بلاول بھٹو کو نشان امتیاز پاکستان کے لیے بے مثال خدمات کا تسلیم شدہ اعزاز ہے، شرجیل میمن
اشاعت کی تاریخ: 14th, August 2025 GMT
کراچی:
سندھ کے سینئر وزیر شرجیل انعام میمن نے چیئرمین بلاول بھٹو زرداری کو نشانِ امتیاز ملنے پر دلی مبارکباد پیش کی ہے۔
اپنے بیان میں شرجیل میمن نے کہا ہے کہ نشانِ امتیاز، بلاول بھٹو زرداری کی پاکستان کے لیے کی گئی بے مثال خدمات کا تسلیم شدہ اعزاز ہے، یہ اعزاز ہر اس پاکستانی کے لیے باعثِ فخر ہے جو ملک کی عزت و وقار کو دنیا میں بلند دیکھنا چاہتا ہے۔
انہوں نے کہا کہ بلاول بھٹو نے جس انداز سے بھارت کو سفارتی میدان میں شکست دی اور مودی سرکار کی علاقائی غنڈہ گردی کو بے نقاب کیا، وہ قابلِ تحسین اور ہر پاکستانی کے لیے باعثِ فخر ہے، چیئرمین بلاول بھٹو کی واضح اور بھرپور سفارتکاری نے دنیا کو بتایا کہ پاکستان امن چاہتا ہے مگر اپنے قومی مفادات اور وقار پر کوئی سمجھوتہ نہیں کرے گا۔
سینئر صوبائی وزیر نے کہا کہ بلاول بھٹو زرداری کی یہ کامیابی نہ صرف ان کی ذاتی خدمات کا اعتراف ہے بلکہ پاکستان کی سفارتی تاریخ میں ایک سنہری باب کا اضافہ ہے، بلاول بھٹو زرداری نے پاکستان کے مؤقف کو عالمی فورمز پر جس جرأت مندی، مدلل انداز اور بردباری سے پیش کیا وہ قابلِ فخر ہے۔
شرجیل انعام میمن کا کہنا تھا کہ بلاول بھٹو زرداری نے بھارت کا مکروہ چہرہ بے نقاب کیا اور دنیا کو ایک پُرامن، ترقی پسند اور مثبت پاکستان سے روشناس کروایا، بلاول بھٹو زرداری کی قیادت میں بین الاقوامی سطح پر پاکستان کا موقف نہ صرف سنا گیا بلکہ اسے مثبت انداز میں سراہا بھی گیا، اپنی نوجوان قیادت اور جدید سفارتی وژن کے ذریعے پاکستان کے امیج کو بہتر بنانے میں چیئرمین بلاول بھٹو نے کلیدی کردار ادا کیا۔
.ذریعہ: Express News
کلیدی لفظ: بلاول بھٹو زرداری پاکستان کے کے لیے
پڑھیں:
عاصم منیر کو ہلالِ جرات، بلاول بھٹو کو نشانِ امتیاز، یومِ آزادی پر ایوانِ صدر میں اعلیٰ اعزازات کی تقسیم
اسلام آباد میں یومِ آزادی کے موقع پر ایوانِ صدر میں اعلیٰ سول و عسکری اعزازات دینے کی پُروقار تقریب منعقد ہوئی، جس میں صدرِ مملکت آصف علی زرداری نے مختلف شعبوں میں نمایاں خدمات انجام دینے والی شخصیات کو اعزازات دیے۔ وزیراعظم شہباز شریف بھی تقریب میں شریک تھے۔
فیلڈ مارشل سید عاصم منیر کو انتہائی مشکل حالات میں شاندار عسکری قیادت پر ’ہلالِ جرات‘ سے نوازا گیا۔ چیئرمین جوائنٹ چیفس آف اسٹاف کمیٹی جنرل ساحر شمشاد کو ’نشانِ امتیاز‘، ائیر چیف مارشل ظہیر احمد بابر کو بھی ’ہلالِ جرات‘ اور نیول چیف ایڈمرل نوید اشرف کو بھارت کے خلاف جنگ میں بحری سرحدوں کے دفاع پر ’نشانِ امتیاز‘ عطا کیا گیا۔
بھارتی جارحیت کا منہ توڑ جواب دینے پر وزیرِ دفاع خواجہ آصف، بہترین اطلاعاتی حکمتِ عملی پر وزیرِ اطلاعات عطا تارڑ، داخلی یکجہتی اور امن قائم رکھنے پر وزیرِ داخلہ محسن نقوی، سفارتی محاذ پر نمایاں کارکردگی پر نائب وزیراعظم اسحاق ڈار، اور سندھ طاس معاہدے پر مؤثر موقف اختیار کرنے پر وفاقی وزیر قانون اعظم نذیر تارڑ کو بھی ’نشانِ امتیاز‘ دیا گیا۔
قومی مؤقف عالمی سطح پر اجاگر کرنے اور بھارت کی سازشوں کو بے نقاب کرنے پر بلاول بھٹو زرداری کو ’نشانِ امتیاز‘ سے نوازا گیا، جبکہ سیاسی ہم آہنگی قائم رکھنے میں کردار پر رانا ثنا اللہ بھی اس اعزاز کے حق دار ٹھہرے۔
ایوانِ صدر کی اس تقریب میں دیگر کئی سول و عسکری شخصیات کو بھی اعلیٰ اعزازات دیے گئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
وزیراعلیٰ پنجاب نے لاہور میں جدید ترین اربن الیکٹرک ٹرام سپراٹانومس ریپڈ ٹرانزٹ چلانے کا افتتاح کردیا