٹ میں پیش
اظہر جاوید کو پاکستانی سیاست اور بین الاقوامی امور پر ان کی گہری بصیرت اور جامع رپورٹنگ کے باعث پہچانا جاتا ہے۔ انہوں نے سابق وزیر اعظم بینظیر بھٹو، سابق وزیر اعظم محمد نواز شریف اور موجودہ وزیر اعظم شہباز شریف کی سیاسی سرگرمیوں کی کوریج کی۔
سن 2005 سے 2007 کے دوران انہوں نے بینظیر بھٹو اور نواز شریف کے درمیان تاریخی "چارٹر آف ڈیموکریسی" سے متعلق پیش رفت کو تفصیل سے رپورٹ کیا، جو پاکستان کی سیاسی تاریخ کا ایک اہم موڑ تھا۔
بطور سیاسی و بین الاقوامی تجزیہ کار، اظہر جاوید مختلف پاکستانی ٹاک شوز میں باقاعدگی سے شریک ہوتے رہے ہیں، جہاں وہ ملکی و عالمی امور پر تبصرہ اور تجزیہ پیش کرتے ہیں۔ لندن میں مقیم ہونے کے ناطے انہوں نے برطانیہ اور یورپ میں پاکستانی کمیونٹی کی سرگرمیوں کو اجاگر کرنے اور ان کی سماجی و سیاسی خدمات کو نمایاں کیا ہے۔
علیمہ خان کے وارنٹ گرفتاری کی تعمیل کرانے کیلئے پولیس کی خصوصی ٹیم تشکیل
اپنی نئی ذمہ داری کے حوالے سے اظہر جاوید نے کہا’’سماء ٹی وی کی نمائندگی کرنا میرے لیے باعثِ فخر ہے۔ میں بین الاقوامی خبروں کے دائرہ کار کو مزید وسعت دینے، ذمہ دار صحافت کو فروغ دینے اور پاکستان کے مثبت تشخص اور بیرونِ ملک پاکستانی کمیونٹی کی کامیابیوں کو اجاگر کرنے کا خواہاں ہوں۔‘‘
مزید :
پنجاب میں 8ویں جماعت کے بورڈ امتحانات کا سلسلہ دوبارہ شروع، حکومتی فیصلہ