مغل بادشا شاہجہاں نے تاج محل آگرہ میں کیوں تعمیر کرایا؟
اشاعت کی تاریخ: 12th, August 2025 GMT
مغل بادشاہ شاہجہاں نے جب اپنی اہلیہ بیگم ممتاز محل کے لیے تاج محل تعمیر کرایا تو اس کا مقصد دنیا میں انتہائی خاص اور منفرد ترین مقبرہ بنانا تھا تاکہ مستقبل کی نسلیں تاج محل کی منفرد خوب صورت دیکھ سکیں اور اس کے ساتھ ممتاز محل کے ساتھ محبت کا بھی اندازہ ہو۔
تاج محل ایک منفرد اور شان دار فن کا مظہر ہے اور اس سے لازوال محبت کا نشان تصور کیا جاتا ہے لیکن تاج محل کی تعمیر کے لیے ایک ایسا مقام کا انتخاب کیا گیا جو دریائے جمنا کے کنارے پر تھا جو دہلی سے آگرہ کی طرف بہتا ہے۔
شاہجہاں نے اپنی محبوب اہلیہ کے لیے تاج محل کی تعمیر کا انتخاب آگرہ میں کیوں کیا؟ آئیے اس حوالے سے تاریخ سے دستیاب معلومات جانتے ہیں۔
مغل بادشاہ شاہجہاں کا تعمیر کردہ تاج محل کو دنیا کا ساتواں عجوبہ بھی شمار کیا جاتا ہے اور اس کو دیکھنے کے لیے سیاحوں کی بہت بڑی تعداد یہاں پہنچتی ہے اور بھارت کے مقبول ترین سیاحتی مقامات میں سے ایک ہے اور دنیا بھر کے لاکھوں سیاح اس مقام کی زیارت کرتے ہیں۔
تاج محل کی تعمیر میں تقریباً 20 سال کا طویل عرصہ لگا تھا، اس کی تعمیر 1635 عیسوی میں شروع ہوئی تھی اور 1953 عیسوی میں مکمل ہوئی تھی، اس کی تعمیر میں 20 ہزار سے زائد مزدروں، دست کاروں، آرکیٹکٹس اور ہنرمندوں نے کام کیا تھا اور ان کی بھرپور محنت سے دنیا میں خوب صورت فن کا ایک شاہکار تخلیق ہوا۔
اس کی تعمیر میں بہت زیادہ محنت کارفرما تھی، جس کی بدولت فن کی دنیا کا ماسٹر پیس تیار ہوا۔
تاج محل کی آگرہ میں تعمیر کی وجوہات مختلف ہیں لیکن یہاں ہم صرف تین وجوہات کا ذکر کریں گے جو عموماً تاج محل کی تعمیر کی بنیادی وجوہات کہلاتی ہیں۔
شاہجہاں نے تاج محل کے لیے آگرہ کا انتخاب اس لیے کیا تھا کیونکہ اس وقت مغل بادشاہت کا دارالحکومت دہلی کے بجائے آگرہ تھا اور بادشاہ کے انتظامی امور کے دفاتر اور عدالتیں بھی وہیں قائم تھیں۔
دوسری وجہ یہ تھی کہ دریائے جمنا کے کنارے یہ جگہ نہایت مناسب تھی ، اس کے ساتھ ساتھ ماربل کی سپلائی اور کہنہ مشق دست کاروں کی دستیابی بھی آگرہ کے انتخاب کی بنیادی وجوہات تھیں۔
بتایا جاتا ہے کہ شاہجہاں کے لیے آگرہ کے انتخاب کی تیسری وجہ دریائے جمنا کی روانی تھی، جس کی وجہ سے تاج محل خوب صورت دکھائی دیتا ہے اور یہ پانی عمارت کو نقصان پہنچانے کا بھی باعث نہیں تھا۔
تاریخ دانوں کے مطابق شاہ جہاں نے تاج محل کو دریائے جمنا کے کنارے تعمیر کرانے کا فیصلہ سوچ سمجھ کر کیا تھا کیونکہ دریائے جمنا کا موڑ تاج محل کو سیلاب یا ساحلی کٹاؤ سے محفوظ رکھتا ہے۔
مغل بادشاہ شاہجہاں نے آگرہ میں تاج محل کی تعمیر کے بعد اپنا دارالحکومت دہلی منتقل کردیا تھا اور اس کے بعد دہلی آج بھی دارالحکومت ہے اور تاج محل کو دنیا کا ساتواں عجوبہ شمار کیا جاتا ہے۔
.ذریعہ: Express News
کلیدی لفظ: تاج محل کی تعمیر دریائے جمنا مغل بادشاہ شاہجہاں نے تاج محل کو جاتا ہے اور اس ہے اور کے لیے
پڑھیں:
برطانوی کرنل (ر) کرس رومبرگ لندن سے کیوں گرفتار ہوئے؟
کرنل (ر) کرس رومبرگ سےملیے، آپ 29 کمانڈو رجمنٹ سے تعلق رکھنے والے سابق برطانوی فوجی افسر اور مصر و اردن میں برطانوی سفارت خانوں کے فوجی اتاشی رہ چکے ہیں، اس کے علاوہ اگر کہا جائے تو سب سے بڑھ کر ہولوکاسٹ سے بچ جانے والے ایک شخص کے بیٹے ہیں، جنہیں حال ہی میں لندن سے ایک ’دہشت گرد تنظیم کی حمایت‘ کے الزام میں گرفتار کر لیا گیا۔
کرنل (ر) کرس رومبرگ کے یہودی والد 25 برس کی عمر میں نازیوں سے بچنے کے لیے آسٹریا سے برطانیہ ہجرت کر گئے تھے، اور یہی واقعہ آج کے ان کے احتجاج کی اصل تحریک ہے۔ وہ کہتے ہیں کہ آپ بچپن سے وہی قصے سنتے ہیں جو آپ کو سنائے جاتے ہیں، بے زمین لوگوں کے لیے بے گھر لوگوں کی زمین، اور اس طرح کی باتیں۔
یہ بھی پڑھیں:
ان کے خیالات میں تبدیلی کی ایک بڑی وجہ وہ تجربات تھے جو انہیں اسرائیل سے متصل دو ممالک میں برطانوی سفارتی عملے کے ساتھ کام کے دوران حاصل ہوئے، انہیں یاد ہے کہ ایک ایسے سفارت کار نے، جو نسلی امتیاز کے عروج کے دنوں میں جنوبی افریقہ میں خدمات انجام دے چکا تھا، انہیں بتایا کہ فلسطین میں اسرائیل کے ہاتھوں جو کچھ ہوا، وہ اس سے کہیں بدتر ہے جو اس نے جنوبی افریقہ میں دیکھا تھا۔
کرنل (ر) کرس رومبرگ کو یہ بھی یاد ہے کہ 25 سال سے زیادہ عرصہ قبل برطانوی وزارتِ خارجہ نے حکومت کو مشورہ دیا تھا کہ اسرائیل فلسطین میں جنگی جرائم کا ارتکاب کر رہا ہے اور انہیں حکومت کا ردِعمل بھی یاد ہے۔ ’کوئی حتمی بات نہ کہنے کا فیصلہ کیونکہ برطانیہ یورپی یونین کے ہجوم میں چھپ جائے گا۔‘
مزید پڑھیں:
برسوں پر محیط ان کی نفرت اور بیزاری برسوں میں بڑھتی گئی اور انہیں محسوس ہوا کہ اب موقف اختیار کرنا ناگزیر ہے، یہی وجہ ہے کہ آج دوپہر انہیں اپنے رجمنٹل ٹائی اور بلیزر پہنے ہوئے گرفتار کیا گیا۔
پولیس نے انہیں آج سہ پہر ایک عارضی پروسیسنگ سینٹر میں منتقل کیا، جو وزارتِ خارجہ، دولتِ مشترکہ اور ترقیاتی امور کے اسی دفتر کی عمارت میں قائم کیا گیا تھا جہاں وہ فوجی اتاشی کی حیثیت سے رپورٹ کیا کرتے تھے۔
مزید پڑھیں:
کرنل (ر) کرس رومبرگ کا پیغام سادہ ہے، برطانوی فوج کے ایک سابق سپاہی اور ہولوکاسٹ سے بچ جانے والے باپ کے بیٹے کی حیثیت سے وہ سمجھتے ہیں کہ غزہ میں نسل کشی ختم ہونی چاہیے۔ ’برطانیہ کا اسرائیلی فوج کے ساتھ تعاون رکنا چاہیے، اور فلسطین ایکشن کو دہشت گرد تنظیم قرار دینا غلط ہے۔‘
دیگر لوگوں کی طرح شاید کرنل (ر) کرس رومبرگ یہ بھی چاہیں گے کہ آپ جان لیں کہ لندن کے پارلیمنٹ اسکوائر میں احتجاج شروع ہونے کے بعد لوگوں کو صرف اس جرم میں گرفتار کیا گیا کہ وہ کاغذ کے ٹکڑوں پرایک ایسی تنظیم کے حق میں اصولی حمایت کا اظہار کررہے تھے، جس نے آج تک کسی کے خلاف تشدد استعمال نہیں کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برطانوی کرنل کرس رومبرگ
اسرائیلی حکومت نے بھی مودی سرکار کو بڑا جھٹکا دیدیا