قوم اس بار یومِ آزادی تاریخی انداز میں منائے گی: مریم اورنگزیب
اشاعت کی تاریخ: 10th, August 2025 GMT
مریم اورنگزیب—فائل فوٹو
پنجاب کی سینئر وزیر مریم اورنگزیب نے کہا ہے کہ معرکۂ حق میں فتح کے جذبے سے سرشار قوم اس بار یومِ آزادی تاریخی انداز میں منائے گی۔
جشن آزادی کی تیاریوں کے حوالے سے جاری بیان میں مریم اورنگزیب نے کہا کہ 14 اگست کو وزیرِ اعلیٰ پنجاب مریم نواز معرکۂ حق پارک اور میوزیم کی نقاب کشائی کریں گی۔
انہوں نے کہا کہ مریم نواز نے جشنِ آزادی مثالی انداز میں منانے کی ہدایت کی ہے، جشنِ آزادی کی تقاریب کو حتمی شکل دے دی گئی۔
سینئر وزیرِ پنجاب نے کہا کہ اضلاع کے درمیان جشنِ آزادی پر خوبصورت چراغاں کرنے کا مقابلہ جاری ہے، آزادی فلوٹس کا بھی مقابلہ ہو گا، سب سے خوبصورت فلوٹ سجانے اور بہترین چراغاں پر انعامات دیے جائیں گے، سب سے زیادہ خوبصورتی کے ساتھ سجائے گئے بازار کو بھی انعام ملے گا۔
مریم اورنگزیب نے کہا کہ پنجاب میں ڈویژن، اضلاع اور تحصیل کی سطح پر یومِ آزادی منانےکی تیاریاں پُرجوش انداز میں جاری ہیں، تحفظ آزادی کے احساس نے حصول آزادی کے جشن کو دوبالا کر دیا ہے۔
ان کا کہنا ہے کہ نوجوانوں اور بچوں کا جوش و جذبہ قابلِ تحسین ہے، تعلیمی اداروں اور شہری تنظیموں کو جشنِ آزادی سے متعلق سرگرمیوں کے لیے مکمل سہولتیں فراہم کر رہے ہیں۔
سینئر وزیرِ پنجاب نے کہا کہ ضلعی انتظامیہ اور تمام ادارے 14 اگست کی تیاریوں میں اشتراکِ عمل سے خدمات انجام دے رہے ہیں۔
.ذریعہ: Jang News
کلیدی لفظ: مریم اورنگزیب نے کہا کہ
پڑھیں:
پاک سعودیہ دفاعی تعاون معاہدے نے تاریخی تعلقات کو نئی جہت دی ہے، وفاقی وزیر داخلہ
اسلام آباد:وفاقی وزیر داخلہ محسن نقوی کا کہنا ہے کہ پاک سعودیہ دفاعی تعاون معاہدے نے تاریخی تعلقات کو نئی جہت دی ہے۔ دفاعی، اقتصادی اور ثقافتی شراکت داری نے باہمی تعلقات کو نئی بلندیوں تک پہنچایا ہے۔
وفاقی وزیر داخلہ محسن نقوی نے سعودی عرب کے قومی دن پر شاہ سلمان بن عبدالعزیز، ولی عہد محمد بن سلمان، شاہی خاندان اور سعودی عوام کو مبارکباد دی۔
اس موقع پر محسن نقوی نے کہا کہ سعودی قیادت، سعودی سفیر اور عوام کے لیے خیر سگالی اور نیک خواہشات کا اظہار کرتا ہوں۔ ولی عہد محمد بن سلمان کی ولولہ انگیز قیادت میں سعودی عرب نے ترقی کے سنگ میل عبور کیے ہیں۔
محسن نقوی نے کہا کہ سعودی عرب کی ترقی پاکستان کے لیے فخر اور حوصلے کا باعث ہے، اسلام اور مسلمانوں کی خدمت کے لیے سعودی عرب کے شاہی خاندان کی خدمات کو فراموش نہیں کیا جا سکتا۔
انہوں نے کہا کہ پاک سعودیہ تعلقات دو بھائیوں کی وہ مقدس میراث ہے جو دلوں کی گہرائیوں سے جڑی ہوئی ہے۔ ایک دوسرے کے لیے قربانی، وفا اور خلوص کے رشتے نے اس دوستی کو ہر آزمائش میں سرخرو کیا ہے۔
محسن نقوی نے کہا کہ پاکستان اور سعودی عرب کا روحانی و ثقافتی تعلق جغرافیے سے ماورا ہے۔ سعودی حکومت نے ہر موقع پر پاکستان کے ساتھ بے لوث دوستی کا ثبوت دیا ہے، چاہے قدرتی آفات ہوں یا عالمی چیلنجز۔
وفاقی وزیر داخلہ کا کہنا تھا کہ پاکستان اور سعودی عرب کے مابین گہرے اور دیرینہ تعلقات ہمیشہ قائم و دائم رہیں گے۔ پاکستانی قوم سعودی عرب کی سلامتی، استحکام اور خوشحالی کے لیے دل کی گہرائیوں سے دعاگو ہے۔
افغان طالبان کا بگرام ائربیس امریکا کودینے سے صاف انکار